lunes, septiembre 12, 2011

S.D. SOFAN 1 - BAIO C.F. 2

Tarde soleada no Carral, con media entrada de publico. Uns 150 espectadores presenciaron a primeira derrota da Sd nun partido disputadisimo, moi trabado, con momentos de xogo duro e no que a expulsión de David Pensado foi o elemento desequilibrante entre dous equipos moi igualados ata ese momento.

S.D. SOFAN - Richard, Adrian, Diego, Pensado (Berti 54´), Juanjo, Juan Rabuñal, Alemán (Jacobo 88´), Ivan Rey, Suso Docampo, Abel (Edu 86´) e David Pensado.


BAIO C.F. - Poyo, Matias, José Antonio (Andres 37´), Mario, Ivan de Treos, Martin Perez, Eloy, Canay, MC, Alberto (Rubio 85´)e Javi Suarez.


ARBITRO: Pardo Pose, que amonestou a Diego, Ivan Rey e Abel por parte local, e a Ivan, Eloy e Martin por parte visitante. Expulsou de maneira moi rigurosa a David Pensado no minuto 51 por doble amonestación.


GOLES:


1-0 36´Diego engancha un duro disparo dende fora da area que se lle cola a Poyo entre as mans.




1-1 44´Falta directa que lanza Matias, e o seu tremendo disparo colase irremisiblemente tras pegar no pao da meta de Richard.




1-2 84´Penalti de Diego sobre MC que transforma Alberto.



O Baio saiu ó campo do Carral consciente de como habia que xogarlle á Sd, apretandolle a saida do balón e montando veloces contragolpes que de inicio sorprenderon ós de Vicente. A primeira ocasión de todos modos foi para David Pensado, que tras unha veloz internada disparou cruzado a rentes do pao. Colleu o mando do partido o centro do campo baies, e Eloy respondeu a esta primeira ocasión con un gran disparo que chapou Richard ben colocado. Pouco despois o meta sofanista, o mellor dos locales no encontro, desviou milagrosamente un gran lanzamento de Canay. Cando se olia o gol baies chegou, pola contra, o da Sd. Unha racial internada de Diego acabou con un dos seus clasicos disparos, que o meta visitante non foi quen de deter. O Baio mostrouse algo desconcertado en estes minutos, e a Sd puido sentenciar o encontro. Abel tivo duas clarisimas ocasións, unha á saida dun corner que rematou alto cando se atopaba so na area pequena, e outra tras unha boa xogada por banda dereita, rematando alto o pase atras de Suso dende o punto de penalti. O que perdoa paga, e o golazo de Matias facia xustiza ó visto nos primeiros 45 minutos.


O segundo acto foi caotico. A tempraneira expulsión de David Pensado descentrou totalmente á Sd, que xogou sin cabeza, mostrandose erratica no seu fútbol, con un xogo demasiado directo. O Baio supo conservar a calma, e pouco a pouco foise facendo co control do xogo, e as ocasións foronlle chegando. Tivo Javi Suarez a mais clara, pero case a porta valeira tras unha boa xogada de Alberto enviou o balón fora. Richard fixo outra intervencion maxistral a tiro de Martin. A Sd poñia mais corazón que cabeza, e so unha falta lanzada por Pensado, e unha boa xogada de Ivan que rematou Suso, batendo no corpo de un rival cando o balón se colaba, foron as xogadas de perigo neste periodo. Cando o partido esmorecia un rapido contragolpe baies acabou con penalti e o gol que sentenciou o partido. Ainda a tivo Berti a pouco do final pero o seu remate saiu fora.

Publicado por en