CORME C.F. 4 - S.D. SOFAN 4

Surrealista. O de onte no campo do Cairo foi mais unha obra de teatro que un partido de fútbol, e como actor principal un colexiado: o inclito Rubén Rivas Rodriguez, protagonista de principio a fin. Nun encontro sin apenas faltas, entre dous equipos que caracterizan os seus enfrontamentos pola limpeza e deportividade, vimos 5 expulsións e descontento xeneralizado, ata o punto de plantexarse ambos equipos o abandoar o encontro antes do remate, visto o recital do suposto xuiz da contenda.

A Sd considerase perxudicada pola actuación arbitral pois tivo que xogar con 9 a maior parte do segundo tempo, pero é verdade que os erros se compensaron na parte final, sobre todo no incrible penalti que dou lugar ó empate a catro. As decisions do colexiado foron en todo momento inexplicables. As mais graves, sen dúbida, a expulsión de Dieguito por darlle un puñetazo á porta do vestiario no descanso, supoño que do cabreo de recibir o empate a dous a pouco do final deste tempo. O motivo da expulsión foi, segun palabras do colexiado, que diante del non se maltratan as instalacións. A expulsión de Gende foi algo parecida, por duas faltas, unha delas que non comete o zagueiro, senon outro compañeiro, e a segunda que nin falta foi. O penalti do cuarto gol do Sofán ninguen sabe por que foi, e pouco despois non sanciona unha clara man na area do Corme. Foras de xogo inventados, faltas señalizadas por tropezar co balón, a postreira expulsión de Luisito e Alejandro por intercambiar unhas palabras nin tan sequera subidas de tono... Antolóxico recital arbitral, que ninguén non campo se explicaba nin daba crédito.

Sirva esto para explicar que o partido foi moi limpo, sen accións en ningún momento violentas, como pode parecer vendo a lista de cartóns, pero non para explicar porque a SD igualou en Corme un partido que tiña que ter gañado con comodidade. Un Corme plagado de baixas plantexou unha alineación tan talentosa como chea de xuventude, e a SD levou o peso do partido con claridade, pero os graves erros defensivos levarón á igualada final. Un equipo que pretende estar na parte alta da taboa non pode encaixar os goles que encaixou onte, pois se marcando 4 goles fora da casa, ainda xogando con 9, non se leva a victoria é que algo grave sucede.

Bertin segue coa súa xeira goleadora, e está a levar o peso atacante no equipo de Baña. Os seus dous tantos no primeiro tempo parecian dar tranquilidade os visitantes, pero o erro de Costa a pouco do descanso foi decisivo. No segundo tempo tivose que remar contra o arbitro e o marcador, e o empate é un mal menor vistas as circunstancias de onte, ainda que nun campo no que todos os grandes gañaron a SD solo puido sacar un empate. Quizais sexa porque todavia non se pode considerar ó Sofán como un equipo punteiro da liga.

CORME C.F. - Susiño, Jesus, Abel, Martinciño, Pandi, Alejandro, Gonzalo -Martin Torrado 90´-, Diego -Daniel 78´-, Lucas, Adolfo -Jorge 70´- e Iago.

S.D. SOFAN - Costa, Juanjo, Diego, Miniño, Pensado -Gende 39´-, Pizo, Aleman -Mario 59´-, Jacobo -David Pensado 59´-, Luisito, Adrian e Bertin.

ARBITRO: Rivas Rodriguez, que amonestou a Jorge por parte local e a Miniño por parte visitante. Expulsou a Diego no descanso, a Gende no m. 65, a Iago no 85 e a Alejandro e Luisito no 90.

GOLES:
0-1 3´Gran centro de Luisito que remata Bertin ó fondo das mallas.
1-1 25´Falta lateral que remata Alejandro ante a pasividade da defensa visitante.
1-2 32´Trallazo de Jacobo ó largueiro e o rexeite mandao Bertin ó fondo das mallas.
2-2 45´Erro de Costa que se deixa roubar o balón na area pequena por Iago, que dende a liña de fondo marca con maestria.
3-2 53´Iago vaise solo cara a porteria e marca practicamente sin oposición do porteiro.
3-3 61´Disparo de Bertin que rexeita Suso e David Pensado anota no rexeite.
4-3 66´Gonzalo de falta directa.
4-4 87´Bertin de penalti

S.D. SOFAN 2 - MUROS 3

Partido atipico o xogado o sabado no campo B das Eiroas. O temporal obrigou a disputar o encontro neste terreo de xogo de reducidas dimensións. A pesar da incesante choiva e do impropio do horario a fiel afición sofanista acompañou ó equipo de maneira admirable. O Muros levouse os puntos merced a un intenso primeiro tempo no que foron superiores ó equipo local, que o intentou por todos os medios no segundo pero non foi quen de levantar o resultado.

S.D. SOFAN - Carlos Tojeiro, Juanjo, Pensado, Juan Rabuñal, Miniño, Diego, Pizo -Jacobo 62-, Aleman -Manolo Varela 80-, Mario Casal, Bertin -Adrian 57- e Luisito -David Pensado 54-

MUROS: Ruben, Ivan Cerilla, Teo, Mayuyo, Miguel Riveiro, Manu Dosil, David -Dani-, Bibi, Varito, Cexo e Yanki -Toni-

GOLES:
0-1 10´Perdida de balon no centro do campo sofanista que aproveita Cexo para enganchar un gran disparo raso que se cola irremisiblemente.
0-2 21´Erro na saida do gardameta local que aproveita Manu Dosil para marcar a porta valeira
1-2 31´Pensado de falta directa
1-3 37´Yanki á saida dun corner
2-3 88´Jacobo de falta directa.

Tentou levar a SD o peso dende o inicio, pero a presión do Muros foi moi efectiva. O primeiro gol foi producto dun erro local, que o rapidisimo Cexo non desaproveitou. Foi este xogador a mellor arma visitante no primeiro tempo, así como a seriedade defensiva, que impediu á SD crear ocasións claras de gol. Solo a balón parado se xeneraba algo de perigo na meta de Ruben, que un ano mais fixo un gran partido. O gol de Pensado reactivou os animos locais escasamente 10 minutos, pois outro erro á saida dun corner, e van... posibilitou que o partido quedase practicamente sentenciado.

O segundo tempo foi un querer e non poder do cadro local, que encerrou ó Muros, mais por inercia que por convicción. As contras dos muradáns, con Yanki inquedando continuamente á defensa , eran perigosisimas, e poideron caer algun gol mais do lado visitante. O gol de Jacobo maquillou un pouco o resultado, que foi xusto a todas luces.

CLUB DEL MAR 2 - S.D. SOFAN 1

Mais de 350 espectadores desafiaron ás inclemencias meteorolóxicas e sufriron unha tremenda tormenta de auga e de fútbol no campo da Porta Santa. Incomprensiblemente o colexiado non suspendeu o encontro, e os 22 xogadores entregáronse ó límite e ofreceron un gran espectáculo. Venceu o que tivo mais acerto de cara a portería, pero a SD deixou unha inmellorable imaxe ante o conxunto de Repi.


CLUB DO MAR: Borja, Chori, Fran Borrazas, Juan Lareo, Chechu, Repi, Alberto, Pablo Corral, Manu (Jacobo 65´), Abel e Tonecho.


S.D. SOFAN - Carlos Tojeiro, Juanjo, Diego, Pensado, Juan Rabuñal, Miniño, Aleman (Gende 80´), Pizo, Jacobo (David Pensado 60´), Bertin e Luisito.


GOLES: 1-0 27´Abel de gran disparo cruzado dende o borde da area.
2-0 81´ Alberto aproveita o rexeite dun penalti lanzado por el mismo, que parou Carlos Tojeiro.
2-1 89´ Bertin de penalti.


Levou a SD a voz cantante nos primeiros intres, cun equipo local moi ben plantado e sacando rapidas contras. Un centro - chut envenenouse e estrellouse no pao longueiro da meta de Carlos Tojeiro, que na xogada seguinte salvou coa súa saida un remate de Manu. A parroquia local apretaba, pero o fútbol combinativo da SD foise impoñendo. Luisito comenzou a aparecer, pero ainda a pesar de ter o aire a favor, apenas se disparou sobre a meta de Borja. O acoso traduciase en sucesivos corners que apenas levaban perigo. O gol de Abel, que o dianteiro non celebrou recordando o seu pasado rojillo, foi un mazazo. Pensado intentouno dende lonxe, pero Borja estivo moi ben toda a tarde. Reclamouse penalti por unha zancadilla a Bertin. Cunha tremenda tormenta de auga chegouse ó descanso.


Repi cerrou liñas na segunda parte, e a SD, a pesar de que o partido parecia mais de waterpolo que de fútbol, puxo todo o empeño e corazón para levantar o encontro. Diego estivo moi ben pola súa banda, e os seus centros foron un perigo constante. Un lanzamento do zurdo petou no longueiro e na liña de gol antes de sairse da porteria. Reclamouse penalti por man de Juan Lareo. Nunha contra Tonecho foi o mais listo e forzou o penalti. Carlos adivinou o disparo de Alberto pero o de Baldaio aproveitou o rexeite para sentenciar o partido. Pensado lanzou acto seguido unha falta que foi repelida polo poste da meta local. Non era a tarde da SD. Nun libre indirecto dentro da area Repi dalle ca man ó balón e Bertin acortou distancias, pero non habia tempo para mais.

S.D. SOFAN 1 - CARNOTA 0

Tarde de frío no Carral, onde uns 150 espectadores presenciaron unha nova victoria local, e disfrutaron co bo fútbol do conxunto de Baña, especialmente nun primeiro tempo para enmarcar no que levaron o peso do xogo durante a totalidade do período.

S.D. SOFAN - Carlos Tojeiro, Adrian Garcia, Diego (Oscar Pardo 90´), Juanjo, Pensado, Miniño, Pizo, Aleman, Mario Casal (Jacobo 67´), Bertin (Manolo Varela 77´) e Luisito (Gende 88´).

CARNOTA - Manuel, David, Nico, Pedro, Tono (Chouza 46´), Demetrio, Toniño, Pablo Beiro (Toumo 60´), Manu, Pumuki (Gabri 46´), Oliver (Urko 75´)

ARBITRO: Yañez Muiño, que amonestou a Diego, Mario e Luisito por parte local, e a Pedro por parte visitante. Expulsou no min. 60´a Demetrio e Adrian tras unha pequena tangana.

GOL: 1-0 29´ Contra da SD, Luisito chega adentrase na area e define con clase e maestría.

Chegaba o Carnota ó Carral con moitas baixas na súa liña atacante, de homes importantes,e abofé que se notaron, pois apenas inquedaron a portería de Tojeiro en todo o encontro. A Sd exerceu un dominio aplastante no primeiro acto, xogando un fútbol combinativo que gustou ó público presente, con un Pizo de jefe de orquesta no centro do campo, e un Luisito que estivo francamente inspirado na zona de tres cuartos. Adrian e Diego entraron como puñales por banda e as ocasións non tardaron en chegar. Diego lanzou un gran disparo lonxano e Manuel, o mellor do seu equipo, respondeu cunha gran parada. O propio Diego marrou dentro da area tras unha gran xogada de Bertin. Aleman disparou alto por pouco. As ocasións sucedianse e o gol non chegaba, pero foi Luisito quen resolveu o partido. Tras o gol o Carnota saiu un pouco da cueva, e un gran disparo de falta de Toniño tivo que ser repelido por Carlos antes do descanso.

O segundo tempo iniciouse mais parsimonioso, pero a doble expulsion de Adrian e Demetrio parece que fixo despertar un pouco ós xogadores. O Carnota tentouno cun futbol mais directo pero foi incapaz de crear perigo. Por contra a SD seguia marrando claras ocasións. Bertin, tras unha gran xogada individual, botou o balón fora diante de Manuel. Mario rematou de cabeza e incomprensiblemente o balón foise alto. Bertin, pouco despois, rematou un gran centro de Luisito e o balón saiu lamento o pao. Tanto perdonar fixo que se temera que en calquera xogada o Carnota igualara, pero a defensa da Sd estivo moi sobria e contivo as timidas ofensivas visitantes.

CAMARIÑAS C.F. 2 - S.D. SOFAN 3

Resarciuse a SD da derrota da fin de semana pasada e sacou tres valiosos puntos no Hnas. Patiño de Camariñas. Unha vez mais foron conqueridos a costa da saude dos bravos xogadores sofanistas: o lateral Roberto Souto marchou para o San Rafael con rotura de tabique nasal. No hospital coruñés xa reservan unha habitación cada fin de semana para os nosos xogadores. Toquemos madeira.

CAMARIÑAS: Pombo, Pesqui, Breo, Maikel, Josiño, De la Sierra (Antelo 85´), Moriño, Javi (David 71´), Juan Bello, Brais e Adrian Negro (Nico 80´).

S.D. SOFAN: Carlos Tojeiro, Roberto Souto (Jacobo 46´), Diego, Miniño, Pensado, Juanjo, Aleman, Mario Casal, Pizo, Luisito (Gende 88´), Bertin (Manolo Varela 89´)

ARBITRO: España Andrade.

GOLES: 0-1 2´Contra levada con maestria por Roberto Souto, e o seu centro é desviado ó fondo das mallas por Breo.
1-1 12´Saida en falso de Carlos que aproveita Adrian para marcar a porta valeira.
2-1 25´Juan Bello transforma unha falta directa por toda a escadra.
2-2 76´Luisito de falta directa
2-3 87´Jacobo tras un barullo na area.

O día non era moi propicio para ver fútbol de calidade, pois o vento dificultaba moito as accións dos xogadores. Ainda así o encontro foi de moi bo nivel, con dous conxuntos que demostraron o porque da súa clasificación. Na primeira xogada de ataque unha cabalgada de Roberto acabou no primeiro gol da tarde. Non se descompuxo o conxunto de Manolín, que a base dunha presión abafante levou o control do xogo. A defensa camariñana estaba situada no centro do campo e roubaban balóns con prontitude. Moriño e Juan Bello eran os directores de orquesta dun conxunto palilleiro que combinou con moito acerto neste primeiro acto. Pronto remontou o marcador, e tivo ocasións para que fose mais amplio. A Sd estaba demasiado encerrada na súa parcela. Así Javi en un par de disparos, Adrian cun remate de cabeza que saiu lamendo o pao, e Juan cun remate ó que respondeu Carlos cunha gran parada, puideron ampiar a conta. So Pizo cunha vaselina que se foi fora, foi quen de responder na meta de Pombo. A lesión de Roberto dou paso ó descanso.

Saiu a SD con mentalidade mais ofensiva no segundo acto, e levou o peso do xogo durante este periodo. As ocasións non foron claras pero o balón rondou a meta de Pombo todo o rato. Jacobo tivo un par de disparos dende o borde da area. Mario apareceu mais neste intervalo de partido, e as súas incorporacións de segunda liña foron cortadas con falta na súa maioría. O partido endureceuse, sobre todo a raiz do golazo de Luisito, que puxo o balon onde durmen as arañas. Adrian Negro retirouse lesionado cun golpe no tobillo. O Camariñas tentou estirarse co empate pero foi a Sd quen se levou o gato á auga nos ultimos intres, con un Jacobo moi oportunista.

S.D. SOFAN 2 - CASTRIZ C.F. 3

Volveu o Sofán irregular ó campo do Carral. O Castriz é unha bestia que ata agora estaba dormida, pero resucitou ante a SD, nun partido moi físico ó que non se soubo adaptar o conxunto de Baña. Mais de 200 afeccionados presenciaron o encontro, en día nublado e co terreo de xogo en perfecto estado.

SD SOFAN - Carlos Tojeiro, Roberto Souto (Pizo 53´), Juanjo, Juan Rabuñal, Diego, Aleman, Pensado, Adrian, Jacobo (Marcos Gende 82´), Luisiño e Bertin

CASTRIZ - Angel, Noli, Alex, Toniño, Torreira (Sergio Pose 58´), Alberto, Cilindro (Dani 46´), Sebas (Ruben 79´), Chinda (Bruno 77´), Mauri e Oscarín (Suso 88´)

ARBITRO: Vizoso Embudo, amonestou a Juan Rabuñal por parte local, e a Alberto, Oscarín, Sebas, Toniño e Sergio Pose por parte visitante.

GOLES:

0-1 12´Toniño remata so un corner ó segundo pao.

1-1 38´Falta colgada á area, producese un barullo e Bertin empurra o balón na mesma liña de gol tras varios rexeites.

1-2 69´Xogada de estratexia, Toniño toca o balón de cabeza e Noli libre de marca anota o segundo do Castriz.

1-3 82´Mauri culmina unha contra perfecta do conxunto visitante.

2-3 90´Bertin vaise por velocidade e cruza ante a saida de Angel.

Comezou o Castriz con intensidade, apretando a saida de balón da Sd, e disparando a porta á menor ocasión. O gol de Toniño nun despiste de marca da defensa da Sd era consecuencia lóxica do que ocorría no campo. Pero a partir de ahi o Sofán tomou o mando das operacións, e fixo unha gran media hora de futbol, a mellor no que vai de tempada. Combinouse con acerto, Luis e Bertin asociaronse en punta, e chegaron as ocasións. Aleman e Roberto mandaron alto sendos remates de cabeza, Angel luciuse sacando unha preciosa chilena de Jacobo, e Bertin rematou alto tras un gran centro de Diego. A SD merecia o empate e este chegou. O descanso foi salvador para os de Huelvis.

O mister visitante recompuxo liñas no descanso, e levou o encontro a un terreo que dominan ben os de Castriz, o da loita e a pelexa, e impuxeronse claramente a un Sofán que pareceu dormirse nos laureles do toque e a filigrana, e non soubo entender que para ganar ós rossoneri hai que pelexar como eles e meter a perna. Asi as ocasións do Castriz comezaron a chegar. Reclamouse penalti por mas de Roberto na area do Sofán e pouco despois chegou o gol de Noli. A Sd non reaccionou, xogando moi embarullada, sen crear ocasións. O terceiro gol foi o cravo na tumba do Sofán, que atacou á desesperada pero atopouse con un Angel salvador en un par de accións. O gol de Bertin so serviu para maquillar o resultado.

DAVID PENSADO OPERADO CON EXITO

O bravo dianteiro da Sd foi operado hoxe pola mañá no Hospital San Rafael da súa rotura de tabique nasal. O xogador estará uns dous meses de baixa.

Por outra parte o gardamallas Costa terá que gardar reposo durante un mes tras o golpe que recibiu na cabeza o pasado domingo. Agravase o problema de porteiros na Sd, pois únese este contratempo á lesión de Jose Ramón. Agora so queda Carlos Tojeiro para ocupar a porta do Carral.

PONTECESO 1 - S.D. SOFAN 2

Crónica do noso enviado especial Martin Antelo:

PONTECESO: Illote, Mario, Roberto Ríos, Fabián, Carlos Mato, Pablo, Alfredo (Tucho, min.25), Charro (David Velo, min.55), Bolón, Luisete, Nando (Adrián, min.70).

S.D. SOFAN: Costa (Carlos Tojeiro, min.30), Roberto, Juanjo Pensado, Diego, Mario, Alemán, David (Oscar, min.44), Adrián (Gende, min.80), Jacobo (Miniño, min.89), Bertín.

Goles: 0-1, min.60: Bertín aproveita un rexeite tras un tiro ao longueiro de Alemán; 1-1, min.70: Roberto Ríos de falta; 1-2, min.75: Bertín a centro de Jacobo.

Comenzo el partido dominando el Ponteceso, veiamos a un sofan algo timido en el campo lo cual cambio al partir del minuto 20. Empezo a dominar el encuentro
con una serie de ataques sin poder marcar en ninguna de las ocasiones. Primera parte muy equilibrada para ambos equipos donde la peor parte la lleva Sofan: el portero Costa y el capitan de la sd Juanjo chocan fortuitamente.Costa se lleva por delante a Juanjo y termina el portero con un golpe encima de su ojo izquierdo el cual lo obligo a abandonar el campo. Lamentablemente esto no acabo aqui, en otra jugada el Sofan, esta vez entre David Pensado y Adrian, con otro choque tan duro como el 1º David termina con posible fractura del tabique nasal, y Adrian muy aturdido.

La 2º parte el Sofan salio muy enchufado al encuentro y gracias a ello llego el 1º gol de Bertin, luego empataria el Ponte tras un saque de falta que entro lentamente
al palo del golero, un lesionado Carlos nada pudo hacer para poder cojerlo. El 2º de la SD vendria tras un rechaze del portero que nuevamente Bertin enchufaria dentro
y asi acabo el partido.

1º PARTE

min 10: gran jugada del Ponteceso donde termina rematando en dos ocaciones, la primera pega en el larguero y el rechaze queda en el area donde Pensado aleja el peligro.
min 15: buena jugada del sofan, un pase en profundidad a Bertin lo despejaria un defensa rozando la escuadra de su porteria.
min 20: exelente jugada de la SD la cual culmina con una serie de remates, se ve que el Sofan cambio de mentalidad en el partido.
min 30: jugada de ataque del ponteceso donde meten el balon al area y Costa sale muy duramente por el balon con la mala suerte que se encuentre en el camino con Juanjo y tienen un duro choque entre sus cabezas, en la que Juanjo queda tumbado muy dolorido en el cesped y Costa recibe por asi decirlo la peor parte.
min 38 : gran jugada de Jacboo, que culmina con un centrochut que pasa rozando la escuadra de la porteria del Ponte.
min 40: se produce la 2º mala notcia para la SD, la lesion y posible rotura del tabique nasal de su nuevo fichaje David Pensado , tras un choque con Adrian.

2º PARTE

min 5: como en la primera aprte empezo el Ponteceso a atacar y en esta ocacion el arbitro se come una falta al borde del area en favor del Ponte, y culmina con un disparo muy cerca de le escuadra de la porteria de Carlos.
min 10: sale Juanjo desde atras en carrera con el balon y le pone un gran balon a Bertin y el arbitro opta por pitar un fuera de juego muy dudoso.
min 15: gran disparo de Aleman desde fuera del area el cual tocado timidamente por Illote llega a tocar en el larguero y Bertin entra al rechace en el 2º palo donde mete el 1º gol del partido con la cabeza. PONTECESO 0 - SOFAN 1
min 25: nuevamente el arbitro pita una muy dudosa falta a favor del Ponteceso al borde del area sofanista, esta vez es tirado al palo corto por Rios y nada pudo ahcer el lesionado Carlos aunque el balon no llevara mucha velocidad. PONTECESO 1 - SOFAN 1
min28 : Jacobo se mete en el area culminando con un gran remate orientado donde el portero saca una exelente mano enviando el balon al corner
min 37: Jacobo saca un centro el cual aprovecha Bertin tras el rechaze de la defensa para asi poder marcar el 2º. PONTECESO 1 - SOFAN 2
min 40: corner a favor de la SD rematado por Mario y nuevamente tras un rechace entre el portero y la defensa aprovecha Bertin para rematar a porteria pero esta vez se le escapa fuera.

Gran y serio partido marcado para el sd que contra muchos pronosticos se lleva a casa otros 3 puntos.

S.D. SOFAN 3 - SAN LORENZO 2

Volveu o fútbol de antaño á Liga da Costa. Ese fútbol de campos cheos, intensidade e paixón no terreo de xogo, goles de fútbol de calidade. E foi no día de onte no Carral. 573 espectadores encheron o coliseo sofanista e disfrutaron dun gran espectáculo, animando de maneira ós seus equipos. No terreo de xogo, tensión, loita, goles e bo fútbol por momentos. Quedou con 10 xogadores o Sofán no minuto 71 por espulsión de Juan Rabuñal, pero foi a SD quen se levou os puntos, cun gol de Luisito cando esmorecía o encontro que levou o delirio ás graderias.

S.D. SOFAN: Carlos Tojeiro, Roberto Souto (Adrián, min.55), Juanjo, Juan Rabuñal, Diego, Alemán (Gende, min.80), Alberto Pensado, Luisito, David Pensado (Jacobo, min.80), Mario Casal, Bertín.

SAN LORENZO: Recarey, Puñal, Dubra, Iván Rey, Adrián (Fuentefría, min.80), Álex (Javi Pensado, min.65), Jorge Pichel (Quillo, min.80), Cachizo, Carliños, Alexandre, Marcos Cancela.

Goles:

1-0, min.10: Mario aproveita un balón en profundidade para bater a Recarey

1-1, min.21: Carliños, tras un erro defensivo

2-1, min.60: Bertín de penalti

2-2, min.68: Alexandre peina unha falta lanzada por Carliños

3-2, min.89: Luis de gran disparo dende a frontal.

Comezou o conxunto local moi enchufado ó partido, levando o peso e creando ocasións. O primeiro tanto chegou cedo, e serviu para aliviar a tensión que tiñan os xogadores encima. O partido parecía unha final, cun público volcado e un ritmo endiablado de xogo. A defensa da SD estivo dubitativa neste tramo e un erro de entendemento posibilitou o gol do empate. O San Lorenzo, ben plantado atras, saia á contra con balóns longos e perigosos. Así Carliños tivo outra clarísima ocasión que enviou fora, e os visitantes estrelaron un balón no pao da meta de Tojeiro. A SD mandaba no centro do campo, con Alberto Pensado levando a manija, pero o perigo non chegaba á meta de Recarey. Unha boa deixada de Bertin a Mario foi abortada por un defensa cando se cantaba o gol, e chegouse ó descanso.

O segundo tempo foi de locura, con un aumento exponencial da tensión segundo ian pasando os minutos. O xogo endureceuse e o graderío botaba fume. David Pensado lanzou fora unha gran volea. O SAn Lorenzo creaba perigo a balón parado, pois dispón de grandes lanzadores. Luisiño foi o mais pillo e forzou un discutible penal, que se encargou de transformar Bertin. Por segunda vez igualou o equipo de Oscar Suarez ó pouco do gol local, e a expulsión de Juan Rabuñal por protestar facia inclinar a balanza ó lado visitante. Pero o San Lorenzo baixou o pistón xusto nese momento, e a SD veuse arriba. Jacobo tivo un par de bos disparos, e Luisiño deixouse ven en perigosas combinacións con Bertin, antes do golazo que decidiu o derbi. Na seguinte xogada, viuse a combinación do partido: Bertin foise de cantos rivais lle sairon ó paso pola liña de fondo pero foi incapaz de bater a Recarey. Rematou o encontro e aliviouse a tensión dun encontro que mais parecia o decisivo da liga que un mais da 6ª xornada. Foi unha homenaxe ó fútbol costeiro en toda a regra.

SCD MALPICA 1 - S.D. SOFAN 1

Tarde de vento e choiva na Pedra Queimada, que desluciu o encontro entre o conxunto local e a SD. Chegouse a temer pola disputa do encontro tras unha forte treboada pouco antes do inicio.

SCD MALPICA: Suso, Charly, Marcos Amado, Víctor, Iago, Ismael, Casais (Neucha 46´), Cheo, David Blanco, Andrés (Miguel Dourado 62´), Eloy (Manu Pardo 46´),

SD SOFAN: Costa, Roberto Souto, Diego, Alberto Pensado, Juanjo, Alemán, Jacobo, Mario Casal, Luís, David Pensado, Bertín (Adrián García 69´).

ARBITRO: Juan Alberto Blanco Bravo.

GOLES 0-1 min. 24: Diego recibe tras un rexeite da defensa malpicana, mete un pase longo á espalda da defensa que recibe Jacobo en posición dudosa, e bate a Suso de gran disparo cruzado. 1-1 min. 59: Barullo na frontal da area, tras varios rexeites o balón chega a Ismael libre de marca, e este engancha un disparo axustado ante o que nada fai Costa.

Pouco fútbol se viu onte en Malpica, entre dous equipos que se respetan e coñecen moito, e que xogaron mais a non perder que a gañar o encontro. A auga que había no campo non permitía combinacións fluidas e optouse por un continuo xogo longo que favoreceu mais a pelexa que o espectáculo. Saiu a SD con intensidade, e foi David Pensado, unha vez mais a bo nivel, quen probou a Suso cun disparo lonxano. O Malpica buscaba á súa referencia, David Blanco, para xerar perigo, é foille anulado un gol a este xogador por fora de xogo. Alberto Cheo dou mostras da súa calidade e o duelo con Diego foi do mais vistoso do encontro. O gol de Jacobo dou confianza á Sd, que defendeu con solvencia a súa parcela, solo inquedada por un gran lanzamento de David Blanco e outro de falta de Cheo.

A saida de Manu e Neucha doulle mais control de balón e perigo ós malpicáns, que pronto igualaron a contienda. Costa salvou unha internada de David Blanco na mais clara ocasión dos locais, e David Pensado tiña a oportunidade para a SD nun saque longo de Costa que se come a defensa malpicana, pero non foi capaz de definir diante de Suso. Luisito disparou fora dende o borde da area tras unha boa combinación da dianteira visitante. Neucha reclamou penalti de Pensado á pouco do final, e o colexiado anulou un gol ó Malpica tras un saque de corner por falta de Cheo a Costa. Estas dúas accións puxeron a polémica final e o remate a un encontro no que ningún dos equipos mereceu levar a victoria.

S.D. SOFAN 2 - ESTEIRANA 4

Mazazo no Carral para o equipo local. Unha gran Esteirana superou á Sd en xogo, actitude e agresividade e levou merecidamente os tres puntos. 200 afeccionados presenciaron a impotencia dun conxunto local que a pesar de irse con ventaxa ó descanso veuse abaixo nun segundo tempo para olvidar.

S.D. SOFAN - Costa, Roberto Souto, Juan Rabuñal, Alberto Pensado, Oscar Pardo (Pizo 46´), Aleman (Berti 60´), Diego, Jacobo (Adrian 70´), Bertin, Mario e David Pensado.

ESTEIRANA C.F. - Ramon, Suizo, Mingos, Adelino, Dani Rama, Uru, Alex (Varela 80´), Iago (Godo 64´), Roberto Pladur (Adrian 80´), Andel e Guerra (Cajulo 71´)

ARBITRO - Lopez Golpe.

GOLES:
1-0 17´Balón colgado á area que peina Mario Casal a gol
1-1 32´Andel de tremendo disparo dende fora da area
2-1 44´Xogada de Mario por banda, cede a David Pensado que anota a porta valeira.
2-2 48´Roberto Pladur libre de marca no segundo pao.
3-2 68´Centro que Roberto Pladur que da nun defensa e se cola mansamente na meta de Costa.
4-2 81´Roberto Pladur tras un corner libre de marca no segundo pao.


Comenzou a SD levando o ritmo do partido ó seu terreno. Mario moveuse ben en punta e na primeira que tivo anotou o seu tanto. Pouco despois anúlaselle un gol a David Pensado por fora de xogo. Co 1-0 a Esteirana asentouse mellor no terreno, Uru e Andel fixéronse co centro do campo, e Guerra e Roberto combinaban con perigo en ataque. O gol do empate facia xustiza. A SD estirouse antes do descanso e David Pensado, un dos mellores do encontro, atopou o camiño do gol.

O gol nada mais sair dos vestiarios foi un xerro de auga fría para os intereses da SD. O equipo veuse abaixo, e o bo fútbol que xogara a Esteirana no primeiro tempo viuse recompensado no segundo. Xogando ó contragolpe martilleou unha e outra vez a meta de Costa, ante a desesperacion da parroquia local. A SD puxo corazón , pero en ningún momento se xogou con cabeza suficiente para xenerar perigo na meta de Ramón. O 4º gol foi co clavo na tumba dun Sofán que ten moito que mellorar se quere dicir algo nesta liga.

DUAS INCORPORACIONS PARA A S.D.

Ven de cerrar o plantel para a tempada 2010/2011 a SD Sofan coas incorporacións de Luisito e David Pensado, dous homes que reforzarán o ataque do equipo de David Baña. Con estas novidades son 21 as fichas das que dispón o mister sofanista, suficientes e necesarias para afrontar unha liga tan esixente como ven sendo a da Costa nos últimos anos.

Luis Fernandez, Luisito (na foto), ten 23 anos. Nacido no lugar da Ganduma en Verdillo, pronto destacou nas categorías inferiores do Bergantiños, chegando a debutar en 3ª división co primeiro equipo. Despois da sua irregular etapa rojilla, o extremo tamen formou co Laracha en Preferente. Este ano realizou a pretempada no At. Arteixo dirixido por Antonio Fernandez. É Luis un xogador habil, que destaca pola súa velocidade e bo manexo de balón. Zurdo cerrado, pode xogar en banda ou na mediapunta, postos nos que se aproveitan ó máximo as súas cualidades. Xa ven de debutar en Corcubion no empate contra o Fisterra.

David Pensado, dianteiro de 24 anos, xoga a súa primeira tempada en Sofan. Despois do seu paso polas categorias inferiores do Bergantiños, e os equipos modestos do Buño, Cerqueda e Ponteceso, recala no Carral para mostrar as súas virtudes, que non son outras que velocidade e potencia a nivel físico, e un disparo con ambas pernas que o fai un dianteiro moi perigoso. Os Bertin, Jacobo e Berti xa teñen competencia e ó mesmo tempo dous novos compañeiros que veñen a sumar para que a SD esté o mais alto posible este ano.

FISTERRA 2 - S.D. SOFAN 2

Partido disputado de poder a poder o visto onte no Novo Cubaleiro de Corcubión. As reducidas dimensións do terreo de xogo non favoreceron o espectaculo pero ainda así os dous conxuntos demostraron que serán dos punteiros está tempada. Tarde de calor con 150 espectadores no graderío.

FISTERRA - Joselu, Wayá (Dudo, min.75), Julito, Borja Santos, Pana (Piti, min.70), Roa, Nico, Roco, Tata (Marco, min.80), Guardiola (Nacho, min.60) e Manoliño.

S.D. SOFAN - Costa, Adrián (Gende, min.84), Juanjo, Juan Rabuñal, Óscar Pardo, Mario Casal, Pizo, Diego, Jacobo (Alemán, min.46), Bertín (Manolo Varela, min.80) e Luisito (Berti, min.60)

GOLES: 1-0 min.50: Remate impecable de Julito á saida dun corner que entra pola misma escadra
1-1 min.59: Mario no segundo pao de volea tras un saque de banda
1-2 min.67: Juan Rabuñal remata coa dereita no punto de penalti un corner sacado por Diego
2-2 min.83: Manoliño, atento no segundo pao, remacha un balón que se paseou pola area sofanista.

O Fisterra demostrou o porque da súa fama de candidato ó título, e dominou o primeiro tempo con claridade, mostrando un fútbol combinativo á altura de poucos equipos da categoría. O trio do centro do campo formado por Nico, Roco e Guardiola combinaban a placer, e solo a solvencia defensiva da Sd non permitía achegamentos claros. O Fisterra estaba mais metido no partido e era mais agresivo nas súas accións non permitindo achegamentos dos dianteiros sofanistas, Bertin e o debutante Luisito. Tata e Roa tentábano por banda, e unha xogada do primeiro acabou cun remate de Manoliño que se foi alto por pouco. O propio dianteiro de Louro tivo outra clara ocasión pero Costa estivo esplendido e sacou unha man providencial. O gardameta sofanista foi o mellor no último tramo de primeiro acto, sacando un par de mans e cunha saida a pes de Roa salvando un gol cantado. A SD foise viva ó descanso de milagro.

A entrada de Aleman no segundo tempo doulle mais consistencia ó centro do campo da SD, pero nunha xogada a balón parado adiantouse o Fisterra. Canto pintaban bastos para a Sd, en duas xogadas a balón parado remontouse o partido. Os ultimos 20 minutos foron de acoso fisterrán, pero solo a balón parado conqueriu Manoliño materializar o empate. Tivo Nacho unha clara ocasión a falta de nada, pero o seu remate escorado dou no pao da porteria visitante.

A FESTA DO SOCIO, UN EXITO

Uns 300 socios disfrutaron na noite do domingo da tradicional FESTA DO SOCIO. Regado con abundante viño e refrescos, os asistentes puideron saborear os sabrosos mexillons de Lorbe, e uns deliciosos xamons asados. A Panadería Piñana aportou pan en abundancia, e as bombas de palenque e os bailes amenizaron a velada. O grupo carballés THE CERNE puxo o fin de festa cunha magnifica actuación da que disfrutou a xuventude que ata altas horas permaneciu no recinto da Gandara.

S.D. SOFAN 1 - O PINDO 0

José R., Miniño, Juan Rabuñal, Pensado, Aleman, Pizo, Diego, Carlos Tojeiro... non é a alineación de onte, senón a lista de baixas que arrastra a SD. Pizo e Diego son as últimas, producidas no encontro de onte. Ó descanso a SD xa fixera dous cambios. Parece que a sorte neste aspecto non está do lado da SD.
Si que o estivo no aspecto futbolístico, pois nun partido igualado os puntos caeron do lado local. A resaca da Festa do Socio fíxose notar no campo e o Sofán estivo moi espeso no primeiro tempo, para mellorar algo no segundo.

S.D. SOFAN - Costa, Roberto Souto, Oscar Pardo, Gende, Juanjo, Pizo (Manolo Varela 46´), Mario Casal, Diego (Berti 38´), Adrian, Jacobo, Bertin.

O PINDO - Garrido, Alex (Angel 87´), Piquero, Miguel de Lira, Pulpo (Paulo 70´), Julian, Rafa (Diego 70´), Poky, Rivas, Fran de Cee, Victor (Aitor 60´).

GOLES:
1-0 23´Balón en profundidade a Adrian que se fai un lio, pero Bertin chegando dende atras remata ó fondo das mallas.

Saiu O Pindo ben replegado e buscando as contras. A Sd, dirixida por un Pizo que vai pillando o seu nivel habitual, tentouno nun par de ocasións pero as ideas non eran moi claras. Fran tivo unha boa ocasión pero Costa abortouna na súa saida. O gardameta sofanista fixo unha gran parada a lanzamento de falta de Victor, e pouco despois chegou o gol de Bertín. A defensa da SD non tiña a súa tarde e regalou un par de ocasións os visitantes, que non souberon aproveitar. Entre bostezos chegouse ó descanso.

A SD saiu mellor no segundo tempo e durante a primeira media hora levou o peso do partido, apretando mais no centro do campo e saido con ataques rapidos. Jacobo estivo a piques de marcar nun disparo dende fora da area, e Berti tivo a mais clara da tarde tras desfacerse dun rival, pero o seu remate saiu alto. O Pindo reclamou penalti por mans inexistentes de Roberto, e Costa completou unha boa actuación, impoñendose nos ultimos minutos no xogo aereo e dando gran seguridade á defensa. Jacobo e Varela tiveron a última dos locais pero a defensa do Pindo rexeitou os seus remates. Traballado e sufrido triunfo da SD, que suma a segunda victoria á espera de que se vaia recuperando a xente e o mister Baña poida dispoñer de todo o plantel.

JOSE RAMON RECUPERASE DA SÚA LESIÓN

Na habitación 408 do Hospital San Rafael , con vistas á praia de Santa Cristina, ocupa lugar Jose Ramon Rodriguez Fariña. A situación sería idílica de non ser porque o xogador está deitado, cunha perna escaiolada e sen poder moverse. A tibia rota, pero a moral polas nubes. Desexando abandoar o hospital recíbenos Jose, coa súa habitual sonrisa e bo humor, parece que ajeno ó feito de que estará uns tres meses sen ocupar posto baixo os paos da SD, o seu lugar natural.

¿Como te atopas?
Encontrome ben, pero doeme un pouco a perna, o normal, cando rompes a tibia.

¿que che pasa pola cabeza nestes días solitarios no hospital?
Teño ganas de sair de aqui, que esto é moi aburrido. Procuro non pensar no partido porque o recordo é malo. Agradezo moito as visitas que tiven e sobre todo as de Suso, o preparador físico, que todos os días se pasou unha horiña por aqui a facerme compañía.

Sabes que che espera unha dura recuperación.
Si, espero que sexa mais corta do previsto, quero volver o antes posible, ainda que ata entrado o 2011 posiblemente non esté en condicións de xogar

¿Como recordas a xogada?
Con moito dolor, case prefiro non recordala. Rechazei o balon e choquei co dianteiro e xa vin que algo malo pasara, a verdade é que non teño ganas de volver a pasar por iso. Se tivera chapado o balón de primeiras non me tería lesionado, iso está claro.

Solo pasaron uns días e o equipo xa te bota de menos, pero agora é o turno de Costa e Carlos ¿que lles dirias?
Carlos ainda está lesionado, así que toda a responsabilidade da portería recae en Costa. Espero que teñan sorte, polo ben deles e do equipo, e confío en que o van a facer ben, pois son grandes porteiros.

PORTEÑO 0 - S.D. SOFAN 2

Cara victoria a de onte no Hnas. Patiño camariñán: a SD trouxo os tres puntos para Sofán pero perdeu a Jose Ramón para tres meses. O gardameta chocou de maneira fortuita con un dianteiro local e sufriu unha rotura parcial de tibia. O xogador foi levado o rematar o partido ó Hospital San Rafael onde permanecerá ingresado por varios dias, a pesar de non precisar operación.

PORTEÑO C.F. - Asiel, Chino, Rubén, Manuel, Asturiano, Pastoriza, Ivan Chans, Ivan, Piti, Sergio Varela e Iago.

S.D. SOFAN - Jose R. (Costa 63´), Roberto Souto, Gende, Juanjo, Oscar Pardo (Pensado 85´), Mario Casal, Pizo, Diego, Adrian, Bertin (Berti 77´), Jacobo (Manolo Varela 69´)

ARBITRO - Sanchez Lago, que amonestou a Sergio Varela por parte local, e a Mario e Oscar por parte visitante.

GOLES:
0-1 36´Gran pase de Jacobo á espalda da defensa e Bertin define con un disparo forte e axustado.
0-2 74´Balon e profundidade a Adrian que gana por velocidade á defensa e define con tranquilidade ante Asiel.

Saiu moi forte a SD, a pesar do calor reinante. Dominou o balón nos primeiros minutos e generou un par de boas ocasións de gol, sobre todo unha de Bertin que diante do meta non foi quen de definir. Os de Sofán rondaban a area local pero a defensa do Porteño mostrouse contundente. A presencia de Pastoriza no centro do campo local empezouse a notar a partir da media hora, e sobre todo tras o gol de Bertin viñeron os mellores momentos locais. Os de Litos ganaron a espalda á defensa da SD en un par de ocasións e a piques estiveron de marcar Iago e Piti.

Estivo mellor o Porteño no segundo tempo, acosando a meta de Jose, que se mostrou seguro nas suas accións, sobre todo na xogada da lesión, repelendo un disparo de falta de Pastoriza e o posterior rexeite a bocajarro. A mellor ocasión do Sofán foi un disparo en vaselina de Jacobo que Asiel sacou milagrosamente en doble intervención. A SD xogou moi replegada e non tivo precisión na saida, pero o gol de Adrian sentenciou o encontro e dou a tranquilidade necesaria ós de Baña , que de ahi ó final dispuxeron de un par de boas contras para aumentar o marcador.

A S.D. SOFAN EN DON GIMNASIO

Remata a temida pretempada, cuberta polo equipo de Baña con malos resultados pero bo traballo de fondo. E toca destacar neste blog a colaboración nas sesións de traballo de forza e potencia de DON GIMNASIO, dirigido polo gran Guillermo, que nos cedeu con absoluta amabilidade as instalacións para que o preparador físico Suso se sentise ás súas anchas e machacase ós xogadores. Vemos unhas instantaneas da última sesión de adestramento con vistas ó partido inicial de liga a xogar no Hermanas Patiño de Camariñas contra o PORT