CORCUBION C.F. 2 - S.D. SOFAN 3

Chegou o inverno á liga da Costa. Onte no Novo Cubaleiro un temporal de vento e auga acompañou un bonito encontro, vencido xustamente pola Sd, que ademais dos tres goles de Abel, marrou claras ocasions durante os 90 minutos. Unha nutrida parroquia sofanista aplaudiu a rabiar ós xogadores o final do encontro, premiando o seu esforzo.

CORCUBION - Iago Abelleira, Conguito, Sebas, Gabi, Valucho - Edu 55´-, Lema, Pablo Leston, Alan - Senra 70´-, David Lourido, Johny - Marcos 65´-, e Mario.

S.D. SOFAN - Bugy, Carlos Lista - Cantudo 84´-, Diego, Juanjo, Alberto Pensado, Eloy Boedo, Michel, Eloy Cabeza - Jacobo 75´-, Ivan Rey - Marcos Pensado 88´-, Edy - Ivan Rojo 65´- e Abel.

ARBITRO - Gonzalez Rey, que amonestou a Pablo por parte local, e a Lista, Pensado, Michel e Edy por parte visitante.

GOLES:

0-1 32´ Pase longo a Abel que dende o vertice da area enganche un precioso disparo que se cola pola escadra local.
1-1 34´ Lourido levase o balon coa man e Mario aproveitase da circustancia para bater a Bugy de gran disparo cruzado.
1-2 61´ Roubo de balon de Eloy, que cede a Edy, o seu disparo rexeitao Iago e Abel moi atento na boca do gol marca.
1-3 76´ Nova contra da Sd, Abel plantase ante Iago e bateo de disparo raso.
2-3 84´ Penalti por mans de Jaco que transforma Lema.

O forte vento condicionou o desenrolo do encontro, pero a Sd non se arredrou e mandou dende os primeiros intres. Boedo á saida dun corner tivo a primeira ocasion, e pouco despois Edy espetou un duro disparo no longueiro. Foi anulado un tanto a Pensado por dubidoso fora de xogo. Parecia que o gol da Sd tiña que chegar e asi foi, nunha contra que culminou Abel maxistralmente. Pero pronto empatou o cadro de Manolin. Mario, o mais perigoso do Corcubion, levou a igualada ó marcador cando os de Mallon nin disfrutaran do gol de Abel. O descanso chegouse con este marcador axustado.

No segundo tempo demostrouse a superioridade visitante. A defensa adiantadisima dos locais foi un risco que soubo aproveitar a Sd. Abel, entonadisimo, anotou os dous tantos que deixaban visto o encontro para sentencia. Tivo Ivan Rojo outra ocasion clarisima pero non foi quen de bater a Iago cando se atopaba solo. O propio Abel marrou outra na liña de gol, o non ser capaz de empurrar un gran centro de Diego ó fondo das mallas. A liña defensiva da Sd estivo ó nivel habitual, moi segura. O tanto final serviu para darlle emocion ó tema, pero o saber estar dos de Mallon dou o traste coas ilusions locais.

S.D. SOFAN 3 - U.C. CEE 2

Gran tarde de futbol a vivida onte no campo do Carral. Baixo un calor abafante mais de 160 espectadores viron como un gol de Eloy Boedo tumbaba ó gallito da categoría, o Cee, e daba un liderato momentaneo da liga da Costa ó equipo local. Encontro disputadisimo, emocionante, con un  segundo tempo cheo de alternativas, dos que fan afición.

S.D. SOFAN - Bugy, Carlos Lista, Marcos Pensado, Juanjo, Alberto Pensado, Eloy Boedo, Michel, Eloy Cabeza - Cantudo 87´-, Ivan Rey - Diego 77´-, Edu - Ivan Rojo 60´- e Abel -Jacobo 63´-.

U.C. CEE - Parroto, Ruben Fiuza, Jorge, Piquero, Rafa, Fermin, Angeliño, Fernandito, Poyo - Ruben 86´-, Penedo e Nico - Chiru 76´-.

ARBITRO - Meilan Otero, que amonestou a Bugy, Marcos Pensado e Michel por parte local, e a Fiuza, Piquero e Fernandito por parte visitante.

GOLES -
0-1 42´ Penalti cometido por Bugy sobre Penedo que transforma Angeliño.

1-1 52´ Corner botado por Marcos Pensado que Eloy Cabeza remata ás mallas no segundo pao.

2-1 65´ Xogada individual de Ivan Rey que tras sair de dous regates engancha un dereitazo que se lle cola por encima a Parroto.

2-2 79´ Gran centro de Chiru que remata Penedo de maneira impecable o fondo das mallas.

3-2 88´ Saque de banda que peina Lista e Boedo entrando con moita forza remata de cabeza, o balon da no longueiro, na espalda de Parroto e introducese na meta visitante ante o delirio da parroquia local.

O Cee mostrou os seus galons de favorito o titulo costeiro dende o inicio no Carral. Ante un equipo local agazapado buscando a contra, os ceenses levaron o peso do partido no primeiro tempo, si ben é certo que sin crear excesivo perigo. Angeliño comandaba as intencions ofensivas azulonas, e Penedo mostrabase moi escurridizo na punta de ataque. Enganchou Fermin un gran disparo lonxano que saiu fora por pouco. O capitan visitante tentouno toda a tarde sen exito. A Sd buscaba o balón parado para inquietar a Parroto, e Lista non chegou por pouco a unha falta moi ben sacada por Ivan Rey. Bugy, unha vez mais esplendido, detivo en gran parada un remate de Penedo nunha contra. A batalla no centro do campo era moi intensa, e o calor faciase insoportable. Cando todos pensaban no refrescante vestiario, un despiste da defensa sofanista aproveitao Penedo para provocar o penalti que transforma Angeliño con tranquilidade. Descanso e victoria momentanea do UC Cee.

Pero pronto tivo resposta á saida da caseta, co gol do empate de Eloy. Foi enton cando o partido entrou nun ritmo trepidante de tensión, ocasións, e cando se viu mellor futbol. Un tremendo disparo de Angeliño tocouno Bugy e repeleo o longueiro. O Cee apretou o acelerador buscando a victoria, pero a Sd empezaba a atopar espacios á contra. Primeiro Abel e logo Ivan Rey envian sendos centros que se pasean pola area pequena de Parroto sin encontrar quen os empuxe a gol. E foi o talentoso extremo sofanista, Ivan Rey, quen foi quen de enganchar un tremendo disparo para poñer en ventaxa os locais. Vironse os ceenses por debaixo, e novamente intentouno Fermin, pero Bugy respondeu cunha gran parada. A defensa sofanista rallaba a gran nivel, cun Juanjo en plan mariscal, e con Pensado permitindose crear perigo nos balons parados. Nunha gran xogada do xovencisimo Chiru chegou o empate que silenciou á bulliciosa parroquia local. Pero non se arredrou o equipo de Mallon, con Ivan Rojo collendo galons no centro do campo e enviando perigosos balons a Jacobo. Cando o partido esmorecia chegou o gol de Boedo, repleto de forza, que desatou a euforia na parroquia local.

SAN LORENZO 0 - S.D. SOFAN 1

Derbi intenso como se esperaba o de onte no campo das Pedreiras. Ante uns 250 espectadores, ambos equipos non xogaron un bo partido a nivel técnico, pero si moi igualado. A contienda acabou cunha tangana e un xogador expulsado por cada equipo.

SAN LORENZO. Abraham, Quillo, Adrian, Dubra, David Alvarez -Anxo 85´-, Cachizo, Fuentefria, Javi Pensado -Canteiro 66´-, Pichel, Eloy - Peque 46´- e Chucho.

S.D. SOFAN. Bugy, Lista, Marcos Pensado, Juanjo, Alberto Pensado, Eloy Boedo, Michel, Eloy Cabeza -Jacobo 75´-, Ivan Rey -Ivan Rojo 61´-, Edy -Diego 84´- e Abel -Santi 67´-.

ARBITRO. Rama Cotelo, que amonestou a Adrian, Cachizo e Fuentefria por parte local, e a Lista, Pensado, Abel e Edy por parte da Sd. Expulsou a Chucho e a Santi no minuto 89 tras a tangana.

GOL.
0-1 24´ gran pase á espalda da defensa de Eloy e Abel define de vaselina ante Abraham.

Iniciou o San Lorenzo o encontro moi metido, agresivos, e creando perigo á defensa sofanista. Javi Pensado e Pichel dispararon sobre a meta de Bugy, pero respondeu a Sd con un tremendo disparo de Eloy que saiu fora por pouco, e unha boa ocasión de Ivan Rey. Tivo Pichel a mais clara dos locais neste acto, pero Bugy sacou de reflejos e desviou cunha gran parada o disparo do dianteiro. Estirouse a Sd e Edu en un par de ocasións probou a Abraham antes do gol. Co tanto chegaron os mellores minutos da Sd, e primeiro Abel nun man a man e logo Boedo a saida dun corner poideron sentenciar a contienda. Chegouse o descanso con ventaxa minima.

O segundo tempo foi mais bronco e feo. O San lorenzo buscou balons directos dende o principio e a sd limitouse a defenderse. A liña defensiva estivo espectacular, con Juanjo e Pensado a un gran nivel, e lograron conter as acometidas visitantes, que insistiron falta tras falta e saque de banda tras saque de banda. Tivo Cachizo a ocasion para empatar pero o seu remate de cabeza saiu fora cando xa se cantaba o gol. A Sd, so en un par de faltas o final do encontro, inquietou a meta local. O epilogo do partido, coa tangana final, para olvidar.

* foto do equipo da Sd cedida por Nordeportes

S.D. SOFAN 3 - DUMBRIA B 1

Iniciouse a liga 12/13 no campo do Carral con unha victoria ante o sempre correoso Dumbria B, un equipo plagado de xuventude e talento que non puxo nada faciles as cousas ós de Pablo Mallon. Tarde calurosisima en Sofan, con 150 espectadores no graderío que disfrutaron da evolucion dos xogadores sofanistas sobre a alfombra verde sofanista.

S.D. SOFAN - Bugy, Carlos Lista, Marcos Pensado - Diego 71´-, Alberto Pensado - Cantudo 84´-, Juanjo, Eloy Boedo, Michel, Eloy Cabeza - Jacobo 65´-, Ivan Rey - Ivan Rojo 74´-, Edy e Abel.

DUMBRIA B - David, Jose, Cabanas, Jano, Carreira, Isma - Fernando 70´-, Pereira, Josiño, Javi - Martin 75´-, Rodrigo e Alex Siaba.

ARBITRO - Rama Vazquez, que amonestou a Diego, Eloy e Ivan Rojo por parte local.

GOLES - 1.0 22´ Tremenda volea de Eloy Boedo que repelen entre o porteiro e o longueiro, pero o rexeite empuxao Abel a gol na misma raia de porteria.

2.0 35´ Gran xogada de Eloy Boedo, que tras roubar un balón no centro do campo internase con forza e decisión, cede o balón a Edu que cruza un bo disparo diante da saida do gardameta.

2.1 44´ Falta cerrada á area local que Alex remata en semifallo co xeonxo e introduce o balon na porteria ante o despiste local.

3.1 63´ Pase longo de Michel á internada de Marcos Pensado, que non o pensa moito e engancha un disparo terrible que entra pola escadra da meta visitante.

Forte inicio o da Sd neste comenzo ligueiro. Os xogadores, xa con ganas de que rodase o balon competitivo, demostraron dende o primeiro intre apetencia e fame de triunfo. Unha forte presión inicial dou paso a unha ristra de ocasións ante as que parecia mentira que o balón non entrase. Ata tres balons se estrellaron no pao nestes primeiros instantes, Abel, Michel e Eloy, na mais clara ocasión da primeira parte, non foron quen de batir a David. Pero ós 20 minutos chegou o gol de Abel, que calmou as ansias locais.

Os de Cesar Ferrio estiraronse con timidez enton, e dispuxeron dunha clara ocasión nun remate de Josiño no punto de penalti, que Bugy rexeitou cos pes. Acto seguido respostou a Sd cou outra clara opcion pero nin Abel nin Eloy bateron o meta visitante, moi fino nesta accion. O partido estaba a ser moi bonito, e a Sd enlazaba combinacions de moito mérito, cun Abel en gran estado de forma, e Edu e Ivan entrando ben por banda. Unha gran xogada en banda esquerda acaba con un centro de Marcos Pensado que Rey non é capaz de rematar. O gol dos visitantes a balon parado foi un xerro de auga fría para os rojillos, que vian como tras un bo primeiro tempo so se ian con ventaxa de un gol o descanso.

A saida dos locais foi moi fria tras o descanso. Faltos de concentración, baixouse o nivel defensivo, e o Dumbria comenzou a rondar a meta da Sd. Pero nestes momentos surxiu a figura de Bugy, un dos mellores do encontro, sacando duas ou tres mans magnificas e abortando todo intento de remontada visitante. Cando xa se temia o peor no Carral chegou o golazo de Marcos, que deixou o partido visto para sentencia, pois entre o calor e a bisoñez do equipo visitante, a ultima media hora foi un querer e non poder do Dumbria, e un errar ocasión tras ocasion da Sd. Co partido aberto as contras locais puideron ser mortais de necesidade. Os homes de refresco aportaron calidade na zona de arriba, con especial mencion o debut de Ivan Rojo, que mostrou moi boas maneiras e creou moito perigo por banda dereita. Edy marrou tres ocasions clarisimas diante do porteiro, e Abel ou Rojo tamen tiveron as suas opcions.



Resultado xusto o de onte, onde se viu a un equipo local todavia en fase de rodaxe pero que apunta moi boas maneiras de cara a este maratón ligueiro que nos espera.

TORDOIA 0 - S.D. SOFAN 3

Rematou a pretempada para a Sd, en vistas do inicio ligueiro o proximo domingo dia 2 de setembro no campo do Carral ante o Dumbria B. E fixoo cun bo partido en Tordoia ante o equipo local, recen ascendido a 2ª autonomica. Os goles de Edu en duas ocasions e Eloy sentenciaron o encontro no segundo tempo.

S.D. SOFAN - Dani, Cantudo, Marcos Pensado, Lista, Juanjo, Boedo, Michel, Eloy, Abel, Edu e Ivan Rey. Tamen xogaron Bugy, Maroño, Santi, Berti, Jacobo, Oscar Pardo, Diego e Gustavo.

Foi esta unha proba xa cercana ó que se espera no inicio ligueiro. As baixas de Pikas, Pensado, Suso Docampo e Roberto Souto non mermaron o potencial do equipo, que tras unha primeira parte igualada, impuxose nun bo segundo tempo. O equipo local foi un serio rival no primeiro acto, presionando ben e non deixando que os xogadores da Sd tiveran claridade no movemento de balon en ningun momento. Ainda asi a defensa adiantada dos locais produxo algunha que outra ocasión, sendo as mais claras para Abel e Eloy, pero os seus remates sairon cruzados. A presencia de Juanjo da moita seguridade á zaga, e o resto de homes raiaron a bo nivel.

No segundo tempo surxiu a figura de Edu, que rubricou unha gran pretempada con dous golazos. O terceiro serviulle a Eloy, a pase de Boedo, para estrenarse na sua nova andaina na Sd. Proba positiva na que se viu un pequeno esbozo do que pode ser a Sd este ano.

AT. ARTEIXO 2 - S.D. SOFAN 1

Penultima proba para a Sd a de onte a noite no campo da Ponte dos Brozos de Arteixo, ante o conxunto local adestrado por Miguel Filgueiras, un dos favoritos na 1ª autonomica. Os de Pablo Mallon deron unha boa medida das suas posibilidades e so caeron por un gol de Adriano cando o tempo esmorecia. Debutou Ivan Rojo, procedente do Bergantiños xuvenil, e o rapaz dou mostras sobradas da sua calidade.

AT. ARTEIXO - Duran, Zalo, Borja, Carlocho, Javi, Agullo, Chechu, Fran, Nano, Mario David e Quim. Tamen xogaron Josito, Adriano, Juanma, Ferreiro e Roberto.

S.D. SOFAN - Bugy, Diego, Marcos Pensado, Alberto Pensado, Lista, Michel, Eloy Boedo, Jacobo, Ivan Rey, Edu e Abel. Tamen xogaron Dani, Cantudo, Juanjo, Eloy Cabeza, Ivan Rojo, Santi, Berti e Maroño.

GOLES - 1-0 16´ gran xogada do Arteixo pola banda esquerda, o balón chega a Quim, que engancha un trallazo dende o borde da area que entra pola escadra da meta de Bugy.

1-1 62´ Pase en profundidade a Santi, este ganalle a espalda a defensa local e marca elevando o balon por encima do porteiro local.

2-1 92´ Perdida de balon na media da Sd, da que se aproveita Adriano para marcar de disparo cruzado.

Partido moi serio o xogado pola Sd. Ante un rival de categoria, con unha calidade individual no seu mediocampo moi notable, os de Mallon traballaron ben defensivamente no primeiro tempo, para crear mais perigo na continuacion. O Arteixo foi claro dominador do primeiro acto, con Fran, Agullo e Chechu levando a manija do equipo, e Mario DAvid moi activo. Este xogador estrellou un balon na cruceta na mellor ocasion local. A Sd saia en esporadicas contras, e tivo Abel un par de boas ocasions, e Ivan un disparo que se lle foi alto. A presion arteixan non permitia que a Sd tivera o balon nos seus pes moito tempo.

No segundo tempo os locais baixaron un pouco o piston, circunstancia da que se aproveitaron os xogadores sofanistas. A entrada de Eloy e Ivan Rojo doulle moito futbol o mediocampo visitante, e a velocidade de SAnti en punta foi un quebradero de cabeza para a veterana defensa local. Defensivamente a saida de Juanjo doulle un plus de agresividade ó equipo. Pena de gol no ultimo intre, pois o bo traballo dos de Mallon merecia a igualada.

Volveu o fillo prodigo: Eloy outra vez de rojillo.

Redebutou coa casaca sofanista Eloy Cabeza, tras o seu paso polo Dumbria, onde en dous anos logrou ascender a preferente e posteriormente realizar unha gran tempada nesta categoría. O xogador, de 25 anos, decidiu voltar á sua casa tras unha frustrada pretempada no Bergantiños, a axudar coa súa calidade a que a Sd logre as mais altas cotas. Fora de dubidas está a sua categoria humana e futbolística, e a bo seguro que moita xente se alegra da súa volta á pradera do Carral.

CLUB DO MAR 0 - S.D. SOFAN 0

Moi boa imaxe a dada pola Sd no campo da Porta Santa de Paiosaco ante o potente Club do Mar de Juan Acuña. O equipo mostrouse compacto, a un bo nivel físico e discutindolle o balón por momentos ó equipo local. Debutou cos sofanistas Eloy Cabeza, de volta da súa exitosa experiencia de dous anos en Dumbria.

CLUB DO MAR - Diego, Chori, Fran Borrazas, Sergio Cives, Luis Lareo, Pablo Martinez, Manu, Jose, Damian, Pablo e Schuster. Tamen xogaron Zalo, Juan Vila, Diego e Hippy.

S.D. SOFAN - Dani, Roberto Souto, Marcos Pensado, Lista, Alberto Pensado, Eloy Boedo, Michel, Jacobo, Edu, Ivan Rey e Abel. Tamen xogaron Eloy Cabeza, Pikas, Juanjo, Oscar Pardo, Bugy, Cantudo, Santi, Maroño e Berti.

Moi seria a Sd dende o inicio , presionando ben a saida de balón dos locais, e enlazando boas contras. A banda esquerda funcionou moi ben, con Edu moi incisivo surtindo de balóns a Abel. Tivo o dianteiro a mais clara ocasion do primeiro tempo, pero tras controlar solo un balón no punto de penalti rematou fora. Schuster a saida dun corner tivo a mais clara dos locais, nun remate de cabeza a saida dun corner que parou ben Dani.

O segundo tempo seguiu con un bo nivel a pesar dos cambios, ainda que foi o tipico partido de pretempada, vironse cousas moi interesantes. A falta de precision nos metros finais impediu que se viran tantos. O Club do Mar tivo as mellores ocasions neste tempo, cunha falta de Damian que saiu fora por pouco e outro remate de cabeza do mesmo xogador que saiu alto.


Resaltar o xa reseñado debut de Eloy e a presencia do capitan Juanjo no seu primeiro partido de pretempada.

S.D. SOFAN 1 - SAN MARTIÑO 0

Novo triunfo da Sd nos seus partidos de pretempada, que excepto o reves co Xallas no trofeo das festas, conta por victorias os seus encontros. O San Martiño, rival de categoria con xogadores importantes como Gonzalez, Javi, ou Toñito, dou unha gran imaxen, nun partido moi competido, que servio a Pablo Mallon para ver cousas de cara o inicio ligueiro. Partido de ritmo alto para ser de pretempada, con mais ocasións visitantes, pero un gol de Jacobo a pouco do remate doulle a victoria os locales.

S.D. SOFAN- Dani, Maroño, Cantudo, lista, oscar, Pensado, Michel, Ivan Rey, Abel, Berti e Pikas. Tamen xogaron Edu, Marcos Pensado, Bugy e Santi.

S.D. SOFAN 1 - XALLAS DE SANTA COMBA 7

Foi vapuleada a Sd no trofeo das festas de Sofan por un Xallas de Santa Comba moi superior os locais, con un ritmo de xogo infernal e as cousas moi clariñas de como se debe xogar no campo do Carral. O equipo local acusou a falta de acoplamento dos seus homes, e os goles visitantes foron caendo polo seu propio peso.

S.D. SOFAN - Bugy, Roberto Souto, Gustavo, Lista, Oscar Pardo, michel, Pensado, Ivan Rey, Edu, Jacobo e Santi. Tamen xogaron Pikas, Marcos Pensado, Dani, Berti e Cantudo.

O gol local marcouno Pikas no segundo tempo.

Os visitantes, con un Mon en plan director de orquesta, e con Javi Suarez, Noli e DArio Capelo entrando unha e outra vez na defensa local, crearon infinidade de ocasións dende o primeiro minuto, ante unha Sd que so a balon parado por medio de Jacobo inquietou a Diego. O resultado o descanso era xa de 0-4. O segundo tempo foi un tramite, tipico partido de entrenamento, onde os da Sd pouco mais que defender fixeron.

Sirve este correctivo de lección os homes de Pablo Mallon, que todavia teñen moito que acoplar o equipo de cara o inicio ligueiro o dia 2 de setembro contra o Dumbria B en Sofan.

PONTECESO S.D. 1 - S.D. SOFAN 2

Venceu a Sd no Pinguel o venres pasado no segundo partido de pretempada ante un conxunto local plagado de xuvenis. Os de Pablo Mallon mostraron unha moi boa cara, sobre todo no primeiro tempo, a pesar das multiples baixas que tiveron

S.D. SOFAN - Dani, Maroño, Roberto Souto, Lista, Marcos Pensado, Alberto Pensado, michel, Ivan Rey, Edu, Abel e Jacobo. Tamen xogaron Bugy, Pikas, Santi, Oscar Pardo e Gustavo.

GOLES.
0-1 27´Gran pase de Michel a Jacobo que bate o gardameta local de vaselina.
1-1 35´Alex Trigo de gran disparo dende a frontal da area.
1-2 41´Gran xogada de Edu por banda, indose de todo rival que lle saia o paso, e cede a Abel que marca a porta valeira.

De inicio a presion no centro do campo dos xogadores da Sd surtiu efecto, e tanto Michel como Pensado roubaban e abastecian de balons os catro dianteiros. Os homes de banda estiveron moi incisivos, e Edu e Abel marraron claras ocasions. O equipo mostrouse moi seguro do seu futbol en todo momento ante un conxunto moi correoso e combativo.

No segundo acto aumentou a posesion e a presion do Ponteceso, que rondou a area visitante con mais perigo, pero nas contras tanto Santi como Pikas tiveron claras ocasions de aumentar a conta. Foi moi satisfactoria esta proba para os sofanistas, que van progresando na idea de xogo que ten Pablo para o equipo.

O martes as 20.30 horas, no campo do Carral, nova proba de fogo. Visitanos o actual campeon da copa da costa, o Xallas de Santa comba, no trofeo das festas.

CERQUEDA 0 - S.D. SOFAN 4

Iniciou os partidos preparatorios de pretempada a Sd en Buño, enfrontandose a un dos cadros potentes de 3ª autonómica, o Cerqueda. O equipo de Pablo Mallon dou unha boa medida do que pode ser este curso e mostrouse superior ó conxunto local.

S.D. SOFAN - Bugy, Cantudo - Roberto Souto 46´-, Lista, Gustavo, Marcos Pensado, Michel, Eloy Boedo - Alberto Pensado 46´-, Abel - Ivan Rey 46´-, Edu - Maroño 46´-, David Pensado - Santi 46´- e Berti - Jacobo 46´-

GOLES:
0-1 7´ Gran xogada individual de David Pensado que tras varios recortes dispara raso e axustado ó pao e bate ó meta local.

0-2 18´ Edu de gran disparo dende a frontal.

0-3 35´ Eloy ve adiantado ó porteiro e marcalle unha falta dende case o medio do campo.

0-4 41´ Marcos Pensado de falta directa pola escadra.

A presencia de Michel no centro do campo dou moito empaque a Sd, que levou o control do balón case que en todo momento. Bugy apenas tivo que intervir excepto en un par de saques a balon parado no segundo tempo. Os sofanistas traballaron ben a presión, destacando Edu e David Pensado no primeiro tempo. No segundo acto, e cos dous equipos bastante cansados, o ritmo baixou un pouco, pero ainda así a Sd puido anotar mais tantos, pero tanto SAnti como Ivan non estiveron atinados en sendos mans a man.

A S.D. SOFAN 2012/2013

Presentouse na tarde noite de onte a Sd Sofan no campo do Carral, con moitas novidades nas suas filas, e sen cerrar de todo o plantel, á falta da incorporacion de un ou dous atacantes.

O plantel liderado polo mister Pablo Mallon será o seguinte:

PORTEIROS:

David Martinez Loureiro, BUGY. 19 anos. 1ª tempada no clube. Procede do Bergantiños xuvenil.

RICHARD Cotelo Vilanova. 29 anos. 2ª tempada no clube.

DANI. 27 anos. 6ª tempada no clube. Volve procedente do Deportivo Razo.


DEFENSAS:

ROBERTO SOUTO Garcia. 30 anos. 4ª tempada no clube.

Marco Lopez Rodriguez, CANTUDO. 33 anos. 1ª tempada no clube. Procede do Larin

DIEGO Fernandez Santos. 28 anos. 5ª tempada no clube

MARCOS PENSADO Torres. 30 anos. 1ª tempada no clube. Procede do Coristanco.

OSCAR PARDO Rey. 34 anos. 4 tempada no clube. Regresa procedente do Buño

GUSTAVO Eiris Becerra. 30 anos. 15ª tempada no clube.

CARLOS LISTA Puente. 30 anos. 1ª tempada no clube. Procede do Carral.

JUANJO Rey Arijon. 35 anos. 15ª tempada no clube.


CENTROCAMPISTAS:

ALBERTO PENSADO Eiroa. 35 anos. 4ª tempada no clube.

M.Angel Sande Martinez, MICHEL. 35 anos. 1ª tempada no clube. Procede do Carral.

ELOY BOEDO Novo. 20 anos. 2ª tempada no clube.

IVAN REY Calviño. 21 anos. 2ª tempada no clube.

EDU MIRANDA Torrecilla. 20 anos. 2ª tempada no clube.

IVAN MAROÑO. 22 anos. 1ª tempada no clube. Procede do At. Arteixo B.


DELANTEROS:

SANTI. 27 anos. 1ª tempada no clube. Procede do San Lorenzo de Verdillo.

ABEL Souto Cores. 23 anos. 4ª tempada no clube.

DAVID PENSADO Tasende. 27 anos. 3ª tempada no clube.

SUSO DOCAMPO Blanco. 33 anos. 13ª tempada no clube.

JACOBO Boedo Novo. 27 anos. 4ª tempada no clube.

Alberto Lorenzo Suarez, BERTI. 27 anos. 6ª tempada no clube.

CRISTIAN MUÑOZ Belda. 19 anos. 1ª tempada no clube. Procede do Bergantiños xuvenil

Tres novos homes no primeiro entreno da Sd: SANTI, CANTUDO E MARCOS PENSADO.

O martes adestrou a Sd por primeira vez baixo as ordes de Pablo Mallon. O campo das Eiroas de Carballo acolleu as primeiras carreiras veraniegas dos xogadores sofanistas. Neste adestramento participaron tres das novas incorporacións da Sd, Cantudo, Santi e Marcos Pensado, así como Ivan Maroño, ex-xogador do Arteixo B que posiblemente tamen se una ó equipo rojillo.

MARCOS PENSADO procede do Coristanco, equipo no que levaba 7 anos sendo titular indiscutible no lateral esquerdo. Anteriormente formara 3 anos no Castriz. Marcos é un lateral defensivamente solvente, de probada potencia física e que destaca polo seu golpeo de balón, o que lle permite marcar varios goles por temporada a balón parado.

Marco Lopez Rodriguez, conocido futbolísticamente como CANTUDO, procede do Larín. Lateral ou interior dereito, o veterano xogador pasou toda a súa vida futbolística no Larin, excepto por un paso fugaz polo Xallas no 2009.

SANTI é unha incorporación para a zona do ataque. O ex xogador do San Lorenzo pode actuar como extremo ou dianteiro. Destaca pola súa velocidade e entrega total. O xoven xogador saiu das categorias inferiores do Bergantiños e xogou no Dumbria, Buño e San Lorenzo antes de incorporarse este ano á Sd.

Queda practicamente cerrada a plantilla da Sd para esta tempada, á espera da posible incorporacion en vindeiras datas de 1 ou 2 atacantes.

Duas incorporacions de calidade para a Sd. MICHEL E LISTA.

Dous dos artifices directos do ascenso do Carral este ano a Preferente recalan na Sd Sofan para disputar a tempada que vai a comenzar. Carlos Lista e Michel, xogadores experimentados e de calidade contrastada, reforzarán a defensa e o centro do campo do clube carballés.

Carlos Lista Puente, de 30 anos, defensa polivalente, é unha vella aspiracion da entidade sofanista, que xa intentou incorporalo anos anteriores. O defensa, caracterizado pola sua polivalencia e calidade, será peza clave no entramado de Pablo Mallon.

Miguel Angel Sande Martinez, MICHEL, conta os seus 35 anos con dilatada experiencia nos campos de futbol. Coñecida de sobra é a sua traxectoria no futbol coruñes e das Mariñas. Este centrocampista mostrará a sua calidade e futbol facil no cespede do Carral.

Ambos teñen traxectorias paralelas. Sairon do Laracha, onde chegaron a terceira division e gañaron varias copas da Coruña naquel conxunto laraches historico, estiveron en Paiosaco onde foron pezas fundamentais, no caso de Michel logrando o ascenso a Preferente co modesto conxunto blanquiverde, e ascenderon o ano pasado ó Carral. Esperemos que en Sofan teñan a mesma sorte.

ROBERTO SOUTO REGRESA Á LIÑA DEFENSIVA DA SD

Tras un ano sabatico tomado por motivos laborales, o carismatico Roberto Souto regresa á Sd para formar parte do proxecto de Pablo Mallon de cara á tempada que está a piques de comenzar. Defensa polivalente, pois tanto pode actuar de central como de lateral dereito, a súa presencia tense que notar tanto no campo coma no vestiario, onde é un dos xogadores mais queridos dentro do clube. Reforza así a Sd a liña defensiva, algo debilitada tras a marcha de Adrian e Juan Rabuñal.

CRISTIAN MUÑOZ, un dianteiro para a Sd

Cristian Muñoz Belda, nacido en Alcoy e afincado en Carballo, é novo atacante da Sd Sofan. O rapaz, de 19 anos, é a segunda incorporación do Baby - Sofan que se está a construir para a tempada 2012/2013. Rapaces talentosos e con proxección que teñen que complementar ós veteranos de contrastada calidade que xa hai no vestiario sofanista.

Cristian destaca por ser un atacante rápido e peleón, con un bo disparo coas dúas pernas e ganas de comerse o mundo. O rapaz iniciouse no fútbol na sua terra co CD Javer. Xa en Galicia, xogou un ano no Coristanco cadete, onde destacou e pasou a enrolar as filas do Bergantiños cadete, co que ascendeu a división de honor. Estivo un ano no Dubra xuvenil, para voltar ó Bergantiños, e ser campeon de liga galega xuvenil, cunha promocion de grandes xogadores entre os que se atopaba o xa sofanista Ivan Rey, que será compañeiro seu no vestiario do Carral.

David Martinez, BUGY, é a primeira fichaxe da Sd

David Martinez Loureiro, nacido o 21/05/93. Eso é o que pon o dni do novo gardameta da Sd Sofan. Futbolísticamente conocido como Bugy, foi presentado onte no campo do Carral o prometedor canteiran do Bergantiños. O rapaz mostrabase encantado de pasar a formar parte do equipo da terra do seu pai, e é moi optimista de cara á tempada que entra en poucos días. Sangue xoven para a meta sofanista.

Bugy leva toda a sua vida futbolística nas categorías inferiores do Bergantiños. Curiosamente comenzou a xogar de dianteiro, pero no equipo cadete un entrenador iluminado viulle cualidades e situouno baixo os paos. A súa progresion dende entonces foi moi rápida e ascendente. Campion da liga da Costa cadete e xuvenil, e semifinalista de copa xuvenil, naquela polemica eliminatoria contra o Muros na que os muradans pasaron á final tras unha alineacion indebida carballesa, ten tamen no seu palmarés un ascenso a division de honor cadete. O ano pasado formou parte do equipo do Bergantiños que disputou a liga nacional de xuvenis.

Si por algo destaca Bugy e polo seu xogo cos pes, claramente fruto do seu pasado como dianteiro. Axil no man a man, e cunha planta fantastica para dominar o xogo aereo, en Sofan esperase moito do gardameta, do que creemos que vai ter unha progresion boa como siga na liña de traballo que ven tendo, que a bo seguro o levará a dar moitas tardes de gloria ó equipo do Carral.

Benvido.

A S.d. ten novo técnico: Pablo Mallon

Ven de contratar a Sd ó técnico que dirixirá a nave sofanista no curso 2012/2013. Tratase do carballés Pablo Mallón, que recentemente ascendeu ó Cabana a 2ª Autónómica.

Pablo, de 35 anos, é un dos técnicos con maior proxección da zona. A pesar da súa corta idade xa ten amplia experiencia nos banquillos dos arredores. Licenciado en INEF, e posuidor da titulación nivel 2 de adestrador, suma xa dous ascensos de 3ª autonómica, categoría que domina á perfeccion, así como un título de 3ª division como segundo adestrador do Cerceda no ano 2003. Chegou o momento de que se consagre na 2ª. A súa traxectoria é a seguinte.

Temp. 00-01 / 01-02 / 02-03  Cerceda- Preparador físico e 2º Adestrador 3ª División
Temp. 03-04   Adestrador Cerceda Infantil
Temp. 04-05   Adestrador Encrobas 3ª Rexional
Temp. 05-06   Adestrador Bergantiños juvenil/ Preparador Físico e 2º Adestrador Bergantiños 3ª División
Temp. 06-07   Adestrador Coristanco 3ª Rexional
Temp. 07-08   Adestrador Paiosaco 1ª Rexional
Temp. 08-09 / 09-10 / 10-11/  Buño  3ª e 2ª Rexional
Temp. 11-12 Cabana 3ª Rexional

O novo mister respondenos a unhas preguntas uns dias despois de formalizar a sua relacion co clube.

       Que che levou a aceptar a oferta da sd sofan?

No mundo da Costa todo o mundo fala da seriedade dun club como o Sofán, e eso añadido a que a maioría da plantilla xa a conocía, e creo que hai materia prima para facer un traballo bo, foi o que me convenciu para enrolarme neste proxecto.

       Que esperas da tempada que entra?

Primeiro intentar facer un grupo forte, unido e comprometido, e despois, a nivel deportivo, que o equipo mellore día a día, que cada partido sexa unha final e que a final de temporada podramos mirar a tabla e ver que somos un dos equipos fortes da categoría.

               como estan a ser os primeiros dias como adestrados da sd?

Traballando man a man coa directiva na confección do plantel. Nestas semanas que veñen empezaremos a planificar a pretemporada. 

       que deixas atrás en cabana?

Podo decir que deixo moitos amigos, que é o máis bonito deste futbol da Costa. Acadamos un ascenso que espero que lle sirva de motivación tanto a directiva como os xogadores, os que hai e os que chegarán, para consolidar o equipo na categoría e para involucrar máis a todo o mundo.

       Que coñeces da plantilla que vas a adestrar e que opinion che merece?

A plantilla aínda está confeccionándose, pero a base será a do ano pasado con varias incorporacións. Conozco a maioría personalmente e son bos xogadores, xogadores moi involucrados e cunhas posibilidades enormes. Si traballan, que non dubido que o farán, creo que poden conseguir moitas cousas no clube e no fútbol en xeral.

VICENTE GARCIA DEIXA A S.D. SOFAN

O mister Vicente Garcia deixa a S.d. Tras unha tempada marcada polas dificultades o adestrador non continuará no equipo no exercicio 2012/2013.

A directiva da Sd quere agradecer de forma afectuosa o traballo desenrolado por Vicente, home noble e dedicado ó clube en corpo e alma. Os problemas en forma de lesións e os imponderables do deporte rey aliaronse en contra do mister, que non tivo verdadeira sorte en momentos claves da tempada, como pode ser a eliminatoria contra o Dumbria, finalista da Copa da Costa, na que a Sd dou unha gran imaxe e un alto nivel pero foi eliminada.

Desexamoslle a máxima sorte ó mister. Sabe que no campo do Carral ten a sua casa.