SORTEO DA COPA DA COSTA: SD SOFAN-CAMARIÑAS

Hoxe sobre as 20:35 horas saiu a papeleta da SD do bombo, e posteriormente a do Camariñas CF, emparexando ós dous equipos na ronda de dezaseisavos de final, encontros a disputar o 27 de abril no Carral e o 4 de maio no campo que designe o Camariñas. É este un emparexamento moi igualado, pois na temporada regular os dous partidos saldaronse con empate, 1-1 en Sofan e 0-0 en Vimianzo.

O resto de emparexamentos queda como segue:

- pola zona alta do cuadro

Vencedor do Cerqueda-Santa Comba B contra o vencedor do Lira-O Pindo
Cee - Corcoesto
Corcubion - Dumbria
Alcaian - Castriz
Mazaricos - Soneira
Buño - Montelouro
Esteirana - Coristanco
Corme - Bergantiños

- pola zona baixa do cuadro

Muros - Vimianzo
Nanton - San Lorenzo
Baio - Xallas
Carnota - Cabana
Porteño - Pereiriña
Sp. Zas - Muxia
Sd Sofan - Camariñas
Ponteceso - vencedor do Fisterra-Malpica

MONTELOURO U.D. 0 S.D. SOFAN 3

Gran victoria da SD no campo da Gandara, nun dia que habia que dar a cara, e todos os homes de Chema, sen excepcion, se partiron o peito e levaron unha merecida victoria que os situa a un paso da salvacion.

MONTELOURO UD - Juan Carlos (Ismael m.87), Cesar, Juan C.(Pedro m.45), Gael, Tono, Pulpo, Eloy (Alex m.67), Edu, Piti (Raul m.65), Cexo, Riki.
SD SOFAN - Jose Ramon, Victor, Gustavo (Oscar m.89), Juanjo, Gende, Pizo, Baneira, Bertin (Jose m.87), Cristian (Adrian m.60), Suso Docampo e Eloy (Berti m.65)

ARBITRO: Borja Sanchez Lago, que amonestou a Pulpo por parte local.

GOLES: 0-1 m.41 Combinacion matematica entre Cristian, Eloy e Suso que termina cun pase de Eloy a Cristian que marca a porteria vacia. 0-2 m.82 Balon en profundidade a Suso que resolve cunha practica vaselina 0-3 m. 87 Falta que bota Pizo en largo hacia Adrian, este faille un traxe ó defensa e define de punteira ante a saida de Juan Carlos.

Partido de nervios e tension o de hoxe pola tarde no bando visitante, que se resolveu positivamente debido a actitude demostrada polo equipo, que xogou un encontro moi intelixente consciente da importancia dos puntos en xogo. Saiu a SD presionando ó seu rival, e no min.3 non se dou validez a un gol de Cristian por sacar unha falta moi rapido. Estaban moi concentrados os visitantes e no minuto 10 un agarron a Baneira nunha xogada a balon parado é sinalada como penalti, pero Juan Carlos, o mellor do seu equipo, detivo a pena maxima. Desperezouse un pouco o Louro e primeiro Riki lanzou alto dende fora da area, e logo un libre indirecto sinalado na area da SD foi lanzado por Piti parando Jose Ramon. A SD retomou o mando e un centro pasado de Gustavo foi rematado por un defensa do Louro cara a sua porteria, facendo Juan Carlos unha gran parada, e na seguinte xogada Suso mandou fora un man a man co porteiro. O gol parecia que ia chegar en calquera momento na porteria local, pero antes tivo o Louro as mellores ocasions do partido: na primeira unha internada de Cexo acabou con un remate alto de Eloy a porteria vacia, e na seguinte Pulpo enviou ó longueiro un remate o saque dun corner. Nesto anotou Cristian, e ainda Suso puido marcar noutra clara ocasion que salvou maxistralmente Juan Carlos.

O segundo tempo foi de menos oportunidades, pois o Sofan administrou ben a renta, ainda que o Louro levou o peso do partido. Rematou Piti sen angulo a pouco de comenzar pero detivo Jose R.sen problemas. Nestes minutos Cexo mostrouse moi activo pero a defensa visitante amarrou ben ó capitan. Posto o candado na porta propia, e con un mediocampo moi traballador, era cuestion de minutos que o segundo gol chegara, pois as contras da SD eran moi claras. Nunha delas chegou a sentencia por parte de Suso. Pouco despois lesionase Cristian, un pesadelo para a defensa local, pero o seu recambio, Adrian, anota o terceiro gol. Ainda tivo Suso outra clara ocasion pero o marcador xa era suficiente.

Con este resultado e o do Esteirana - Porteño, a SD elude a terceira plaza de descenso, e solo resta sacar un puntiño contra o Corme no ultimo partido para decir adios de maneira matematica ó fantasma da Terceira Rexional.

AS DUAS ULTIMAS XORNADAS A ANALISE NO DEPORSPORT

S.D. SOFAN 1 ESTEIRANA 3

Decepción na parroquia sofanista, que viu como o seu equipo non foi capaz de puntuar ante a Esteirana e se complica a permanencia, algo que parecía impensable fai unhas xornadas. En tarde gris alinearon os equipos a:

SD SOFAN - Jose Ramon, Victor Docampo, Gustavo (José m.77), Juanjo, Baneira, Pizo, Adrian, Bertin, Cristian, Suso Docampo e Berti (Eloy m.69)

ESTEIRANA CF - Luqui, Chispi, Mingos, Pablo, Adelino, Martin (Pepe m.65), Jano (Damian m.83), Manolo, Alberto, Iago (Alejandro m.61) e Kike.

ARBITRO: Garcia Bestilleiro. Amonestou a Pizo por parte local e a Pepe, Iago, Adelino e Pablo por parte visitante.

GOLES: 0-1 m.39 boa combinación da dianteira do Esteirana pola banda dereita que culmina Manolo cun gran remate cruzado 1-1 m. 49 Adrian pugna coa defensa visitante por un balon que acaba nunha extrana vaselina que se cola na meta de Luqui. 1-2 m.72 Balon á espalda da defensa local, Kike rompe o fora de xogo e cede o balon a Alberto para que marque a placer. 1-3 m.80 Trallazo de Manolo que se cola irremisiblemente na porta de Jose Ramon.

O partido de hoxe é un claro exemplo de que o equipo que ten o balon a maior parte do tempo non sempre gana o partido. Iso lle ocorreu á SD, que levou a iniciativa en todo momento pero os seus homes non viron porta como en outras tardes. Sen embargo, os visitantes, ben armados atras, montaron unhas letales contras que trouxeron en xaque á defensa local. A rapidez dos seus homes punta, Kike e Alberto, foi determinante. Kike sen dubida dou mostras da sua calidade en todo momento, e incluso lle foi anulado un gol cando o partido xa esmorecia.

O primeiro periodo foi de dominio local, cargando moito o futbol pola banda dereita, onde Adrian se mostrou moi incisivo, pero as ocasións non foron moi claras. Sen embargo, a Esteirana en un par de rapidas xogadas meteu o medo no corpo da SD. O gol a pouco do descanso foi un xerro de auga fria ás aspiracions do Sofan de ter unha tarde tranquila de futbol.

O empate a pouco da volta dos vestiarios pareceu que calmou os animos sofanistas, que xogaron en ese momento os seus mellores minutos, entrando con fluidez por bandas, e dominando o balon no medio do campo, pero o segundo gol non entrou. A poblada defensa visitante rexeitaba unha e outra vez os centros e disparos dos locais, e asi, tanto Suso como Adrian ou Bertin non poideron materializar sendas ocasion de gol. O mazazo chegou nunha nova contra: Kike xa avisara un pouco antes nunha xogada que rexeitou Jose Ramon con apuros, e desta vez puxolle o gol en bandexa a Alberto. Para desesperacion local chegou pouco despois o terceiro, que sentenciou o partido.

Quedan dous partidos para acabar a liga, e a SD está obligada a vencer para amarrar a permanencia. Louro e Corme son os obxectivos.

CAMARIÑAS 0 SD SOFAN 0

Moi peleado o punto que colleitou a Sd na tarde de onte no campo municipal de Vimianzo, contra un Camariñas correoso que non dou o seu brazo a torcer. Tras un primeiro periodo aburrido e de pouco futbol, as ocasions e a polemica chegaron despois do descanso.

CAMARIÑAS:Marcos, Javier, Pablo, Valeiro, Nando, Moriño, Dario, Robertito, Pedro, Alex Camean (Brais T. m.63), Brais Casal (Tedin m.89).
SD SOFAN:Jose Ramon, Victor, Oscar, Juanjo, Baneira, Pizo, Adrian, Bertin, Cristian, Suso Docampo e Berti

ARBITRO: Ferreño Presedo, que amonestou a Nando, Dario, Pedro, Alex e Brais Casal por parte local, e a DAvid Baneira por parte visitante.

No primeiro acto viuse o peor futbol da tarde, con dous equipos que pelexaban cada balon coma se lles fose a vida, e coas defensas impoñendose ós ataques. O xogo desenrolouse principalmente no medio do campo onde a loita se centrou nas parexas Moriño-Robertito e Pizo-Bertin. No m.37 un remate de Valeiro foi rexeitado por Jose Ramon nunha gran parada, e pouco despois unha contra levada por Bertin acabou nun tiro deste que non foi gol de milagro.

Ó inicio do segundo tempo chegou a ocasion mais clara para o Camariñas: tras unha xogada de Dario este cedelle o balon a Pedro que case sen oposicion envia o balon ós pinos. No min. 54 un bo tiro de Pizo toca nun defensa e sae fora por pouco, e dous minutos despois Adrian marra un man a man diante do porteiro. Cristian repite esta accion no 67, nunha das mais claras ocasions do partido. No treito final apareciu de novo a figura de Jose Ramon para sacar unha gran man a tiro de Dario e pouco despois realizar outro paradon a tiro de Pedro. No min. 76 reclamouse un penalti na area visitante por falta de Baneira, e na contra anulouse un gol a Cristian por fora de xogo dubidoso. Resultado xusto e a ver se este punto da tranquilidade na SD para afrontar o definitivo partido coa Esteirana do domingo que ven.

S.D. SOFAN 2 FISTERRA SD 4

Duro correctivo o que recibiu na tarde de hoxe a Sd no campo do Carral. Foi derrotada por un gran Fisterra, que se mostrou como un equipo serio e con calidade na parte ofensiva. Dia soleado en Sofan, co cesped en magnifico estado e aproximadamente 100 espectadores nas gradas.

SD SOFAN - Jose Ramon, Victor, Gustavo (Oscar m.73), Juanjo, Gende (Varela m.66), Pizo, Adrian, Marcial (Cristian m.66), Eloy, Bertin e Suso Docampo (Berti m.73).
FISTERRA SD - Rafa, Roco, Borja, Jesus (Santos m.63), Chula, Xusto (Eduardo m.67), Rodri (Jose Manuel m.74), Roa, Isma (Tolo m.77), Manuel e Rivas

ARBITRO: Sanchez Garcia, que amonestou a Victor, Gustavo, Adrian e Eloy por parte local e a Borja, Jesus, e Ismael por parte visitante. Expulsou a Chula no minuto 80 por doble amonestación.

GOLES: 1-0 m.10 Suso recibe de espaldas e deixa para Adrian que de gran dereitazo bate a Rafa 1-1 m.21 Contra do Fisterra pola banda dereita, centro de Roa e Rivas dende o punto de penal empalma un zurdazo ante o que nada pode facer Jose Ramon 1-2 m.33 Internada de Roa pola banda dereita e cruza ante a saida de Jose Ramon 1-3 m.57 Balon en profundidade a Roa que eleva ante a saida de Jose Ramon. 1-4 m.65 Roa firma o seu terceiro gol nunha nova contra 2-4 m. 84 Berti saca un gran dereitazo dende o borde da area que entra axustado ó pao dereito da meta fisterrá.

Vaia debacle da SD no momento clave da tempada, cando podia deixar sentenciada a permanencia nun partido no que pronto se puxo por diante pero foi incapaz de administrar esa tempraneira renta. Os primeiros 20 minutos foron da SD, con un xogo moi vertical que propiciou o primeiro gol, e pouco despois outra gran ocasion en combinacion de Suso e Eloy que detivo Rafa en primeira instancia e o rexeite posterior nin Suso nin Bertin foron capaces de transformar en gol. Replicou o Fisterra cunha gran xogada de Isma que centrou para Manuel Cartamil, e este rematou en plancha de maneira espectacular. Tras o empate Victor Docampo cometeu penalti sobre Isma, que Roa transformou, pero o colexiado mandou repetir e no segundo intento o mesmo xogador mandou o balon alto. Casi era mellor que o metese, pois debeuse cabrear e converteuse no xogador clave do partido anotando tres tantos. Co 1-2 foise ó descanso.

No segundo tempo a SD saiu con un pouco mais de impetu que no primeiro, pero non xeneraba suficiente futbol para facerlle dano á segura zaga fisterrá, comandada por un Chula moi sobrio toda a tarde. O terceiro e cuarto gol sentenciaron o partido, e a partir de ahi o Sofan xogou mais tranquilo, conscientes de que o partido estaba perdido, e foron estes os momentos de mellor futbol dos locales, que xogaron casi con 5 dianteiros, anotaron o segundo gol, e un terceiro de Cristian de chilena que o colexiado anulou,
ademais de xerar numerosas ocasions de gol ante un Fisterra algo relaxado que via a victoria no peto. Concluiremos que a victoria dos visitantes foi xusta, merced ó seu bo xogo de contragolpe, e que a SD terá que dar o callo o sabado contra o Camariñas se non se quere ver inmerso en marexadas de ultima hora.

NOTICIA DE INTERES PARA O SD SOFAN - FISTERRA DO DOMINGO

Aparecido hoxe na La Voz de Galicia:

"Los futbolistas fisterráns Antonio Canosa López, Guardiola , y Luis Manuel Lado Insua, Mané , realizarán hoy su primer entrenamiento con el Dumbría y formalizarán su fichaje.
La presencia del centrocampista Guardiola y del delantero Mané el domingo en el encuentro en el que el conjunto de Floreal derrotó al Silleda (2-1) hacía presagiar sus inminentes incorporaciones.
La directiva del Fisterra, que preside Quico Benlloch, no aceptó de muy buen grado las contratación de ambos futbolistas. El mandatario fisterrán comentó sobre el tema: «Non estou de acordo coa forma de actuar do Dumbría. O lóxico e falar de clube a clube» y aclaró: «É moi fácil poñerlle o bombón na boca aos xogadores. O que si teño moi claro é que ningún xogador estará contra súa vontade no Fisterra»."

U.C.CEE 4 S.D. SOFAN 0

Derrota excesivamente amplia da SD no novo As Raices, nun partido moi condicionado pola expulsionde Baneira no min. 34 e o penalti marrado por Suso Docampo un pouco antes. Dia soleado, con pouco publico nas bancadas e terreo e xogo en perfecto estado.

UC CEE: Mingos, Fiuza, Julito, Nico, Freire, Toni, Carlos Leis (Fernando m.72), Bibi (Jacobo m.80), Pioto (David m.60), Yanqui e Leo (Fermin m.77)
SD SOFAN: Costa, Victor Docampo, Oscar (Jose m.60), Juanjo, Gende (Varela m.66), Pizo, Adrian, Baneira, Cristian (Berti m.64), Suso Docampo e Eloy (Pombo m.52)

ARBITRO: Amor Vazquez, que amonestou a Mingos, Leis e Yanqui por parte do Cee. Expulsou a David Baneira no min. 34 por doble amonestacion, e a Jose no min. 88 con vermella directa.

GOLES: 1-0 m.4 Leo revolvese no borde da area e engancha un gran lanzamento que entra axustado ó pao dereito de Costa 2-0 m.42 Xogada combinativa da dianteira do Cee que culmina Yanqui tras pase de Toni 3-0 m.82 Toni arranca en presumible fora de xogo e cede o gol xentilmente a Fermin que anota a porta vacia 4-0 m.87 Nova xogada de Toni por banda esquerda que remata con un centro introducido por Yanqui na porta da SD

Saiu mandón o Cee, e xa antes do gol rematara un par de veces a porta. Co 1-0 a SD comenzou a tomarlle o pulso ó partido, e aproveitando a defensa adiantada do Cee creouselle perigo ós locais. Adrian entraba moi ben por banda dereita e Suso marrou un par de claras ocasions diante de Mingos, que estivo moi ben toda a tarde. No min. 27 veu a xogada clave do partido, pois un penalti sinalado por derribo de Mingos a Suso non foi transformado polo capitan da SD. Pouco despois veu a expulsion de Baneira, e si é dificil ganarlle ó Cee con 11, moito mais é con 10 xogadores. Yanqui, que xogou un bo partido anotou o 2-0 e con el fomos ó descanso.

No segundo tempo intentouno a SD, pero non era sinxelo chegar á meta contraria. Tivo Pombo unha boa ocasion, pero pouco despois este xogador lesionouse cos cambios xa realizados, e o Sofan viuse obrigado a xogar con 9 homes. Os ocos na defensa multiplicaronse e a pesar de que os rojillos puxeron voluntad e ganas non poideron evitar os dous goles postreiros. Coa expulsion de Jose a Sd acabou con 8 xogadores sobre o campo sen poder facer mais que manter a pelota no seu poder ata que rematase o partido.

BAIXAS PARA O U.C. CEE - S.D. SOFAN

Duas baixas, unha por cada bando, son as que haberá o domingo no campo Novo As Raices de Cee no apaixoante Cee-Sofan. Por parte local o zurdo Josiño cumple ciclo de amonestacions, e por parte da SD o atacante Bertin foi expulsado o domingo pasado, polo que non poderá expotar a sua velocidade no amplio terreo de xogo ceense.

A SD desplazase a Cee coa intencion de que o clube local non cante o aliron esta semana, e asi de paso asegurarse a salvación, tan cara este ano. Recordar que en 1ª rexional os descensos directos esta tempada son 4, ademais dos posibles arrastres producidos por descensos de superiores categorias. Neste intre, tanto San lorenzo como Dumbria descenderían a 2ª rexional, co cal Esteirana e Malpica fariano a 3ª. O Malpica ten 28 puntos, e a SD 33, polo que non temos a salvacion asegurada nin moito menos, e haberá que seguir loitando por ela.

SD SOFAN 2 CD BAIO 0

Victoria balsamica da Sd ante o Baio na tarde de hoxe, nun partido parexo, condicionado polas numerosas baixas en ambos planteis, e no que o Sofan fixo alarde dunha gran pegada no segundo tempo.

SD SOFAN: Costa, Victor, Oscar, Juanjo, Gende, Bertin, Eloy, Marcial (Pombo m.89), Cristian (Jose m.78), Suso Docampo(Berti m.88) e Adrian (Pizo m.84).
CD BAIO: Poli, Fermin, Cristian, Diego Diaz (Santi m.66), Diego Costa, Sergio Pensado, David Costa, Adrian, Jacobo, Mario e Diego Suarez (Ivan m.77).

ARBITRO: Baldomar Obelleiro, que amonestou a Gende pola Sd e a David Costa, Jacobo e Mario polo Baio. Expulsou a Bertin no m.77 por doble amonestacion.

GOLES: 1-0 m.65 Balon en profundidade de Adrian a Bertin, e este define polo pao corto ante a saida de Poli. 2-0 m.71 gran combinacion do ataque sofanista, Suso cede a Adrian, este a Victor que o desdobla por banda, o menor dos Docampo saca un centro medido e Cristian remata de cabeza de maneira impecable ó fondo das mallas. Golazo.

Foi moi igualado o primeiro periodo, froito do respeto e coñecemento mutuo que se teñen ambos equipos. O centrocampismo foi a nota predominante e apenas se viron ocasions de gol. Reclamouse un posible penalti de Gende a David Costa ó pouco de comenzar, pero Baldomar non quixo saber nada desa xogada. A pouco do descanso un trallazo de Adrian dende a liña do trecuartista (que dirian os italianos) pasou rozando o longueiro da porteria de Costa. Co aburrimento xeral chegouse ó tempo de lecer.

Foi un pouco mais animado o segundo acto. Ós 10 minutos un balon colgado a Suso resolveo Poli cun claro empurron ó capitan da SD, que o colexiado interpreta de maneira sorprendente como falta do dianteiro. Pouco despois outro balon aereo colgado por Gende escapaselle a Poli, caendolle a Eloy, que en posicion clara para marcar, entretense un pouco e perde a ocasion. Os dous goles viñeron moi seguidos e marcaron o rumbo do partido. O Baio tentouno ó final pero nunca dou sensacion de verdadeiro perigo, pois o traballo defensivo dos locais foi moi bo. Sergio pensado no m.83 dispara dende lonxe, o balon bate nun defensa primeiro e no longueiro despois, e no 87 Costa saca unha boa man ante outro disparo de longa distancia. Antes do final José mandou alta a ultima boa ocasion dos locais, que para daquela xa xogaban con 10 e pensaban mais en amarrar o 2-0 que en marcar o 3º.

PARTE DE SANCIONS PARA O SD SOFAN - BAIO

Saiu á luz no dia de hoxe o parte de sancions correspondente á xornada a disputar este domingo, e nel observamos que ata 5 xogadores de perderán o apaixoante Sofan - Baio. David Baneira e Gustavo serán baixas na liña defensiva da SD, e Alberto, Carliños e Carro no Baio. O conxunto baies queda algo tocado no que respecta a xente de banda, sobre todo pola baixa de Carro, que de seguro viría moi motivado o Carral.

MUROS S.D. 3 S.D. SOFAN 2

Perdeu o Sofan en Louro unha boa oportunidade na tarde de hoxe de escalar postos na taboa clasificatoria. A pesar de adiantarse no marcador, non soubo defender con solvencia a sua porteria e acabou sendo derrotado. En tarde de moito calor alinearon os dou equipos a:

MUROS SD: Ruben, Adan, Pedro (Dosil m. 56), Mayu, Teo, Varito, Aaron, Fran (Alejandro m.87), Maxi (Abel m.71), Gelo e Gabi (Jaro m.64).
S.D. SOFAN: Costa, Victor, Gustavo, Juanjo, Varela, Pizo, Adrian (Suso Docampo m.62), Baneira, Berti, Bertin e Eloy (Cristian m.69).

ARBITRO: Daniel Rama, que amonestou a Adan, Gabi e Abel por parte local e a Juanjo, Pizo e Baneira por parte visitante. Expustou a Gustavo por doble amonestacion no minuto 89, e a Aaron con roja directa por agresion a Juanjo no minuto 90.

GOLES: 0-1 m. 23 Envio largo de Gustavo á espalda da defensa local que aproveita Bertin elevando o Balon ante a saida de Ruben 1-1 m. 37 Falta bombeada na area do Sofan, peina un defensa e Maxi aproveita para batir a Costa 2-1 m. 66 Dosil de penalti cometido a Jarondo. 3-1 m. 72 Aaron peina unha falta ante a indecision da defensa visitante. 3-2 m. 79 Suso aproveita unha boa xogada pola banda dereita para fusilar a Ruben

Iniciou ben o partido a SD, segura atras e montando perigosas contras con Bertin como estilete. Pronto chegou o primeiro tanto, e nese instante o Muros douse conta que facia mais dano á defensa do Sofan con un futbol directo que non practicara ata o momento, e comenzou a crear perigo en xogadas a balon parado. Tivo Maxi un man a man que salvou Costa un pouco antes do gol, e co empate chegouse ó descanso.

No segundo acto a Sd apretou de inicio, con un Eloy moi activo por banda. Unha boa xogada de Bertin culminouna o extremo esquerdo con un trallazo que rebotou nun defensa cando xa se cantaba o gol. Nun corner pasado Baneira non chegou en boca de gol por milimetros. E nesto apareciu a pajara habitual dos nosos homes, que encaixaron dous goles en pouco tempo e parecia que o partido estaba sentenciado. O gol de Suso dou emocion ós intres finais, e Cristian tivo o empate nun remate que mandou alto. Na contra o Muros desperdiciou un par de ocasions por medio de Jaro e Maxi, e a tangana e expulsions finais non fixeron mais que demorar o remate do partido.

SD SOFAN 2 CASTRIZ CF 1

Rompeu a sua mala racha de resultados a SD cunha traballada victoria ante o Castriz, equipo que en terreos pequenos se move como pez na auga. A tremenda tromba de auga caida durante o dia de hoxe fixo que o terreo de xogo estivera moi blando e condicionou un partido de loita e forza.

SD SOFAN: Jose Ramon, Victor, Gustavo(Pancho m.87), Juanjo, Varela, Baneira, Adrian (Jose m.80), Marcial, Cristian(Berti m.71), Bertin (Gende m.89) e Eloy (Suso m.56)
CASTRIZ CF: David, Martin(Luis m.60), Toniño, Roberto, Alex, Jota, Mauri (Bruno m.46), Koeman (Moro m.78), Ancho (Cesar m.70), David Brenlla (Alvaro m.73) e Sebas.

ARBITRO: Romero Lago, amonestou a Baneira e Gustavo pola SD, e a Alejandro e a Ancho por parte visitante

GOLES: 1-0 M.25 Xogada entre ELoy e Bertin por banda esquerda que acaba nun magnifico centro de este ultimo que remata adrian no segundo pao a rede 2-0 m. 66 Bertin rouba o balon á defensa do Castriz, cede a Suso que regatea ó porteiro e marca 2-1 m.80 pase profundo a Jota que engancha un trallazo que entra pola escuadra

Partido disputadisimo hoxe no carral. A Sd plantexou un encontro de brega e levouse o gato á auga. Os primeiros instantes foron de dominio local, ainda que sen apenas perigo. Adrian internouse un par de veces ben por banda, preludio do seu magnifico gol. O CAstriz co marcador en contra estirouse un pouco pero solo creou perigo a balon parado. Foille anulado xustamente un gol a Sebas, e Jota tivo un par de lanzamentos ó borde da area que sairon fora por pouco. Na outra area Bertin era un pesadelo para a defensa do Castriz e nunha das suas internadas a punto estivo de anotar. Pouco despois outra boa xogada de Bertin culminou cun extrano remate de Eloy que non foi gol de milagro. Con unha tremenda granizada chegouse ó descanso.

A saida de Suso coincidiu coa do sol, novedade na tarde do domingo, e o Sofan pareceu sentenciar co seu gol. A contra local facia estragos, ainda que a defensa do Castriz realizou un bo partido. Na outra area, Ancho errou unha clamorosa ocasion para o empate pouco antes do gol de Suso, nunha xogada na que quedou co balon diante da porteria e co porteiro local desplazado do marco, pero estrellou o balon inocentemente en Gustavo. Baneira rematou un balon o longueiro nun barullo na area visitante, e o gol de Jota puxo emocion ó tramo final pero a defensa local resistiu como puido as embertidas dos homes de Castriz.

PORTEÑO 2 SD SOFAN 1

Terceira derrota consecutiva da SD, nun encontro disputadisimo pero de escaso futbol, moi influido polas peculiares condicions do campo da Grixa. O equipo local adaptouse moito mellor á superficie e dimensions do terreo de xogo e con un futbol moi serio levouse os tres puntos.

PORTEÑO - Diego, Matias, Asturiano (Oscar m.55), Rosquilleiro, Manuel, Jemisa (J.Manuel m.50), Alberto, Isma, Piti (Jose Luis m.67), Juan Bello e Sergio Varela(Cousillas m.55).
SD SOFAN - J.Ramon, Baneira, Victor (Adrian m.72), Juanjo, Varela, Pizo, José (Eloy m.53), Marcial (Oscar m.67), Cristian, Suso Docampo (Berti m.72) e Bertin.

ARBITRO, Garcia Vilariño, que amonestou a Rosquilleiro e Cousillas por parte local, e a Varela, Bertin e Adrian por parte visitante.

GOLES. 0.1 m24 Jose engancha unha tremenda volea que entra pola escuadra 1.1 m.36 falta rematada o largueiro e Piti anota o rexeite 2.1 m.41 Sergio Varela peina un balon largo e Isma eleva de cabeza ante a saida de Jose Ramon.

Comenzou a SD coas ideas moi claras, practicando un futbol bastante directo co obxectivo de buscar a Bertin e Cristian con rapidez. Un bo remate de Cristian alto precediu a unha clarisima ocasion de Bertin e Suso, que remataron por duas veces a bocajarro pero non foron capaces de anotar. O Porteño creaba perigo a balon parado e nos saques de banda, e Juan Bello rematou de cabeza a rentes do pao. Co gol de Jose o Porteño comenzou a apretar un pouquiño mais, buscando balons a Sergio Varela, que tivo unha dura pelexa coa defensa da SD. En dous despistes da zaga visitante o Porteño adiantouse antes do descanso.

O segundo tempo foi un monologo da SD, cun equipo local que buscaba a contra para crear perigo. O Sofan tentou de xogar de maneira mais combinativa, e as ocasions chegaron, pero non se materializaron. Bertin disparou fora dende o borde da area, Cristian pouco despois rematou alto, e Berti tivo a mais clara, tras regatear a un defensa, mandou o balon o largueiro. Nos ultimos intres, Varela tentouno nun remate de cabeza, pero non era o dia da SD.

S.D. SOFAN 1 CARNOTA 2

Resucitou o Carnota no campo do Carral, onde xa gañara o ano pasado. Na tarde de hoxe levouse os puntos con xustiza, pois os locais, a pesar de adiantarse no marcador, nunca deron sensacion de perigo e pola contra os de Carnota crearon ocasions suficientes para anotar algun gol mais.

SD SOFAN - Jose Ramon, Baneira (Adrian m. 65), Pancho (Oscar m.77), Juanjo, Gende, Pizo, Victor, Bertin, Berti (Cristian m.60), Suso Docampo e Eloy(Marcial m. 79)
CARNOTA - Luis de la Peña, Nico, Jorge, Pedro, Berto, Martin, Toni(Deme m. 61), Sergio (Nando m. 70), Ubaldo, Tropi e Casti (Fernando m.78).

ARBITRO - Castaño Diaz, que amonestou a David Baneira, Pancho, Victor Docampo e Gende por parte local, e a Tropi por parte visitante

GOLES - 1-0 m. 18 Centro de Eloy dende a esquerda e remate de cabeza de Berti moi axustado ó pao contrario. 1-1 m. 23 Balon longo a Casti que bate a Jose Ramon na sua saida. 1-2 m.62 Pase en profundidade a Casti que encara a Jose Ramon e superao con frialdade.

Xa nos primeiros minutos se viu que o Carnota viña a por todas, e Casti fallou un par de claras ocasions antes dos 10 minutos iniciais. Na outra porteria Berti rematou un pase de Suso alto por pouco. Jose Ramon, moi ben toda a tarde, parou unha falta lanzada por Tropi e pouco despois chegou o gol de Berti, protestado polos visitantes que entenderon que o centro de Eloy se producira dende fora do campo. Non se veu abaixo o Carnota e Tropi e Ubaldo seguiron creando futbol para Casti, que foi un pesadelo para a defensa do Sofan. O empate facia xustiza, ainda que o dianteiro do Carnota estaba en fora de xogo. Pouco despois, noutro claro fora de xogo, encarou a Jose Ramon, e tras regatealo escapouselle o balon pola linea de fondo. No tramo final do primeiro periodo Eloy fixo un par de boas xogadas por banda que non encontraron rematador, e Berti enganchou un gran disparo a pase de Bertin que Luis rexeitou en gran parada.

O inicio do segundo tempo seguiu polos mismos derroteros. Jose Ramon salvou un gol cantado no minuto 50 con unha excepcional parada, pero non puido facer nada ante o segundo gol visitante. A partir de ahi o Sofan realizou cambios e tentou de apretar un pouco mais, pero o Carnota na contra creou un par de xogadas perigosas. Martin no medio co campo convertiuse no amo do partido, manexando o ritmo do xogo ó seu antoxo. Solo un tiro de Cristian tras pared entre Bertin e Suso e unha postrera falta lanzada por Pizo que rechazou Luis con suficiencia foron as ocasions dos locales, que non encontraron ocos na ordenada defensa do Carnota.

SD SOFAN 0 PONTECESO SD 1

Inxusta derrota a da SD na tarde de hoxe, pois dispuxo de numerosas ocasions para desnivelar o marcador ó seu favor, pero un riguroso penalti sinalado por mans de Gende dou os tres puntos ó equipo visitante.

SD SOFAN - Costa, Victor Docampo, Oscar, Juanjo, Gende, Pizo, Adrian(Jose m.78), Marcial (Cristian m.71), Berti, Suso Docampo e Bertin.
PONTECESO SD - Barca, Felipe (Salva m.84), Carliños, Mato, Roberto Rios (M.Torrado m.61), Tucho, Bolon(Toniño m. 65), Miguel Martinez, Mendieta, Pablo Rama (Mario m.69) e Ruben.

ARBITRO: Santos Rey, amonestou a Oscar, Gende, Adrian e Bertin por parte local. Expulsou ó entrenador Chema Eiris por protestas reiteradas. Por parte do Ponteceso ensinou carton amarelo a Pablo Rama e a Salva.

GOL: 0-1 M. 68 Toniño de penalti.

Decepcion na parroquia local por esta derrota, pois o equipo fixo meritos sobrados para levar os tres puntos, chegou a estrellar 3 balons contra os paos da meta de Barca pero vaise de vacio.

O terreo de xogo, a pesar das pertinaces choivas , encontrabase en magnifico estado, algo blando e encharcado pero permitia a practica do futbol sen problemas. No arranque de partido a SD esperou ó Ponteceso no seu campo, e tentou lanzar rapidas contras para sorprender ó equipo visitante. Bertin reclamou un penalti nada mais empezar o partido, e pouco despois Berti tivo a primeira das suas numerosas ocasions nun balon que controlou moi ben pero estrellou no corpo de Barca. Acto seguido recibiu unha pelota dentro da area, revolviuse ben e lanzou un disparo que repeliu a cruceta. Bertin estaba en estado de gracia, moi rapido é incisivo, e as suas combinacions con Suso creaban perigo na zaga dos da Ponte. Marcial, de forte disparo, mandou a pelota ó largueiro novamente. Parecia que o balon non queria entrar. Carliños tentouno con un par de faltas lonxanas, pero Costa estaba moi seguro.

O segundo acto foi mais do mesmo. O Ponteceso, sabedor de que solo lle valia a victoria, botouse para adiante e creou un par de ocasions, mais por insistencia que por futbol. Os locales enlazaron un par de rapidas xogadas con ocasions para Berti e Bertin, e Barca o tentar despexar un centro mandou o balon novamente o pao longueiro. O penalti confirmou aquelo de "quen perdona paga", e o posterior asedio sofanista ó marco pontecesan non deu froito ningun.

Sigue o Ponteceso na sua carreira polo titulo, e queda o Sofan en zona de nadie ante a visita ó Carral do Carnota o proximo domingo.

GENDE E SALVA ANTE O DERBI NO DEPORSPORT

BAIXAS PARA O DERBI

Extenso parte de sancions o emitido pola Federación Galega na actual semana polo que respecta á liga da Costa. Parece que co paso das xornadas se van endurecendo os partidos e a tension vai en aumento. Referindonos ó apaixoante SD Sofan - Ponteceso a xogar o domingo no campo do Carral, 3 son os homes que se perderan o partido: por parte local Eloy e David Baneira foron sancionados con un partido cada un pola sua expulsion do outro dia en Buño, e polo bando pontecesan Nando sufre acumulacion de amonestacions. Importantes baixas para ambos conxuntos, quizais mais decisivas no caso da SD, ainda que o amplio plantel do que dispon Chema fai pensar que non se deben de notar en demasia.

Por outra banda, preocupa como aguantará o cesped do Carral as intensas choivas desta semana. Ainda que o drenaje funciona perfectamente quizais encontremos un terreo de xogo algo blando que faga plantexar un partido menos vistoso do que en principio poderiamos ver. Ainda así calidade hai nos dous bandos de sobra para que o espectaculo sexa digno, e a espectacion en Sofan crece a medida que se acerca o domingo.

BUÑO CF 2 SD SOFAN 2

Sacou un puntiño a SD no campo de Xaviña, en tarde pasada por auga e con arbitraje do inclito Mañana Castro, que unha vez mais dou un autentico recital. Alinearon os dous conxuntos a:

BUÑO - Añon, Oscar Moscoso, Carlos, Manolo (Aitor), Aldao, Mario, Neucha (Dourado), Jorge Calvete (David), Victor, Emilio (Richard) e Juan Antelo.
SD SOFAN - J.Ramon, Baneira, Victor, Juanjo, Gustavo, Pizo, Adrian (Gende m.77), Marcial, Berti, Suso Docampo e Eloy.

ARBITRO: Mañana Castro, que expulsou a Oscar e Carlos do Buño, e a Baneira e Eloy por parte da SD, asi como ó entrenador local e ó delegado visitante.

GOLES: 0-1 m. 7 Internada de Adrian pola banda dereita, da o pase da morte a Berti que marca 1-1 m.13 Emilio remata a placer á saida dun corner botado por Neucha 2-1 m. 22 Neucha de libre directo engancha un trallazo que entra pola escadra 2-2 m. 80 Barullo na area local que resolve Suso Docampo.

Tipico derbi o xogado hoxe, con moita tension e emocion, pero escaso futbol, e con un invitado ó espectaculo, o colexiado, que "amenizou" a funcion con unha arbitraxe moi mala, ainda que sin chegar a ser decisivo no resultado.

O gol inicial da Sd facia presaxiar unha tarde tranquila para os de Sofan, pero o Buño veuse arriba e con un Victor determinante, autentico pesadelo para a defensa da SD, xogou 20 minutos de bo futbol e doulle a volta o marcador. J.Ramon tivo que sacar un par de mans a remates de Victor, que ainda que estivo negado cara o gol, foi o mellor xogador do partido. A SD nunca encontrou un ritmo alto de balon que permitise explotar o futbol por bandas que soe practicar. Eloy estivo ben marcado e o Buño obligou a realizar un futbol moi directo no que os ataques visitantes se perdian na nada.

No segundo tempo a Sd arriscou mais coa expulsion de Oscar, pero apenas encontrou ocos na poblada defensa do Buño, que buscou a contra con descaro e creou perigo coa saida de Richard, que estrellou unha chilena no longueiro. Solo un tiro de Adrian que rexeitou Añon foi a opcion que tivo a SD, que con mais garra que ideas logrou empatar a contienda. O show de Mañana fixo que os ultimos minutos non se vira futbol en absoluto.

PREVIA BUÑO - SD SOFAN

Ante o importante partido do domingo imos recordar o que pasou nas duas ultimas tempadas no campo de Xaviña:

Na liga 2005/2006 os dous equipos estaban en 3ª rexional, e mantiveron un bonito duelo co Montelouro polo titulo. Na 7ª xornada a SD foi quen de ganar en Buño

25/11/05
BUÑO 1 - SD SOFAN 2

BUÑO: Suso, Oscar, Jose Manuel, Diego, Sito, Angel, Neucha, Carlos, Victor, Richard, Emilio
SD SOFAN: Dani, José, Gustavo, Juanjo, Varela, Pombo, Julio, Maqui, Pabeto, Suso e Victor Docampo.

GOLES: 1.0 m.6 Victor 1.1 m.41 Suso Docampo 2.1 m.76 Varela

Nun dia desapacible a SD foi superior a un Buño que solo nos ultimos 10 minutos tirou de casta para crear algun perigo. Gran partido dos centrocampistas visitantes Pombo e Maqui, e sobre todo de Juanjo, que marca de maneira impecable á figura local Victor.

O ano pasado, xa cos dous equipos en 2ª Rexional, o resultado foi mais contundente ainda.

14/01/07
BUÑO 0 - SD SOFAN 3

BUÑO - Añon, Ramiro (Richard m.45), Diego, Caamaño, David, Carlos, Neucha, Ruben, Victor, Mario, Emilio
SD SOFAN - Dani, José, Gende, Varela, Gustavo, Pizo, Bertin (Pancho m.77), Pablo Vazquez, Cristian (Pabeto m.70)(You m.82), Eloy (Cancela m.67) e Juanjo.

GOLES: 0-1 m. 32 Pizo de corner directo 0-2 m. 45 Bertin de pty. 0-3 m 64 Bertin o rematar unha falta sacada por Pizo

A ver o que depara o derby este domingo, seguro que emoción non falta.