U.D.MONTELOURO 0 - S.D. SOFAN 2

Bo debut da SD en Agra da Filgueira, en tarde calurosísima con un centenar de afeccionados no graderío, dos cales mais de trinta eran carballeses. A SD mostrouse como un equipo serio e a pesar de acusar a falta de rodaxe típica destes inicios de campaña, conseguiu marcar en duas das escasas ocasións que tivo o encontro.

U.D. MONTELOURO: Romaní, Álvaro (Isma 70´), César, Chema, Pedro García, Pulpo, Abel, Pepiño (Riki 60´), Edu, Canote (Pedro de Nieto 46’), Aitor.

S. D. SOFÁN: José Ramón, Juanjo, Óscar, Gende (Gustavo 50’), Roberto Souto, Pensado, Jacobo (Manuel Varela 70’), Alemán, Berti (Bertín 60’), Abel e Eloy (Diego 83’).

Árbitro: Gallego Hernández. Amonestou a Pulpo e Pedro Nieto por parte local, e a Juanjo, Jacobo, Abel e Varela por parte visitante.

Goles:

0-1 Eloy (33’). O extremo recibe o balón ó borde da area, amaga o disparo coa dereita e lanza un zurdazo que sorprende ó gardameta local

0-2 Abel (80’). Pase longo ó veloz dianteiro da Sd, que arranca en posible fora de xogo, encara a Romaní e bateo por baixo.

A forte calor reinante condicionou o desenrolo do partido. Os dous conxuntos mostráronse con falta de punch en ataque. O dominio correspondeu de inicio ó Sofan, que se fixo forte no mediocampo con Pensado e Aleman levando a batuta, pero os balóns non chegaban con excesiva claridade á zona de ataque. Por parte local o home mais perigoso era Aitor. O equipo de Nieto traballou ben o repliegue e cerrou todos os espacios ata que Eloy encontrou un oco por donde bater a Romaní. A partir de ahí foi todo mais facil para o Sofán, ainda que nun arreon final os de Louro chegaron con certo perigo ó borde do descanso, sobre todo nun lanzamento de falta de Edu que despexou Jose R. con solvencia.

O segundo acto comenzou con acoso local, que buscaba o empate con empeño, pero foi xusto este feito o que permitiu á SD lanzar perigosísimas contras que por veces foron cortadas por foras de xogo dubidosos sinalados polo colegiado. Tivo Berti a ocasión mais clara cando rematou un gran centro de Jacobo ó longueiro, e o posterior rexeite enviouno fora. Por parte local Aitor de cabeza, e Pepiño nun man a man co porteiro visitante, tiveron as suas opcións, pero o gol de Abel rematou ó conxunto local. A SD tirou de veterania e da solvencia da sua defensa, moi acertada no dia de onte, para contener o equipo local e asegurar os primeiros puntos como visitante da tempada.