Bo partido no Carral para rematar unha longa pretempada. Día caluroso onde xa se empezou a ver a liña que ten o equipo de Vicente Garcia ante o inminente inicio de liga. Seguridade defensiva e velocidade en ataque. Ante un frouxo rival os sofanistas abriron a lata do gol que se resistiu durante o mes de agosto, e deleitaron á afección con tantos de todas as formas e colores. A nota negativa foi a lesión de Marcos Gende no xeonllo.
S.D. SOFAN - Richard, Adrian, Diego, Juanjo, Pensado, Aleman, Pizo, Victor Docampo, Abel, Suso Docampo e Berti. Tamen xogaron Mario Casal, Gende, Juan Rabuñal, Gustavo, David Pensado, Ivan Rey, Edu e Jacobo.
GOLES:
1-0 4´Abel
2-0 27´Pensado
3-0 41´Suso Docampo
4-0 54´Mario Casal
5-0 71´Mario Casal
6-0 76´David Pensado
7-0 82´Mario Casal
Un inicio entonado de Abel propiciou o primeiro tanto e outro par de boas ocasións incluido un balon do propio dianteiro ó longueiro. Berti fallou por pouco unha vaselina e Diego cruzou en exceso un remate cando estaba solo ante o porteiro. A pesar de que o Sigras se mostrou voluntarioso e presionou a liña defensiva sofanista, as ocasións foron caendo e os goles foron consecuencia da superioridade local. Tivose que retirar Juanjo con molestias musculares. Pensado anotou á saida dun corner e Suso Docampo certificou unha boa primeira parte co terceiro gol.
O segundo tempo foi ainda mais levadeiro. A defensa adiantada dos visitantes propiciou que a Sd creara innumerables ocasións, e o seu dianteiro Mario Casal aproveitouse para anotar tres tantos e fallar outros mais. Ivan Rey e Edu estiveron moi incisivos en ataques e marraron claras ocasións, e David Pensado demostrou estar en unha gran forma, con continuas escapadas por banda e culminando maxistralmente co sexto gol da tarde.
Final da pretempada, e xa están os da Sd pensando no Pindo, primeiro rival no fin de semana que ven. Os goleadores destos 8 partidos de preparación foron: Mario Casal 5, Abel 2, Suso Docampo 2, David Pensado 1, Jacobo 1, Berti 1, Alberto Pensado 1.
