Empate no primeiro envite da ronda de octavos de final da copa da Costa, disputado na tarde de hoxe nas Pedreiras de Verdillo diante de numeroso publico. En tarde de moito calor decepcionou a SD á sua aficion, pois a pesar de poñerse en ventaxa de dous goles mediado o primeiro tempo non puido aguantar ese marcador e cedeu un empate que obliga ós de Sofan a vencer en Ponteceso o domingo, tarefa dificil pero nin moito menos imposible. ALINEACIONS
SD SOFAN: Costa, José (Mutio m.79), Gustavo (Pancho m.89), Gende, Varela, Pizo, Carro, Juanjo, Bertin (Cristian m.54), Eloy e Pablo Vazquez (Cancela m.77).
PONTECESO SD: Pombo, David, Salva, Mato, Felipe, Pichuco, Miguel Torrado, Tucho (Ivan m. 86), Nando (Pablo Rama m.69), Toniño, Santi.
ARBITRO: Fernando Santos Rey, que amonestou a José, Gustavo, Gende, Carro e Mutio pola SD, e a Salva, Toniño e ó mister Mato por parte visitante. Expulsou a Pablo Rama no minuto 87.
GOLES: 1-0 m. 12 Centro de Eloy dende a esquerda e Bertin bate a Pombo a placer. 2-0 m. 33 falta de entendemento entre Pombo e Miguel Torrado que aproveita Bertin para marcar a porta valeira. 2-1 m. 44 Penal riguroso a Toniño, que marca Salva con gran frialdade. 2-2 m. 51 Xogada de pilleria de Toniño que ante a pasividade da defensa local cede a Felipe para que o ex-sofanista marque a placer.
Partido tipicamente copero o disputado hoxe sobre a alfombra das Pedreiras, de constantes alternativas e bonito para o espectador. Sorprendeu o Ponteceso ó alinear a Felipe e Mato na medular e a Miguel Torrado, o seu home mais creativo, de central, posicion na que xogou un gran partido. Quizais a sua idea era anular ó mediocampo do Sofan, un dos seus puntos fortes, pero no primeiro acto non o lograron, ainda que si que o fixeron na continuacion. Pizo asumio unha vez mais o mando das accions ofensivas, ben acompañado por Pablo e Juanjo. Quizais Bertin se encontrou un pouco solo na punta do ataque, pero tirou do seu amplio repertorio para incomodar infinitas veces á zaga visitante e anotar dous novos goles na sua conta particular.
Neste tempo non inquietou o Ponteceso á defensa local se non era polo seu poderio aereo, e nun corner chegou a mellor oportunidade visitante nun remate de Mato que sacou Gustavo na liña de gol . Tivo Juanjo unha boa ocasion pero disparou alto dende a frontal. No bando visitante era Toniño o que levaba algo de perigo, e nunha xogada ó filo do intermedio o colexiado pitou un penal moi riguroso nunha suposta entrada de Pizo a este xogador. Salva converteuno e chegouse ó descanso coa sensacion de que a SD deixara escapar vivo ó Ponteceso.
O caos adueñouse da zaga local no primeiro cuarto de hora do segundo tempo. O empate foi unha xogada na que se pecou de falta de contundencia, e un par de balons perdidos por Varela acercaron o perigo á area de Costa no periodo de maior dominio do Ponteceso. O equipo visitante creceuse co empate e completou un segundo tempo magnifico en labores defensivas e con un Toniño ( que gran partido o seu ) inquietando sempre que collia o balon. Cando o Sofan quixo volver a dominar o partido era tarde, este endureceuse e solo en algunha xogada embarullada Pizo, Carro, Cristian ou Eloy poideron marcar, pero unhas veces Pombo e outras a falta de punteria evitarono.
Empate que se pode considerar xusto, con un tempo para cada equipo, e as espadas en todo o alto para o partido de volta.
