jueves, julio 29, 2010

S.D. SOFAN 0 - BERGANTIÑOS C.F. 1

Primeiro partido de pretempada da SD, en tarde soleada e calurosa no campo do Carral, que presentaba un aspecto estupendo tanto o terreo de xogo como no graderío, onde unhas 100 persoas viron o triunfo do equipo de Manolo Bardanca.

S.D. SOFAN - Costa, Roberto Souto, Oscar Pardo, Gende (Juan Rabuñal), Miniño, Pensado (Pizo), Manolo Varela (Javier), Diego (Pablo), Bertin, Adrian e Jacobo (Berti).

BERGANTIÑOS C.F. - Dario, Valencia, Pipo, Becerra, Fiuza, Eiroa, Manu, Vigo, Fernando, Ramon e Josiño. Tamén xogaron Yañez, Ivan Rey, Ivan Amor, Gonzalo, Eloy, Adrian, Alex Canedo, Pablo, Rivas, Madrigal, Moreira, Deus e Casal.

ARBITRO: España Andrade

GOL: 0-1 71´ Gran servicio de Deus que Moreira remata de cabeza á rede.

Viuse no Carral un primeiro tempo igualado, con un equipo local ben plantada no terreo de xogo, cedendo a posesión da pelota ó Bergantiños, e tentando sair á contra con velocidade. Adrian e Bertin estiveron rápidos e incisivos nas bandas, provocando perigo nas primeiras acometidas. A lóxica superioridade técnica dos de Carballo tiña pouco valor ante a seriedade da defensa local e o estreito do terreo de xogo. As ocasións foron escasas e o ritmo baixo, algo normal cando só vai un dia de entrenos. Tivo Bertin a ocasión mais clara cerca do descanso cando roubou un balón á defensa visitante pero disparou mansamente ás mans de Dario.

Cos cambios no segundo tempo acrecentouse o dominio visitante. Destacar o debut do ídolo do Carral Eloy coa casaca do Bergantiños. O rapaz estivo bastante ben e tivo as suas ocasions para marcar, ainda que non conqueriu o ansiado tanto. Anulouselle un gol neste periodo ó visitante Adrian por fora de xogo, e foi unha combinación entre Deus e Moreira a que decidiu o envite.

O sabado continua a pretempada da SD, visitando As Redondas para enfrontarse ó Cabana a partires das sete da tarde.