S.D. SOFAN 3 - MUROS S.D. 1

Nun gran primeiro tempo impuxose a Sd a un dos mellores equipos da categoría, o batallador Muros de Sil. Tarde soleada con uns 170 afeccionados no Carral, que viron un partido disputadisimo e por momentos de calidade.

S.D.SOFÁN: Richard, Adrián, Meniño - Juan Rabuñal - , Juanjo, Gus, Eloy, Abel (Pensado, min.30), Suso -Edu -, Álemán, Victor e Jacobo - Ivan Rey - .

MUROS: Fabio, Alberto, Veloso (Marco), Mayuyo, Javi, Gelo, Yanki, Jesús (Adrián), Aitor, Óscar, Sexo.

Goles:
1-0, min.3: Eloy de falta directa;
2-0, min.33: Alemán tras un córner aproveita unha serie de rexeites e marca na area pequena;
2-1, min.43: Aitor de falta directa;
3-1, min.70: Iván Rey recibe un saque rápido dunha falta de Juan Rabuñal e bate con calidade a Fabio.

Fixo un gran primeiro tempo a Sd. Ó ritmo altisimo que impuxo o Muros, contrarestou a Sd con bo xogo, profundidade nas bandas ocupadas polos irmans Docampo, e seguridade defensiva. O tempraneiro gol de Eloy, tras unha falta inexistente, expoleou os locais e afirmou o seu modo de xogo. Eloy e Aleman batallaron e controlaron ocentro do campo. Abel tivo unha clarisima ocasión pero o seu remate saiu alto. O Muros estirouse e creou perigo a balon parado e sobre todo nun disparo de Jesus ó longueiro. A lesión de Abel ó golpearse contra unha valla, trastocou os plans de Vicente, que optou por meter un centrocampista para controlar a situación. O segundo gol dou paso a unha serie de grandes xogadas dos locais, que tiveron duas grandes ocasións nas botas de Victor Docampo. na primeira non chegou a boca de xerro a un centro de seu irman, e na segunda rematou fora cando se atopaba solo tras unha gran xogada da dianteira sofanista. o gol de Aitor deixou emocion para o segundo tempo.

Pero no segundo acto a sd controlou a situación basado no rigor defensivo. A saida de Ivan dou dinamismo ó ataque e o gol do sofanista sentenciou o encontro. Pena que a Sd non mostre esta cara todos os días, porque de feito poucos equipos serían quen de ganar no Carral.

COPA DA COSTA. 16º de final Porteño - S.D. Sofan

Vense de celebrar o sorteo da edicion 2011.2012 da copa da costa, e o sorteo deparou un enfrontamento na primeira ronda entre o Porteño e a S.D.Sofan.

SP. ZAS 1 - S.D. SOFAN 1

* Cronica de www.quepasanacosta.com


ZAS: Elías, Pereiro, Dani, Lagoa, Mancebo, Quintáns, Rubio (Jaime, min.50) (Amado, min.65), Jorge, Ismael (Pablo), Peque, Pastor (Rafa, min.75).
SOFÁN: Richard, Víctor, Meniño (Adrián, min.60), Juanjo, Gustavo, Eloy, Alemán (Gurita, min.65), Iván Rey, Edu (Abel, min.55) , Suso, Berti (Jacobo, min.55).
Goles: 1-0, min.23: Peque tras un malentendido entre defensa e porteiro; 1-1, min.60: Eloy dende fóra da área.
Expulsión: un xogador zaense.

Partido importante para o Zas que sumou un punto, que visto o acontecido na xornada, vale ouro. Os de Corredoira, plagados de xuvenís que están facendo unha temporada espectacular tanto na súa categoría como na Liga da Costa, prantaron cara sobre todo na primeira metade. Pero foi un primeiro tempo bastante igualado, sen demasiadas ocasións e no que adiantaría o cadro local por medio de Peque cunha xogada de pillo adiantándose ante unha indecisión entre porteiro e defensa visitantes.

A SD intentaba lograr o empate pero Suso cunha internada, Berti cun balón ao longueiro e un man a man ao corpo de Eías, ou Eloy cunha falta á crucerta, non acertaron.

Na segunda baixou o Zas fisicamente e o Sofán empatou e tivo ocasións para levar o partido, por medio de Gurita e Jacobo. Pero tamén o xuvenil Quintáns, a falta de 5 minutos puido decantar a balanza para os zaenses pero Richard (Luís De la Peña fichou polo Estudiantil) provocou que mandase fóra.

S.D. SOFAN 0 - DUMBRIA B 0

Aburrido encontro no Carral entre dous equipos que parecian non xogarse nada. As ocasións estiveron repartidas entre os dous bandos, e a pesar de que a Sd levou o control do xogo todo o partido marrou as poucas e claras ocasións que tivo e non foi quen de recortar diferencias cos de arriba.


S.D. SOFÁN: Richard, Adrián, Gus - Aleman 59´-, Juan Rabuñal, Juanjo, Meni, Víctor - Berti 75´-, Eloy, Iván, Abel -edu 77´- e Jacobo - Suso Docampo 59´-.

DUMBRÍA B: Anxo, Tantán, Samuel (Ivanete, min.75), David Carreira, José Manuel, Josiño (Jose, min.65), Esteban, Jesús, Pereira, Yerai (Israel, min.60), Rodrigo.

Comenzou moi ben a Sd, trenzando bo fútbol, e cos dianteiros moi activos, especialmente Jacobo e Victor. Tras unha boa ocasion dos visitantes que sacou Juanjo baixo paos, tivo Jacobo unha clarisima, pero o seu gran disparo atallouno Anxo en gran parada. Pouco despois foi Abel quen rematou alto de cabeza en inmellorable posicion para marcar. este prometedor inicio foise diluindo co paso dos minutos, pois a Sd non daba atopado o gol, e o Dumbria defendiase con solvencia. Chegouse ó descanso no medio do aburrimento xeneralizado.

O segundo tempo foi mais do mesmo. Quitando dez minutos nos que a Sd apretou e tivo duas clarisimas ocasións, en botas de Jacobo e Adrian, que non definiron cando o mais dificil era non marcar, o resto fou un xogo insulso e sin profundidade. O filial dumbriés incluso estivo tentado a estirarse e crear perigo nos ultimos minutos, a ver si soaba a flauta e se levaban o partido. O empate final é xusto a tenor do visto no campo.

ESTEIRANA 1 - S.D. SOFAN 1

Empate a última hora o colleitado pola Sd en Esteiro. Un gol do central Gustavo cando o encontro esmorecía doulle un punto ós de Vicente. Gran entrada no Xosé Luis Vara, mais de 150 persoas, en día totalmente veraniego.

ESTEIRANA - Veni -Benito 33´-, Maceiras -Cajulo 46´-, Simon -Dani 62´-, Rama, Adelino, José Varela, Alex -Adrian 70´-, Uru, Pladur, Andel -Isma 46´- e Iago.

S.D. SOFAN - Luis, Adrian, Gustavo, Eloy Boedo, Juanjo, Pensado -Miniño 35´-, Victor Docampo, Ivan Rey, Edu -Berti 64´-, Gurita -David Pensado 80´- e Suso Docampo.

ARBITRO - Vazquez Suarez, que amonestou a Simon e Iago. Expulsou a Jose Varela no minuto 87 por doble amonestacion.

GOLES.

1-0 48´Roubo de balón no centro do campo sofanista, Pladur mete en profundidade a Cajulo que se interna e bate a Luis na sua saida.

1-1 89´Barullo na area que resolve Gustavo de acrobatico remate.

Controlou ben a Sd no primeiro tempo o encontro, tendo a posesion do balón gran parte deste periodo. A linea de tres defensas contiña as contras lanzadas por Roberto Pladur. Tivo Simon a primeira ocasión local nun lanzamento de falta escorado que saiu fora por pouco. Respondeu Suso Docampo cun disparo que detivo o gardameta local. A Sd estaba entrando ben por bandas pero non conseguia traducir o dominio en ocasións. Nunha indecisión do meta Luis e Juanjo tivo Pladur a mais clara dos locais, pero o seu remate saiu fora. Antes do descanso unha falta que lanzou Eloy fora e un remate de cabeza de Gurita foron as xogadas mais destacadas.

Os cambios do adestrador local revolucionaron o partido nada mais iniciarse o segundo tempo. O gol da Esteirana descentrou os homes da Sd, que tiveron 10 minutos de despiste no que puideron encaixar mais goles. Pladur en duas ocasións, unha delas tras regatear ó meta visitante, e un disparo de Cajulo ó pao, foron as clarisimas opcions dos locais, que estaban a xogar moi ben apoiados por un entregado publico. Pero acabouselles o fuelle, e a Sd comenzou a durmir o encontro. A saida de David Pensado a falta de 10 minutos foi clave, pois o escurridizo xogador creou un par de situacions de perigo, unha moi clara de Ivan, antes do gol do empate cando o partido xa estaba rematando.

S.D. SOFAN 2 - FISTERRA 1

Partido de alta tension o de onte no campo do Carral. Viuse a un gran Sofan facendolle frente a un dos mellores equipos da categoría, que a pesar das moitas baixas coas que acudia foi un rival de alta categoría. Bo fútbol, polémica e goles aderezaron a tarde no coliseo sofanista.

S.D. SOFÁN: Luis De la Peña, Adrián, Miniño, Rabuñal, Juanjo, Pensado, Eloy Boedo, Iván Rey - Edu 81´-, Víctor Docampo -Jacobo 60´-, Diego -Gustavo 72´- e Suso Docampo -Gurita 85´-.

FISTERRA: Joselu, Piti (Munitis, min.80), Pana (Insua, min.60), Manuel, Santi, Eddy, Roa, Marco Docabo, Guardiola, Rivas (Bruno, min.50), Mané.

Goles:
0-1, min.20: Marco Docabo tras unha falta botada por Guardiola;
1-1, min.25: Adrián tras unha xogada de Iván e Víctor por banda;
2-1, min.35: Iván tras un rexeite de Joselu a tiro de Adrian.

Expulsión: os fisterráns Guardiola e Mané ao comezos da segunda metade.

Dende o primeiro momento se viu que ia ser un encontro disputadisimo. A Sd saiu moi intensa, pero tras dous disparos de Eloy e Ivan Rey, chegou o gol fisterrán. A Sd, lonxe de virse abaixo, xogou os seus mellores minutos, e as internadas pola banda dereita de Adrian e Victor foron un pesadelo para os verdes. Chegou o empate, e pouco despois Suso marrou unha clarisima ocasion das que non soe fallar. Pero foi Ivan o que puxo en ventaxa os locais. Así se chegou o descanso.

No segundo tempo o Fisterra buscou o empate, e a Sd xogaba á contra, enlazandose bonitas xogadas, pero as defensas estiveron moi ben neste tramo. duas faltas lanzadas polos irmans Boedo, Eloy e Jacobo, non acabaron nas mallas de milagro. Chegaron as polemicas expulsions de Guardiola e Mane, e ainda así o Fisterra tivo unha boa ocasión pero Luis desviou o disparo de Roa, e no corner posterior, Rabuñal sacou o remate de Santi. A contra a Sd puido sentenciar, con clarisimas ocasións para Edu e Eloy, pero Joselu respondeu con grandes intervencions.

Partido para disfrutar, e a Sd que por fin dou a medida das suas posibilidades.

MALPICA 4 - S.D. SOFAN 2

Gran tarde de futbol na Pedra Queimada a de onte, nun partido de alta tensión, con moitos afeccionados nos graderíos, goles, emoción e por momentos detalles de calidade entre dous equipos que se coñecen á perfección. O Malpica segue coa súa gran racha, pero onte despediu a un dos seus mellores xogadores, Alberto Cheo, que se perderá o que resta de tempada por compromisos laborais.


SCD MALPICA: Suso; Avelino, Víctor, Andrés, Marco, Rancaño, Neucha, (M. Pardo, 77), Cheo, (Iago, 83), Pablo, (Marcos Amado, 62), Tato, Charro, (Daniel, 71).

SD SOFÁN: Richard; (Luis de la Peña, 46); Adrián, Diego, (Juanjo, 62), Miniño, Juan Rabuñal, Alberto Pensado, Gurita, (Jacobo, 46), Suso Docampo, Berti, (Víctor Docampo, 60), Iván Rey, Abel, (Edu, 46).

Goles:
1-0, m. 18: Centrochut de CHEO que entra pola escadra
2-0, m. 26: Rexeite que chega a Neucha que bate a Richard de forte volea.
3-0, m. 56: golazo de falta de Neucha
3-1, m. 61: Centro de suso que remata Victor na area pequena ás mallas.
4-1, m. 62: centro de Cheo que mete Adrian en propia porta.
4-2, m. 67: Suso aproveita un erro na defensa local para bater o porteiro malpican.

Saiu o Malpica moi presionante arriba, xogando só con 3 defensas e arriscando de mediocampo para arriba. Tiveron as primeiras ocasións por medio de Tato e Cheo, e o tempraneiro gol de Cheo facia xustiza á apatia dos xogadores da Sd. Pablo moviase ben en ataque, e Tato cos seus perigosos pases creaba moito perigo. Tras o gol de neucha enviou o brasileiro un balon o longueiro nunha falta directa. A Sd so inquietou nun disparo lonxano de Diego e en varias xogadas a balon parado.

No segundo acto, cos cambios, o Sofán xogou mellor, levou o peso do partido ante un cadro local que soubo administrar a ventaxa. O gol de Neucha parecia que sentenciaba o partido, pero os de Vicente nunca baixaron os brazos. A pesar da diferencia no marcador, o partido endureceuse, foi moi intenso nesta parte, e as ocasións caeron para ambos lados. Os irmans Docampo marcaron cada un o seu gol, e a entrada de Victor dou moita profundidade por banda dereita, pero non foi suficiente para facer inquietar os locais.

S.D. SOFAN 1 - CLUB DO MAR 2

Mais de 150 espectadores viron onte no Carral un intensisimo encontro, decidido nos ultimos intres a favor dos visitantes. A Sd pelexou con gallardia e entrega pero doblegouse á superior calidade dos de Repi.

S.D. SOFÁN: Richard, Adrián, Diego, Pensado, Miniño, Alemán, Suso Docampo, Iván Rey, Edu -Jacobo 46´-, Gurita -Berti 68´- e Abel.

CLUB DO MAR: Gonzalo, Alex, Repi, Luís Lareo, Rubén, Jacobo (Chori, min.80), Jonhie (Pincho, min.75), Chapu (Brais, min.70), Vituco, Bertín, Fran Borrazás.

Goles:

0-1, min.35: Jonhie de falta;

1-1, min.60: Suso Docampo remata de cabeza un corner no primeiro pao;

1-2, min.75: Bertín de cabeza a centro de Jonhie.

O Club do mar, sabedor das dificultades de xogar nun terreo de reducidas dimensions como o sofanista, apelou á seguridade defensiva, o seu potencial no xogo aereo e a contundencia como armas para evitar as ofensivas locais. A pelexa no centro do campo foi a nota predominante dos primeiros intres. Tivo Vituco a primeira dos visitantes pero rematou alto cando se atopaba so na area. Unha boa xogada de Ivan Rey foi a resposta da Sd, pero o seu tiro detivoo ben Gonzalo. Un disparo lonxano de Abel precediu o gol de Johnny, tras unha rigurosa falta a Vituco. Chegou o descanso coa sensación de igualdade e de un equipo visitante moi serio que sabia o que queria en todo momento.

Co cambio de Jacobo revitalizouse a ofensiva local, e unha boa xogada entre el e Ivan non a rematou Gurita por pouco cando se atopaba so diante do porteiro visitante. O partido endureceurse e a pelexa fixose mais intensa co paso dos minutos. Tivo Vituco un par de boas ocasións antes do gol do empate local. Foron enton os mellores minutos dos de Vicente, e tivo Berti o partido na sua cabeza, pero o seu remate a centro de Diego saiu lamento o pao. E o que é o futbol, na seguinte xogada, Bertin non perdoou, anotando o tanto da victoria visitante. O acoso final da Sd serviu de pouco, e foi o Club do Mar o que tivo as ocasión mais claras á contra, sobre todo un remate de Johnny o longueiro.

CORME 0 - S.D. SOFAN 2

Gran victoria da Sd a de onte no campo do Cairo. En tarde fría e ante mais de 100 afeccionados, con nutrida presencia de seguidores visitantes, os de Vicente maniataron o tremendo potencial ofensivo cormelán, souberon esperar o seu momento, e nunha tarde especialmente inspirada do seu extremo esquerdo Edu, superar a un dos conxuntos mais en forma da liga.

CORME - Suso, Adolfo, Jesus, Pandi, Diego - Dani 79´-, Alejandro, Juan Chans, Doldan, Lucas, Alejo e Martin - Abel 70´-

S.D. SOFAN - Luis de la Peña, Adrian Garcia, Diego, Juan Rabuñal, Miniño, Pensado, Suso Docampo, Abel, Edu, Berti -Jacobo 63´- e Gurita.

ARBITRO. Pardiñas Garcia, que amonestou a Alex, Diego, Doldan e Alejo polo Corme, e a Diego, Miniño, Suso, Abel e Jacobo por parte da Sd.

GOLES-
0-1 44´Roubo de balón na medular sofanista de Pensado, que lle cede o balón a Edu na frontal da area, este desfaise de tres rivais e define con tranquilidade ante Suso.

0-2 78´Falta lateral botada por Adrian, producese un barullo na area local que aproveita Edu para enganchar unha gran volea que entra pola escadra da meta do Corme.

Xogou un partido moi serio a Sd dende o principio, sabendo onde tiña que maniatar as virtudes cormelanas. Os de Vicente marcaron un ritmo pausado e de control do encontro dende o inicio, buscanto parar a velocidade dos puntas azuis. Tivo Gurita a primeira clara ocasion, pero Suso respondeu o seu remate cunha gran parada. Á contra o local Alejo plantouse so diante de Luis, pero Meni chegou a tempo para rexeitar o perigoso disparo do punta. Noutra contra os locais reclamaron falta a Juan Chans cando se dispoñia a encarar a Luis. Foi este rapaz, ainda xuvenil, un dos mais perigosos elementos cormelans neste primeiro tempo. Cando o descanso estaba proximo unha gran xogada de Edu acabou no primeiro gol da tarde. Tivo tempo Luis de demostrar a sua calidade baixo paos detendo un man a man a Alejo.

Saiu o corme enrabietado tras o descanso, e primeiro unha gran xogada de Lucas que remata con un centro que non atopa quen o introduza nas mallas, e logo un tremendo disparo de Alejo o que respondeu Luis cunha gran parada. A partir de ahi a Sd puxo o candado á sua porta e apenas sufriu ocasións por parte do Corme. De feito as contras visitantes xeneraron mais perigo, pois os rapidos dianteiros da Sd chegaron un par de veces ás inmediacions da area cormelán pero non souberon definir. Foi Edu, en racha onte, quen sentenciou o partido. Tivo ainda Alejo unha clara ocasión pero a sua vaselina saiu fora por pouco.

Tres puntos de ouro para a Sd en visperas da visita do colider Club do Mar.

BUÑO 0 - S.D. SOFAN 1

Venceu en Xaviña a Sd na tarde do sábado ó conxunto local con gol do capitán Suso Docampo, que poucas horas despois foi pai dun neno. Podese decir que Iker veu cun pan, ou mellor dito, con tres puntos debaixo do brazo. Pouca afluencia de público, maioritariamente visitante en tarde moi fría no recinto oleiro.


BUÑO: Toni, Ángel (Brais, min.70), Diegón, Alfredo, Óscar (Rouco, min.60), Jorge Calvete, Ismael, Dourado, Miguel, Juan e Víctor.

S.D. SOFAN: Luis de la Peña, Adrián, Diego (Gustavo, min.90), Eloy, Miniño, Pensado, Edu (Berti, min.65), Suso Docampo, Alemán (Juanjo, min.55), David Pensado (Gurita, min.85) e Abel.

GOL:

0-1 m. 63. Falta botada por Adrian dende a banda dereita e Suso remata de cabeza anticipandose á defensa do Buño.

Saiu a Sd dominadora do balón, combinando con bastante acerto, ante un Buño moi encerrado e que non era capaz de fiar bo fútbol nos compases iniciais, buscando balóns longos a un solitario Victor. Nun par de internadas por banda dereita creou perigo a Sd, nunha que acabou con remate de Edu que petou nas mans dun xogador local sin que o colexiado indicase nada, e noutra con remate de Abel alto. A mais clara ocasión foi para Adrian cando se plantou so ante Toni pero en vez de rematar tentou dar o pase da morte, despexando a defensa oleira. Nos ultimos intres do primeiro acto estirouse o Buño, e tivo un par de boas ocasións en botas de Antelo e sobre todo Dourado, que diante de Luis non soubo superar ó meta coruñés.

O segundo tempo foi de peor calidade futbolistica. A Sd marcou pronto e dedicouse a defender con solvencia os ataques dos de Esmorís, feitos mais co corazón que coa cabeza. Imperou o balón longo pero a defensa da Sd mostrouse moi segura en todo momento. As mais claras ocasións tivoas Victor, pero Diego en duas ocasións rouboulle a carteira con acerto ó perigoso dianteiro. A pesar das continuas xogadas a balón parado das que dispuxo o cadro local, non foi quen de aproveitar ningunha e os de Vicente levaronse o gato á auga.

Fotos de Washington Calvo.

S.D. SOFAN 0 - CAMARIÑAS 3

Partido extrano o de onte no campo do Carral. O Camariñas atopouse en ventaxa moi pronto, pero nun bo primeiro tempo da Sd so a actuación do meta Pombo evitou a remontada dos de Sofan. O segundo acto foi un mero tramite.

S.D. SOFÁN: Richard, Adrián, Gustavo (Eloy, min.60), Meniño, Juanjo, Pensado, Alemán, David Pensado, Edu, Berti, Gurita (Suso, min.75).

CAMARIÑAS: Pombo, Ogando (Nico, min.75), Maikel (Doyle, min.80), Manuel, Diango, Paco, Carlos, Brais, Javi (Nené, min.75), Juan oBello (Adrián, min.85), Leo.

Goles:
0-1, min.8: Brais de cabeza a centro de Leo;
0-2, min.15: Ogando de falta;
0-3, min.41: Juan oBello de falta.

O inicio de partido foi o que sentenciou a contenda. Dous despistes da Sd propiciaron a ventaxa visitante. Cando o equipo local quixo arrancar xa levaba dous ó lombo, pero reaccionou ben e a base de empuxe e velocidade comenzou a crear ocasións diante da meta de Pombo. Ata sete clarisimas ocasions marraron os de Sofan. Berti rematou frouxo cando se atopaba so diante do meta camariñán. Edu tivo dous mans a man que enviou fora. David Pensado en duas ocasións e Gurita marraron disparos case a boca de xerro. Pombo fixo unha gran parada a disparo lonxano de Adrian. Non era o día da Sd de cara a porta, e o terceiro gol de Bello non fixo mais que sentenciar o partido.

No segundo tempo os locais seguiron con un bo nivel de pelexa, pero os visitantes cerraron mellor os camiños ó seu marco e apenas se crearon ocasións. So un par de lanzamentos lonxanos de Pensado e varias xogadas embarulladas na area camariñana crearon algo de incertidume nos de Manolín, que se levaron unha victoria mais comoda do esperado.

C.D. BAIO 4 - S.D. SOFAN 0

Acabouse a xeira da Sd de 11 partidos seguidos sin perder no Platas Reinoso de Baio, nun encontro marcado pola actuación arbitral. O colexiado deixou con 9 homes á Sd á media hora de partido tras unha pequena tangana iniciada por unha entrada do local Eloy a Ivan Rey, que ainda por encima de recibir unha brutal patada, foi expulsado. Con dous homes menos a Sd xogou con gallardía pero a tremenda actuación do local Javi Suarez, un dos mellores dianteiros da categoría, acabou coa resistencia dos de Vicente.

BAIO: Manuel, Matías, Mario, Iván, Ramon, Eloy, Iago, MC -Valentin 75´-, Canai - Fachal 65´-, Alberto (Martín, min.70), Javi Suárez.
SOFÁN: Luis de la Peña, Adrian, Miniño (Gurita 55´), Pensado, Juanjo, Eloy Boedo, Suso Docampo, David Pensado, Abel, Edu (Alemán 55´) e Iván Rey.

Goles:
1-0: 20´ Roubo de balón de Canai, que cede a MC, e este bate a Luis na sua saida.
2-0: 67´Javi Suárez encara a Luis e bateo cun tiro cruzado
3-0: 70´Javi Suárez cede o balón a MC que marca a porta valeira
4-0: 87´Javi Suárez asina un golazo para completar a sua gran tarde.

EXPULSIÓNS: os sofanístas Iván e Abel no minuto 35´de partido, o adestrador visitante Vicente por protestar, e o xogador visitante Jacobo no descanso por protestas. O local Eloy foi expulsado tamen no minuto 50.

Iniciou a Sd ben plantada no campo, buscando a Abel para que a velocidade do dianteiro creara perigo, pero resultou dificil chegar con claridade á area de Manuel. Un par de disparos do dianteiro antecederon ó gol baies nun erro defensivo visitante. O Baio fiaba a sua aportacion ofensiva ós seus dous dianteiros, MC e Javi Suarez, que xogaron un gran partido. Adrian, que fixo un tremendo desgaste todo o partido, empezou a intentar entrar por banda dereita, e un disparo seu que rexeitou un defensa a piques estivo de converterse no empate. Outra boa xogada do lateral rematouna Ivan alta, na mellor ocasion visitante. O partido foise enrarecendo, e a xogada polemica chegou cunha fortisima entrada de Eloy a Ivan, que acabou cunha pequena tangana e dous xogadores da Sd nos vestiarios. Mal panorama para os de Vicente, e así se chegou o descanso.

no segundo tempo a Sd arriscou, continuou tendo o balon a pesar da clara inferioridade, pero o Baio, sabedor dos seus puntos fortes, machacou á contra. Javi Suarez foi un pesadelo, e os de Tono non tiveron mais que defender con orden e esperar que as contras fixeran o seu efecto, como así foi. A partir do 3-0 non houbo partido, ainda que a Sd, coa entrada de Gurita e Aleman, seguiu poñendo ilusion, e tivo ocasión para marcar un par de tantos en botas de David Pensado, Suso e Gurita. O cuarto tanto foi un clavo mais na tumba dos visitantes.

- Foto de Alejandro Mel.

S.D. SOFAN 9 - O PINDO C.F. 0

Borracheira de goles na tarde de onte no Carral. Uns 80 afeccionados presenciaron en tarde fría o acerto goleador do equipo local ante o colista Pindo, que se mostrou moi desmotivado e non soubo frear a hemorraxia goleadora dos de Vicente. Ainda así a actitude visitante foi de caballerosidade e o equipo do Pindo competiu con nobreza e limpeza ata o final do encontro, cousa de agradecer. Debutou o dianteiro carballés Adrian Gurita, procedente do Laracha, anotando un tanto.

S.D SOFAN - Luis, Ivan Rey, Miniño, Juanjo - Gustavo 63´-, Pensado, Eloy Boedo, Suso Docampo - Aleman 53´-, David Pensado -Jacobo 53´-, Abel, Edu e Berti -Gurita 46´-.

O PINDO - Garrido, Casais, Jose, Manolito, Juan, Hipolito, Lolo, Julian, Carlos - Conexo 60´-, Leis e Riolo.

GOLES-
1-0 11´centro de Ivan Rey que Garrido introduce na sua meta.
2-0 21´gran combinacion entre Ivan e Abel que remata con un pase atras do extremo, e DAvid Pensado chegando en carreira clava o balon na escadra. Un golazo.
3-0 24´Novo centro de Abel que remata Berti en media chilena. Outro gran tanto.
4-0 28´Abel vaise con facilidade da defensa, e bate a Garrido na sua saida.
5-0 35´Berti remata cruzado e Abel chegando ó segundo pao introduce o balon nas mallas.
6-0 55´corner botado por Edu que remata Abel de cabezazo impecable ó fondo das mallas.
7-0 62´Novo corner e novo gol de Abel.
8-0 75´Gran xogada de Abel por banda e Gurita marca dende o punto de penalti.
9-0 80´Edu de penalti.

De inicio se viu que a Sd ia monopolizar o balón, como así foi. Pronto, o gol de Ivan, decantou un encontro que a partir de ahí foi costa abaixo para o conxunto local, pois case en cada chegada á meta de Garrido marcaba. Foron de moi bela factura os tantos de Berti e David Pensado, moi aplaudidos polo público. Eloy dominou o centro do campo, e a presencia de Abel mais en punta que noutros partidos foi un pesadelo para o conxunto visitante. O dianteiro creou perigo dende o minuto 1 e anotou 4 goles nunha tarde na que puido anotar un par deles mais.

O segundo tempo serviu para ver o bo debut de Gurita, e para que os xovenes futbolistas locais disfrutaran e fixeran disfrutar á parroquia co seu bo futbol. Ivan Rey era amo da banda dereita, Edu xogou un bo partido e anotou o seu tanto, e ainda tivo tempo de anotar outro mais que o arbitro incomprensiblemente non concedeu. Luis de la Peña foi un mero espectador toda a tarde.

Bo inicio de segunda volta para a Sd, que xa leva 11 partidos sin ser derrotado, e afronta o proximo encontro en Baio á alza.

S.D. SOFAN 0 - CORCUBION 0

Non foi quen a Sd de atravesar a muralla defensiva situada por Manin no Carral e non pasou da igualada no último encontro da primeira volta. Uns cen espectadores presenciaron o encontro en tarde soleada.

S.D. SOFAN - Richard, Juanjo, Diego - Edy 65´-, Miniño, Pensado, Eloy Boedo, Ivan Rey, Suso Docampo, Abel, David Pensado - Jacobo 73´- e Berti - Aleman 46´-

CORCUBION - Andres, Jose, Senra, Manin, conguito, Sebas, Papi, Lourido - Sergio 85´-, Camacho, Johny e Miguelon - edu 65´-

A Sd levou o peso do partido en todo momento, ante un equipo visitante agazapado, ben ordeado defensivamente, e buscando descaradamente as contras. Un corner botado por Diego pasease pola area pequena sin atopar rematador. No primeiro tempo a Sd move con solvencia o esferico pero costalle atopar as ocasións de gol. Abel, moi incisivo toda a tarde, rematou detendo Andres, e unha boa xogada do extremo pouco despois non atopa rematador unha vez mais. A Sd probaba a disparar dende todos lados, pero a defensa visitante era un verdadeiro fronton. Na única ocasión visitante en todo o encontro Richard ten que sacar unha boa man a disparo de Miguelón. O descanso, igualada, e a sensación de que a Sd é superior pero que lle vai costar marcar gol.

Como así foi. O segundo tempo foi de mais baixo nivel técnico, con un equipo visitante totalmente crecido defensivamente, reafirmandose na sua idea co paso dos minutos. As ocasións neste periodo foron escasas pero mais claras. Un disparo de David Pensado rexeitouno o meta visitante como puido, e faltando pouco para o remate, volviuse a lucir en doble remate de Jacobo dende fora da area e Suso Docampo casi a boca de xerro. A pesar de ter o balon na maior parte do encontro, a Sd non atopou o gol, mal que leva padecendo toda esta primeira volta.

A SD SOFAN BUSCA CAMPO

A sentencia do Tribunal Superior de xustiza de Galicia relativa ó Plan Xeral de ordenacion municipal PXOM Carballés supuxo unha traxedia para a Sd Sofan. Os terreos que ocupa o campo do Carral, declarados por este Plan Xeral como de ocupación para equipamento deportivo, pasan a ser terreos rústicos, polo que non se poderán realizar actividades deportivas federadas no devandito terreo de xogo do histórico Carral.

A Sd leva varios dias buscando opcions. A mais probable é que se traslade ó campo veciño das Pedreiras, do San Lorenzo de Verdillo, pois a masificacion existente no campo das Eiroas Carballes fai inviable esta alternativa. Outra que se baralla é a de xogar os seus partidos como locatario no campo do colexio da Gandara, de area e reducidas dimensions, pero é o que hai.

Os veciños, o enterarse desta nova, que correo como regueiro de polvora pola parroquia, estan a mostrar o seu apoio e ata houbo quen ofertou as suas leiras para facer un novo campo para a Sd. Agradecemos desde aqui o apoio de todo o mundo.

CASTRIZ 2 - S.D. SOFAN 2

Igualou in extremis a Sd un partido que se lle puxera moi costa arriba. Tarde fría en San Pedro. Os de Sofán mereceron claramente a victoria, levaron o peso do partido en todo momento e foron o unico equipo que propuxo futbol sobre o tapete de Castriz, pero os erros a balón parado e unha actuación arbitral desacertada case os levan a unha derrota que seria inxusta a todas luces. A Sd rematou con 10 homes por unha incomprensible expulsión de Adrian.

CASTRIZ CF - Herrera, Sergio Pose, Michi - Ruben 35´-Prego 78´--, Toniño, Alex, Alberto, Toño, David Agra, Mauri - Jhonny 50´-, Martin e Sebas.

S.D. SOFAN - Richard, Adrian, Juanjo - David Pensado 70´-, Miniño, Diego - Edu 80´-, Ivan Rey, Pensado, Abel, Suso Docampo, Jacobo -Eloy 75´-, Berti -Alemán 61´-

ARBITRO: España Andrade, que amonestou a Mauri e Johnny por parte local, e a Adrian Garcia por duas veces no min. 81, polo que foi expulsado.

GOLES:

1-0 27´Disparo de Alberto dende fora da area que rexeita Richard e Mauri aproveita para marcar a boca de xerro.

1-1 36´Gran xogada de Ivan e Jacobo por banda dereita que remata con un centro que Abel empala na boca de gol.

2-1 67´Corner que remata Sebas so na area pequena.

2-2 89´Falta botada por Eloy con todo o equipo sofanista volcado e Aleman marca no segundo pao.

Pouco propuxo o Castriz de inicio a pesar de xogar como local. O seu fútbol directo foi contrarrestado pola Sd con un control total do balón. As ocasións de inicio foron escasas, unicamente disparos lonxanos de Sebas por parte local e de Abel pola visitante. A mais clara da Sd foi un disparo de jacobo que repeliu o longueiro. Nun despiste da zaga chegou o gol de Mauri, pero os de Sofán non lle perderon a cara ó partido e seguiron tentando o seu fútbol combinativo. O froito chegou pronto co gol de Abel, e pouco despois, nunha das mellores xogadas da tarde, un gran pase de Pensado deixou a Ivan so diante de Herrera pero o remate do rapaz saiu a rentes do pao. Reclamouse penalti por claro derrubo de Suso Docampo cando se dispoñía a rematar na area pequena.

No segundo tempo mais do mesmo. Os locais endureceron un pouco o partido, coa permisividade do colexiado. O gol de Sebas animou un pouco o partido, a Sd lanzouse a un ataque continuo, que non parou a pesar da expulsión de Adrian. Ainda con 10 o Sofán tivo o balón, e o Castriz limitouse a deixar pasar o tempo. Unha gran xogada de David Pensado non atopou rematador na area pequena. Noutra xogada polémica foille sinalado un fora de xogo incrible a Suso cando se dispoñía a encarar a Herrera. A contra o Castriz puido matar o partido, pero foi Alemán no tempo de desconto quen puxo un pouco de xustiza no marcador.

S.D. SOFAN 3 - NANTON 1

Tarde fria e desapacible no campo do Carral. Uns 100 espectadores viron a segunda victoria como local da Sd ante un Nanton que deixou unha boa impresion no coliseo sofanista.

SD SOFAN - Richard, Ivan Rey, Diego, Juanjo, Pensado, Eloy Boedo, Suso Docampo, Jacobo -Aleman 55´-, David Pensado - Juan Rabuñal 63´-, Berti -Mario Casal 71´- e Abel -Edu 75´-.

NANTON - Bonano, David - Ivan 79´-, Diego, Felix, Sito, Carlos Vidal, Fabio, Cristian, Luis, Manolo e Martin.

Arbitro - Prieto Rojo

GOLES:
1-0 33´Centro de Diego dende a banda esquerda que remata Jacobo de cabeza ó fondo das mallas.
2-0 61´Suso Docampo engancha unha gran volea dende 25 metros que se cola por encima do meta visitante.
3-0 66´Falta botada ó punto de penalti que remata Berti de cabeza libre de marca.
3-1 81´Ivan remata no segundo pao unha xogada a balon parado.

Foi o Nanton un rival correoso. Non se viu bo futbol no inicio de encontro. Abel probou fortuna con varios disparos á meta de Bonano. O Nanton, con un futbol moi directo, disparaba á porta de Richard á minima ocasión. A ocasión mais clara da Sd tivoa Pensado á saida dun corner, pero o seu remate foise alto por pouco. O gol de Jacobo despertou ó Nanton que xogou os seus mellores minutos, pero atopouse con un inspiradisimo Richard que fixo duas grandes paradas antes do descanso, a tiros de Fabio e sobre todo de Manolo, sacando os aplausos do graderio.

O Nanton, con Luis como referente ofensivo, e Sito de mariscal da defensa, buscou o empate ó inicio do segundo tempo. Tivo duas claras ocasións, sobre todo un remate de Luis ó largueiro, pero foi a Sd quen matou o partido nas duas ocasións que tivo no segundo tempo. A pesar de estar xogando un frouxo encontro, a Sd atopouse con un 3-0 a favor, realmente inmerecido. O Nanton seguiuno tentando ata o final do encontro, pero o partido xa estaba decidido. De aqui o final, reseñar que a Sd se soltou un pouco, enlazou boas xogadas, e tanto Edu como Mario poideron ampliar a conta local.

MAZARICOS 1 - S.D. SOFAN 1

Partido igualado o vivido na Pedra de Ouro. Uns 120 espectadores aguantaron as inclemencias meteorolóxicas, viroun un primeiro tempo aburrido e un segundo mais movido, con polémica arbitral incluida.

MAZARICOS: Juan, Casais, Ramón, Matías, Tuco, Rodri, Esteban Pereiro (Chico, min.80), Brais, Estéfano (Aldo, min.50), Cristian (Marcos, min.70), Kevin.

S.D.SOFÁN: Richard, Adrián Diego, Juanjo, Meniño, Pensado, Suso Docampo, David Pensado, Berti (Eloy, min.65), Iván Rey (Jacobo, min.75), Abel.

Goles:
1-0, min.70: Ramón de penalti;
1-1, min.88: David Pensado anticipase á saida do gardameta local, centra dende a liña de fondo e Suso Docampo remata case na liña de gol o tanto do empate.

Dominou con solvencia o balón a Sd no primeiro tempo, pero sin a penas profundidade. O campo estaba moi rápido e faciase dificil a precision nos envios. Unicamente Abel por banda esquerda foi quen de penetrar un par de veces con certo perigo. Os locais estaban moi repregados, ben cerradiños sobre a meta de Juan, e buscando a Kevin á contra. A unica ocasión do Mazaricos foi deste xogador, pero Juanjo estivo rápido ó corte.

No segundo tempo cambiou o panorama. O Mazaricos saiu con moita intensidade. Un gran centro de Kevin non o rematou Estefano de milagro. Richard detivo un disparo lonxano de Brais. A Sd tamen tivo as súas. Suso disparou desde lonxe, e unha boa internada de Diego non foi rematada por Berti na boca do gol. As xogadas clave chegaron nos últimos intres. Un penalti de Miniño foi transformado por Ramon. A Sd estirouse definitivamente, e apareciu a figura do meta local Juan, que primeiro fixo un paradon a gran disparo de Abel, e despois detivo unha axustada falta lanzada por Eloy Boedo. Cando ninguen o esperaba unha picardia de David Pensado serviu para alcanzar a igualada, xusta a tenor do visto no terreo de xogo.

S.D. SOFAN 1 - SAN LORENZO 1

Igualada no derbi carballés da 2ª autonómica. O equipo visitante empatou o encontro cando xa esmorecía o tempo, nunha xogada moi dubidosa na que os de Sofán piden falta ó gardameta Luis. Mais de 350 espectadores presenciaron un partido moi disputado, vibrante, con momentos de bo fútbol, e sobre todo intensiadade e pelexa a raudales.


S.D. SOFAN - Luis de la Peña, Adrian, Miniño, Juanjo, Juan Rabuñal -Diego 84´-, Pensado, Ivan Rey, Suso Docampo, Edu -Mario Casal 46´-, David Pensado -eloy 67´- e Berti -Jacobo 86´-


SAN LORENZO - Recarey, Casillero -Javi Varela 75´-, Adrian Varela, Dubra -Anxo 85´-, Puñal, Cachizo, Fuentefria, Santi -Carliños 50´-, Javi Pensado -Chucho 80´-, Jorge Pichel e Marcos Bartolo.


ARBITRO: Trigo Martinez, que amonestou a Berti, Ivan Rey, Edu e Mario Casal por parte local, e a Adrian, Puñal, Marcos e Carliños por parte visitante.

GOLES.

1-0 36´Corner sacado dende o lado dereito, producese un rexeite e Ivan Rey empalma unha gran volea ó fondo das mallas.

1-1 88´ Saque de banda á area da Sd, o porteiro local non agarra o balón pode que molestado por algun xogador do San Lorenzo, e Carliños empuxa o esférico ó fondo das mallas.

Tensión dende o primeiro minuto en Sofán. Saiu reservon o San Lorenzo, esperando ó equipo local agazapado no seu campo. A primeira media hora de xogo foi das mellores da Sd no que vai de tempada, combinando dende a zona defensiva, entrando ben por bandas e sendo moi superior ós visitantes. David Pensado foi un puñal por banda dereita, e Ivan facia diabluras na mediapunta. Pensado no centro do campo era o amo e señor. As ocasións foron chegando, sendo a mais clara un disparo de David Pensado que rechazou Recarey como puido, e un posible penalti a Edu non sinalado. Ivan adiantou ós locais con un golazo. Estirouse enton o San lorenzo, e dispuxo de duas boas ocasións, unha nunha falta colgada á area que Luis salvou con problemas, e outra nun disparo de Marcos que rexeitou o meta local. Tivo Berti unha boa á contra tras un gran pase de Pensado, e Ivan mandou fora por pouco unha vaselina antes do descanso.

No segundo tempo endureciuse o encontro. Os visitantes puxeron un punto mais de intensidade e ganaron a maioria dos balons divididos. Buscaron un futbol directo que pouco a pouco foi metendo á Sd na sua area, incapaz o conxunto local de combinar como no primeiro tempo. Tivo Javi Pensado a mais clara do San Lorenzo, pero enviou o balon o pao cando se atopaba so diante de Luis. A Sd, sin ter o dominio do partido, creou un par de boas ocasións, un disparo de Suso que sacou un defensa cando xa se cantaba o gol, e unha boa xogada por banda esquerda que non rematou Pensado na boca de gol por pouco. Anulouselle un gol a Mario por dubidoso fora de xogo. Dentro da bronca que foi o encontro no segundo acto quen pescou en rio revolto foi o equipo de Chema Eiris, co tempo case cumplido, e nunha xogada moi dubidosa que o colexiado decidiu pasar por alto.

Gran partido de fútbol, dos de antes, intenso, con dous equipos dandoo todo e coas gradas cheas de xente.

O DOMINGO, DERBI: S.D. Sofán vs San Lorenzo

Unha nova edición do clásico derbi de rivalidade carballés se producirá o domingo a partir das 16:15 horas no campo do Carral. Visitanos o San Lorenzo de Verdillo, enemigo deportivo por excelencia da Sd.

Tras 12 xornadas de liga ambos equipos están separados por 6 puntos. A Sd está 7º con 17 puntos e o San Lorenzo ocupa a 17ª praza con 11. No banquiño visitante sentarase o ex-adestrador da Sd Sofán Chema Eiris.

O ano pasado, nun intensisimo e espectacular partido, a Sd levouse o gato á auga con un gol do xogador do XAllas Luisito a falta de pouco para o final. O resultado foi de 3-2. O equipo da primeira foto é o que venceu ese dia diante de case 800 espectadores.

Fai duas tempadas o resultado foi de empate a 1, anotando o gol sofanista o extremo de Pastoriza, Abel. Vemos os xogadores que participaron ese dia na segunda instantanea.