AQUEL EQUIPO DE XUVENÍS: Temporada 84/85

Iniciamos no dia de hoxe unha serie de articulos cos que tentaremos recuperar o pasado da nosa querida S.D. Xa fai uns anos ten editado a actual directiva uns libros nos que, coa colaboracion do periodista Gustavo Varela, se daba un repaso a temas de actualidade e se recordaban tamen vellas xestas e miticos persoeiros que pasaron polo Carral. Un deses artigos é o que traemos a colación, o referente ó historico equipo de xuvenís que ascendeu á liga Galega e paseou o nome da parroquia polos campos de Galicia adiante. Este texto foi escrito no ano 2003. Disfrutadeo.

P.D. (para leelo con mais claridade basta con pinchar sobre a imaxe e esta xa se amplia sola)

S.D. SOFAN 3 MONTELOURO U.D. 0

Partido completisimo da SD, que desarbolou ó Louro nun excepcional primeiro tempo e se dedicou a administrar a renta no segundo. Moito publico no Carral en tarde fria.

S.D. SOFAN - Costa, Baneira (Pancho m.80), Gustavo (Oscar m.78), Juanjo, Gende, Pizo (Marcial m.80), Adrian, Bertin, Berti, Suso Docampo(Cristian m.73) e Victor Docampo.
MONTELOURO U.D. - Juan Carlos, Cesar, Eloy (Antonio m.46), Gael, Tono, Pulpo (Luis m.46), José Maria, Rico, Piti, Cexo e Edu.

ARBITRO. Borja Sanchez Garcia. Amonestou a Gende e Victor por parte local, e a Cexo, Rico e Antonio por parte visitante. Expulsou a Pancho no minuto 89.

GOLES: 1-0 m.11 Adrian recibe pegado á banda esquerda, recorta e coa dereita engancha un trallazo que entra pola escadra da meta visitante. 2-0 m.40 Combinacion de Suso e Adrian, que cede o balon a Victor e este de magnifica volea bate a Juan Carlos. 3-0 m.76 Adrian pasa o balon en profundidade a David Baneira, este centra e Cristian engancha un dereitazo que se cola pola escadra.

Que magnifico primeiro tempo xogou a SD, impoñendose en todo momento ó Montelouro, creando numerosas ocasions cun futbol moi vertical e mostrandose segurisimo en defensa a pesar de xogar por momentos asumindo bastantes riscos que posibilitaron algunha contra dos visitantes. Sen embargo, foi o Louro quen dou o primeiro susto, nunha falta que golpeou Cexo, rebotou nun home na area e o balon petou no longueiro. Na seguinte xogada foi Adrian o que se presentou solo diante de Juan Carlos e por duas veces non foi capaz de batilo nunha clarisima ocasion. Pero si que acertou a continuacion, anotando o seu habitual gol no Carral, onde ten acostumada á afeccion a tantos de bonita factura. Neste tramo de partido Adrian foi un puñal pola sua banda, apoiandose moi ben en Berti, que completou un grandisimo partido, aguantando o balon con clase e dando fluidez ó xogo ofensivo. Os irmans Docampo combinaron un par de veces con perigo, demostrando gran entendemento entre eles. No minuto 29 anulouselle un gol a Victor de maneira incomprensible por fora de xogo, e pouco despois Juan Carlos respondeu con un paradon a tiro de Suso. A unica ocasion visitante neste tramo de xogo foi unha contra á que respondeu Costa saido presto a cortar a internada de Cexo. O segundo tanto facia xustiza e co 2-0 foronse os equipos ós vestiarios.

O segundo tempo foi de tramite, pois o Louro nunca puido penetrar na telaraña defensiva da SD, e polo contrario os contragolpes locais pecaron de falta de definicion. Costa realizou unha gran parada a tiro de Rico primeiro e a centro de Cexo pouco despois. Berti xogou bordeando o fora de xogo e o colexiado estivo algo riguroso sinalando un par deles. Pizo cansouse de roubar balons no medio do campo e de asistir á zona de ataque. Tivo un gran tiro Berti que saiu fora por pouco, e primeiro Victor e logo Suso non aproveitaron duas boas xogadas do dianteiro. O 3-0 é un resultado xusto, pois hoxe viuse un equipo con fame de victoria dende o primeiro minuto, que non cometeu erros defensivos e que buscou a porteria con ahinco.

ESTEIRANA 1 S.D. SOFAN 3

Gran victoria do Sofan na tarde de hoxe nun campo complicado, que reafirma o bo momento do noso equipo neste final de primeira volta.

ESTEIRANA: Luqui, Chispi, Mingos Pablo, Pepe, Uro, Cajulo, Martin, Aitor (Sergio Varela m.46), Damian (Abel m.64), Kike.
SD SOFAN: Jose Ramon, Baneira (Pancho m.76), Gustavo, Juanjo, Gende, Pizo, Victor, Marcial (Bertin m.72), Cristian (Berti m.64), Suso e Adrian (Oscar m.76).

ARBITRO: Zas Vazquez, que amonestou a Pepe e Kike pola Esteirana, e a Marcial pola SD

GOLES: 0-1 m 9 Internada por banda de Victor que cede o balon a seu irman e este case sin angulo cruza ante a salida do gardameta 0-2 m. 69 Centro a area, producense uns rexeites e Adrian remata a gol 0-3 m. 80 Suso recibe na frontal da area, recorta e engancha un dereitazo que bica as mallas 1-3 m.87 Falta botada moi cerrada e ante a pasividade da defensa Sergio Varela remata de cabeza e marca

Intentouse adaptar a SD dende un principio ás condicions do terreo de xogo facendo un futbol practico explotando o seu forte, a velocidade en banda e buscando con rapidez a pelea de Cristian e Suso en punta. O tempraneiro gol dou confianza ó equipo, que so pasaba apuros en balons longos á espalda da defensa visitante, buscando sobre todo a Kike, o seu mellor home. Este xogador marrou unha clara ocasion á media hora nun claro remato que saiu alto. O Sofan montou un par de contras con perigo pero faltou definicion ou sobro xenerosidade de cara ó marco rival.

Tentou de correxir a Sd as deficiencias do primero tempo tras o descanso, e a Esteirana solo asomaba en xogadas a balon parado. A defensa estivo contundente e a media moi traballadora, e coa chegada dos goles de Adrian e Suso o partido quedou sentenciado. Jose Ramon sacou un par de mans como en el é habitual, e a SD levouse un importantisimo triunfo nun dificil campo que da moral de cara a vindeiros compromisos

SD SOFAN 1 CAMARIÑAS CF 1

Chegou o inverno a Galicia e con el a auga ó Carral, que aguantou esta tarde unha choiva incesante durante os 90 minutos dun disputado partido que rematou con igualada. Emplearonse a fondo os seguintes homes:

SD SOFAN: Jose Ramon, David Baneira, Gustavo (Oscar m.72), Juanjo, Gende, Pizo, Adrian, Bertin (Marcial m. 89), Cristian, Suso Docampo e Victor Docampo (Berti m. 78).
CAMARIÑAS CF: Marcos, David, Pablo, Valeiro, Nando, Seso, Brais Triñanes, Dario, Pedro, Alex Camean e Tedin

ARBITRO: Manuel Ferreño Presedo, amonestou a Cristian por parte local e a Dario, Pedro e Alex por parte visitante.

GOLES: 0-1 m 26 Gende ó intentar despexar o balon introduceo en propia porta 1-1 m. 88 Suso define con un forte tiro raso un centro dende a esquerda.

Partido de brega nunha tarde incomoda para xogar ó futbol, ainda que todos os xogadores se emplearon con gallardia e brindaron un emocionante encontro os numerosos afeccionados que se xuntaron hoxe en Sofan. Os primeiros minutos foron de tanteo, ainda que os locales sempre levaron a iniciativa, con un Victor Docampo moi incisivo pola banda esquerda. Un par de centros del foron rematados fora, e o propio Victor tivo unha boa ocasion ós 18 minutos. Pouco antes Jose Ramon rechazara un trallazo de Alex Camean. A ocasion mais clara deste primeiro tramo foi para Bertin, que enganchou un dereitazo ó que respondeu ben en dous tempos Marcos. A raiz do desafortunado gol do Camariñas o Sofan tivo uns minutos de titubeo, e Brais primeiro, e sobre todo Pedro, poideron batir a Jose, pero este estivo moi ben toda a tarde..

No segundo tempo a SD foi a por todas e con un futbol moi vertical multiplicou as chegadas á area co Camariñas, ainda que a primeira ocasion clara foi de Brais, salvada por Gende na linea de gol. As chegadas á area eran continuas por parte local, pero os centros paseabanse sen encontrar rematador, e os tiros saian altos ou encontraban a resporta de un seguro Marcos. Nestas chegou a mais clara do Camariñas, con unha gran xogada de Alex á que respondeu Jose Ramon con unha maxistral parada. A partir de aqui o acoso foi total por parte local. Nunha estratexia bertin rematou alto. Unha parede de Suso e Adrian acabou con un trallazo de Baneira que non entrou de milagro nunha das mellores xogadas da tarde. Adrian entraba por banda coma un puñal, e a linea defensiva cortaba todas as contras visitantes con solvencia. Pizo repartia xogo a ambas bandas pero o gol non chegaba. No minuto 73 unha nova estratexia culminou con un tiro de Cristian a rentes do pao. Parecia que o balon non queria entrar na meta visitante, pero non se veu abaixo a SD. Suso tivo unha boa antes do gol do empate, pero o erro inicial compensouno co acerto no gol que fixo xustiza ós meritos dos rojillos e alivio a tarde de sufrimento no graderio.

FISTERRA SD 1 SD SOFAN 1

Xusta igualada a que se produciu hoxe no Ara Solis, entre dous equipos que demostraron o por que do seu equilibrio na taboa clasificatoria, e que se entregaron en dura pugna durante os 90 minutos de xogo. Boa entrada no campo do Fisterra en tarde soleada, os dous equipos alinearon a:

FISTERRA SD: Jose, Rafa, Dani (Jesus m.46), Chula, Manin, Isma, Borja Santos(Borja m.79), Bebeto, Manuel, Roa (Eduardo m.70) e Rodri (Tata, m.46).

SD SOFAN: Jose Ramon, Baneira, Gustavo, Juanjo, Gende, Pizo, Adrian, Bertin, Cristian (Berti m. 67), Suso e Victor Docampo.

ARBITRO: Daniel Perez Montouto. Amonestou a Rafa, Manin e Manuel por parte local, e a Gende, Suso e Berti pola SD

GOLES: 0-1 m. 39 saque de porta que peira Pizo, toca Suso en profundidade e Cristian bate a Jose na sua salida. 1-1 m. 78 Tata recibe á espalda da defensa visitante en posible fora de xogo e empata a contienda

Mostraronse respeto os dous equipos no inicio e primaron os acertos de ambas defensas. O Fisterra creou perigo en varias xogadas a balon parado buscando a altura de Bebeto, e a Sd montou un par de contras que a piques estiveron de levar un susto á grada. Un corner sacado ó borde da area acabou con un remate de Bertin que se foi alto por pouco. A loita centrabase no medio do campo e as forzas estaban moi igualadas cando chegou o gol de Cristian co que se chegou ó descanso.

O primeiro cuarto de hora da reanudacion seguiu polos mismos derroteros, co Sofan controlando a situacion con solvencia. Pero o Fisterra apretou os dentes e empezou a encerrar ós visitantes na sua area a base de forza. Chegaron as ocasion pouco a pouco, sobre todo un remate clarisimo de cabeza que dou no pao e se paseou pola linea de gol. Pudo matar o partido Berti nun remate a boca de xerro que sacou Jose de milagro, ou nun remate en plancha que se foi fora por pouco, pero acto seguido empataron os verdes, que ainda tiveron algunha ocasion hacia o final.

SD SOFAN 3 CEE 1

Gran victoria a do Sofan na tarde de hoxe ante numeroso publico que se acercou ó Carral a ver como o Cee perdeu momentaneamente o liderato.

SD SOFAN: Jose Ramon, Baneira, Gustavo, Juanjo, Varela (Gende m. 27), Pizo,Victor Docampo, Pombo (Marcial m. 75), Bertin, Suso Docampo (Berti m. 79) e Adrian (Pancho m.87).

UC CEE: Mingos, Ruben Fiuza (Angel Otero m. 75), Julito, Jacobo, Dani Freire, Toni, Fermin, Bibi (Yanki m.46), David, Pioto e Leo.

ARBITRO: Diego Castelo Perez. Amonestou a Pombo e Pancho pola SD, e a Ruben Fiuza, Toni, e Fermin por parte do Cee

GOLES: 0-1 m. 36 Fran Pioto controla un balon largo e saca un disparo axustadisimo ante o que Jose Ramon non pode facer nada. Un golazo. 1-1 m. 41 Pase largo a Bertin que supera a Dani Freire en carreira e bate a Mingos na sua salida. 2-1 m. 72 Adrian recibe un pase largo por encima da adelantada defensa visitante, encara a Mingos e fusilao sin piedade 3-1 m.83 Pase largo de Pizo a Berti, este aguanta ben o balon no borde do area, cede a Victor que entraba en velocidade e o menor dos Docampo sentencia o partido.

Demostrou a SD raza e calidade a partes iguales para levarse o partido contra o lider. Cando peor pintaban as cousas para os locais, que viñan de unha pesima racha de tres derrotas seguidas, sairon á luz as virtudes de un equipo que debe de ir a mais no que resta de primeira volta. Aguantaron ó Cee cun plantexamento defensivo sobrio, e enlazaron perigosas contras que acabaron fulminando a arriscada defensa dos visitantes.

No inicio do partido o Cee parecia querer tomar o mando, pero comprobouse a falta de acoplamento ó reducido terreo de xogo. A defensa local mostrouse segura nos balons aereos e non pasaron por problemas. Pouco a pouco foi a Sd facendose co dominio, e mediado o primeiro tempo producense unhas mans clarisimans dentro da area do Cee que o arbitro non sanciona. O ambiente encrespouse e o xogo fixose algo trabado. Manolin foi expulsado e o espectaculo estaba mais fora do campo que no terreo de xogo. O gol de Pioto animou a cousa, e Bertin soubo responder con prontitude. O empate era xusto no medio tempo.

No segundo periodo o Cee arriscou para lograr a victoria, sacando a Yanki, pero a xogada saiulle mal, pois os locais souberon aproveitarse da adiantada defensa que plantexaron os lideres e continuamente martillearon as espaldas dos centrais. Victor Docampo tivo unha ocasion clarisima nun man a man con Mingos que soubo resolver o bo gardameta, pero no seguinte que tivo con Adrian non puido facer nada. Co marcador a favor os locais mostraronse seguros en defensa, con un Jose Ramon que sacou un par de mans providenciais. Un remate de cabeza de Yanki foi a ocasion mais clara do Cee, e Pizo levou a incertidume á grada con un trallazo dende 30 metros que petou na misma escadra. O gol de Victor foi definitivo e a pesar dos arreons visitantes no tramo final non se moveu o marcador.

BAIO 2 SD SOFAN 0

Caeu derrotado a Sd no Platas Reinoso, nun encontro no que o equipo careciu de profundidade, e o Baio cerrou o partido en duas xogadas a balon parado

BAIO - Trucho, Ramon, Santi Bomar, Diego Costa, Cristian, Dario (Diego), Martin (Fermin), Alberto (Adrian), Carliños (Carro), Gaspar (Victor S.) e David Costa

SD SOFAN - Jose Ramon, Victor, Baneira, Juanjo, Gustavo (Pancho m.69), Pizo, Pombo (Marcial m.66), Adrian, Suso, Bertin (Berti m. 75) e Cristian.

ARBITRO: Brea Sanchez, que amonestou a Alberto, Carliños e Adrian polo Baio, e a Baneira, Pombo e Bertin polo Sofan.

GOLES: 1-0 M.21 Corner a favor do Baio, producense unha serie de rexeites e Garpar acerta a meter a punteira para batir a Jose Ramon 2-0 m 39 Indecision da defensa do Sofan da que se aproveita Martin para marcar de volea

Tentou o Sofan levar o peso do partido de inicio mantendo a posesion do balon, pero varios roubos de balon serviron para que o brasileiro Gaspar creara un par de ocasions nos compases iniciales. A SD tocaba con criterio pero no lle creaba perigo a Trucho, e nestas chegou o gol inicial do ariete Gaspar, moi oportuno ó rematar un balon morto na area. O Sofan tivo un par de xogadas a balon parado, pero o porteiro Verdilles do Baio pasou no dia de hoxe unha tarde tranquila. Unhas posibles mans de Santi Bomar na area local provocaron as protestas dos visitantes, e a pouco do descanso Martin sentenciou a contienda.

O segundo tempo foi un tramite, pois nin os visitantes puideron crear ocasions, nin os locais quixeron forzar a maquina. O Sofan arriscou adiantando as suas liñas pero un Baio moi ordenado non pasou problemas defensivos, e lanzou algunha contra meritoria, pero hoxe non foi un dia de bo futbol en Baio, onde o equipo local se fixo cos tres puntos con un futbol moi practico.

SD SOFAN 2 MUROS 3

Segunda derrota consecutiva da SD, a primeira en casa no que vai de ano, nunha tarde moi afortunada do conxunto muradan, que sen expoñer practicamente nada levouse os tres puntos.

SD SOFAN - Costa, Victor Docampo (Gende m.88), Gustavo, Juanjo, Varela, Bertin, Suso Docampo, Pizo, Berti (Cristian m.61), Eloy e Adrian (Pombo m.46)
MUROS SD - Naso, Fran (Dani m.74), Gabriel (Abel m.86), Mallu, Maikel, Aaron, Adan (Xurxo m.60), Gelo (Alex m.80), Jarondo(Maxi m.49), Varo, Brais

ARBITRO - Borja Sanchez Garcia, que amonestou a Juanjo por parte local e a Naso, Fran, Gabriel e Aaron por parte do Muros.

GOLES - 1-0 m.21 Adrian recibe un balon en profundidade de Suso e bate a Naso 1-1 m. 30 balon que sale claramente fora do campo, é rebañado por Jarondo e Brais chegando dende atras establece o empate 1-2 m. 38 Falta bombeada á area local que peina Varela e introduce o balon na sua porteria 2-2 m. 60 penalti cometido sobre Eloy que transforma él mesmo 2-3 m. 72 remate frouxo de Gelo que se lle escapa a Costa das mans e introducese mansamente na porteria local.

Tarde moi calurosa no Carral, con numeroso publico nas bancadas. No primeiro tempo o partido foi de claro dominio local, que tras un inicio algo dubitativo tomou as riendas do xogo, entrando moi ben por bandas e disparando numerosas veces sobre a porta de Naso, pero unhas veces a defensa e outras a falta de punteria local impediron o gol. Ainda asi co tanto de Adrian faciase xustiza. Pero un erro de apreciacion do colexiado doulle en bandexa o empate ó Muros, e a pouco do descanso o gol en propia meta puxo ós muradans por diante, resultado que lles dou alas para afrontar o segundo tempo moi encerrados na sua area.

O acoso local foi incesante, con un futbol de calidade que acabou no empate de Eloy. Parecia que os locales se ian a levar o partido pero un novo erro doulle o gol a Gelo. O posterior acoso a base de balons largos foi infructuoso, e a pesar de merodear a area do Muros, o gol do empate non chegou.

CASTRIZ CF 3 SD SOFAN 0

Clara derrota da SD no campo de San Pedro ante un Castriz moi forte no seu terreo de xogo que se levou o partido con xustiza. Bastantes seguidores visitantes na bancada. O Sofan vestiu de blanco por coincidencia de colores entre ambas camisetas.

CASTRIZ CF - David, Martin (Javier m.71), Toniño, Alex, Roberto, Jota, Sebas (David Brenlla m.51), Luis, Ancho (Bruno m.68), Cesar (Moro m.65) e Suso (Jesus m. 48)
SD SOFAN - Costa, Baneira, Gustavo, Juanjo, Gende (Pancho m.15), Varela, Adrian (Victor Docampo m.65), Bertin (Marcial m.72), Berti (Cristian m.51), Suso Docampo e Eloy

ARBITRO: Javier Serrano Castro, amonestou a Baneira polo Sofan, co que se perderá o seguinte partido contra o Muros no Carral.

GOLES: 1-0 m. 40 Luis engancha un zurdazo dende fora da area que entra pola escuadra 2-0 m.66 Perdida de balon no medio campo da SD, o balon chega ó segundo pao onde entre David Brenlla e Gustavo introducen o esferico 3-0 m. 76 Toniño á saida dun corner.

Non puido impoñer o seu futbol a SD en ningun momento e viuse superada pola contundencia e a claridade de ideas do equipo local. O primeiro cuarto de hora foi do Sofan, que lanzou un par de faltas ó borde da area, e Adrian tivo unha boa ocasion diante de David, pero non chegou por pouco. Os 15 minutos tivo que ser retirado Gende con un corte na ceja e a partir de ahi o Castriz adueñouse do mediocampo, e comenzaron a servirlle balons a Ancho, moi perigoso toda a tarde. Costa salvou un par de man a man, e un remate do dianteiro saiu lamendo o pao. Jota puido facer o seu futbol, e en defensa os locales mostrabanse inexpugnables. O gol de Luis facia xustiza.
No segundo acto a SD nunca foi capaz de rasear a pelota con criterio. O futbol foi moi directo e nese terreno o Castriz movese como peixe na auga. O segundo gol matou o partido, e a partir de ahi foi un deixar pasar os minutos ata a conclusion do choque. En ningun momento os dianteiros visitantes recibiron balons en condicions e así é moi dificil marcar un gol. O domingo visitaranos o Muros e teremos a oportunidade de resarcirnos.

A SD NO SUPLEMENTO DA VOZ DE GALICIA

SD SOFAN 4 PORTEÑO 2

Esta en racha o Sofan, e na tarde de hoxe desfixose con suficiencia do Porteño e encaramouse nos postos altos da taboa clasificatoria. Dia de calor no Carral con uns 100 espectadores nas gradas.

SD SOFAN: Jose Ramon, Baneira (Pancho m. 71), Gustavo, Juanjo, Gende, Pizo, Suso Docampo, Bertin (Varela m.77), Berti (Cristian m.71), Eloy(Pombo m.73) e Adrian.
PORTEÑO: Diego, Matias, Manolito, Manuel, Roberto, Oscar (Cousillas m.56), Jemisa, Piti (José m.77) , Isma (Pablo m. 70), Juan Bello e Jose Manuel (Iago m. 62).

ARBITRO: Montes Montes, que amonestou a Baneira e Suso por parte local, e a Matias, Roberto, Isma e Iago por parte visitante.

GOLES: 1-0 m.26 Eloy de penalti cometido sobre Berti 2-0 m. 64 xogada personal de Adrian que culmina con un dereitazo que se cola por toda a escuadra 3-0 m.68 Centro de Adrian, que Suso controla e clava nas mallas de espectacular chilena 4-0 m.72 Bertin de falta directa 4-1 m.88 Jemisa tras un rechace 4-2 m.91 Juan Bello de falta directa

Bonito partido o visto hoxe, no que se viu como a SD crece dia a dia en confianza e bo futbol, tras un inicio de liga un tanto dubitativo. Dende o pitido inicial tentou o equipo local de facerse co mando do encontro, e conseguiuno, realizando combinacions de merito no medio campo, ainda que a seguridade defensiva do Porteño non permitiu ocasions claras na sua porteria. Tivo que ser Eloy ó transformar un claro penalti a Berti quen abrira a lata e dera un pouco de tranquilidade nas filas locales. A linea defensiva da SD mostrouse inexpugnable, con un Juanjo impecable xogando de home libre, e os xogadores de calidade do mediocampo tocaban o balon case sempre con criterio. Tivo Berti unha gran ocasion tras unha boa xogada individual, pero Diego sacou unha boa man.

No segundo tempo o partido seguiu polo mesmo camiño, pero non chegaba o gol da tranquilidade. Tivo que ser Adrian, en gran xogada individual quen marcara o segundo tanto. A partir de ahi vironse os 15 mellores minutos de futbol, e caeron outros dous golazos, sobre todo o de Suso Docampo, en increible chilena e que se levou a mellor ovacion da tarde. A relaxacion local propicion que nos ultimos minutos o Porteño reducira distancias pero sen chegar a poñer en perigo o resultado.

U.D. CARNOTA 0 S.D. SOFAN 3

Primeira victoria a domicilio da SD que sirve como balsamo para curar as feridas de anteriores derrotas e ó mesmo tempo é unha importante inxeccion de moral despois do dubitativo arranque do equipo. Alinearon os equipos a:

UD CARNOTA - Luis, Nico, Sergio Estevez, Berto, Eli (Castiñeira m. 46), Jorge, Pablo Beiro (Alex m.57), Martin, Cacho, Tropi e Ubaldo.

SD SOFAN - Jose Ramon, David Baneira, Victor Docampo, Juanjo, Varela (Gende m.83), Pizo, Adrian (Marcial m.77), Bertin, Berti (Pancho m.73), Eloy e Suso Docampo(Pombo m.67)

ARBITRO: Prieto Rojo, que amonestou a Cacho e Castiñeira por parte local, e a Baneira e Juanjo por parte visitante. Expulsou a Victor Docampo e Nico no m. 73 e a Marcial no m. 84

GOLES: 0-1 m. 23 internada de Adrian pola banda dereita, cede o balon a Eloy que marca de forte disparo 0-2 m. 54 Suso esquiva o fora de xogo, encara a Luis e bateo cerca da cepa do pao 0-3 m.67 Pizo de falta directa

Gran victoria da SD que con un plantexamento moi serio e un pouco de fortuna sacou tres puntos na sua visita a Mazaricos. A xogada clave do encontro foi o penalti fallado por Tropi no m. 14, pois pouco despois anotou Eloy e a partir de ahi o Sofan puxolle ó candado á sua porta. O Carnota sempre tentou de rasear a pelota, pero a SD xuntou moito as suas liñas e o vento imperante non permitiu combinacions claras. Ainda así Cacho tivo unha boa ocasion nun remate de cabeza no segundo pao. Berti tivo outra boa ocasion na porteria contraria e o colexiado anulou un gol a Suso por fora de xogo pouco antes do descanso.

No segundo tempo o partido quedou visto para sentencia co tempraneiro gol de Suso. Berti volveu a marrar un man a man con Luis, pero Pizo puxo a sentencia. A SD non pasou apenas apuros neste tramo do partido, no que o mais destacado foron as expulsions, innecesarias a todas luces. O Carnota mostrouse inoperante ante o gol a pesar de darlle bo trato ó balon, e a SD tirou de saber estar para manexar o partido con solvencia.

PONTECESO 2 SD SOFAN 1

Nova derrota a domicilio da SD, nun partido moi parecido ó disputado fai 15 dias en Malpica, no que se adelantaron os visitantes pero o Ponteceso nos primeiros quince minutos do segundo tempo remontou o encontro e acabou levandose os 3 puntos. Dia de moito calor con uns 80 espectadores nas gradas.

PONTECESO: Pombo, Adrian, Salva(Roberto Rios m.46), David, Mato, Miguel Martinez, Tucho, Toniño(Pablo Rama m.70), Carlos, Ruben(Bolon m.65) e Nando(Mendieta m.72).

SD SOFAN: Jose Ramon, Baneira, Gustavo, Juanjo, Varela, Pizo(Marcial m.68), Bertin, Adrian(Oscar m.68), Victor D.(Jose m.55), Berti e Suso Docampo.

ARBITRO: Mañana Castro, que amonestou a Pombo e Mendieta por parte local, e a Baneira, Gustavo e Suso por parte da SD.

GOLES: 0-1 m. 40 Falta botada por Pizo ante a que Pombo pouco pode facer 1-1 m.52 Saque de banda colgado na area que Pizo peina e introduce o balon na nosa porteria 2-1 m. 60 internada de Carliños pola esquerda e o seu balon ó segundo pao introduceo Toniño na porta.

Partido moi trabado, de forte presion por ambos equipos e algo tenso por momentos. A pouco de comenzar o partido tivo unha boa ocasion Adrian, pero o seu tiro saiu fora. O Ponteceso encerrou á SD na sua area a base de xogadas a balon parado, creando algunha boa ocasion, pero Jose Ramon estivo moi acertado baixo paos no dia do seu debut. Pouco a pouco foise estirando o Sofan, Bertin e Pizo recuperaron moitos balons no medio campo e Berti e Suso movianse ben arriba pero sen crear verdadeiro perigo. O partido era moi trabado, con constantes interrupcions e as ocasions non chegaban. Aproveitou Pizo un libre directo para adiantar ó Sofan no marcador pouco antes do descanso.

A saida dos vestiarios dos locales foi moi boa, xogando o mellor futbol do partido, e creando diversas ocasions a base de insistencia. Carliños enviou un balon moi alto cando tiña todo ó seu favor. Este xogador foi o elemento clave, pois das suas botas partiron constantemente bos balons para os dianteiros locais, que non estiveron moi atinados na tarde de onte. En poucos minutos o Ponteceso xa remontara o partido, e eso que Jose Ramon estivo moi fino en un par de intervencions. O Sofan tentou de buscar o empate con mais corazon que cabeza e primeiro Berti a pase de Suso e logo Pizo nun gran disparo poideron empatar, pero non foi posible. O resultado mais xusto poderia ser un empate, pero a SD volve de vacio do Pinguel

BERTIN NO DEPORSPORT

O noso guapo dianteiro Bertin foi obxecto de interese polos redactores do Deporsport que publicaron o venres a noticia que adxuntamos. A ver si se motiva o bo dianteiro da SD e o domingo en Ponteceso anota os seus primeiros goles da tempada, que boa falta van a facer

SD SOFAN 4 BUÑO 4

Partido de locos no Carral, con 8 goles, polemica arbitral e moitisima emocion. Boa entrada de publico en tarde de moito bochorno. Os equipos alinearon ós seguintes homes:

SD SOFAN - Costa, Victor Docampo, Gustavo, David Baneira, Varela (Oscar 64), Pizo, Adrian(Marcial m.85), Juanjo, Berti, Bertin(Suso Docampo m.64) e Eloy

BUÑO - Añon, Aitor, Manolo (Oscar m.65), Diego, Carlos, Aldao, Mario, Jorge Calvete (Emilio m.63), Victor, Juan Antelo (Richard m.55) e Neucha

ARBITRO: Rodriguez Tajes, que amonestou a Juanjo e Oscar por parte do Sofan, e a Diego, Mario, Jorge, Victor, Neucha, Richard, Emilio e Oscar por parte do Buño. Expulsou a Aldao do Buño no m.71.

GOLES: 0-1 m. 26 Tiro ó largueiro de Victor e Mario marca de cabeza no rexeite. 1-1 m. 31 Adrian rompe por velocidade á defensa do Buño, burla a Añon e marca a porta vacia 1-2 m. 39 Victor pelea un balon de cabeza, deixa o balon morto para que Jorge Calvete empalme ó fondo das mallas 2-2 m. 44 Internada de Adrian pola banda dereita, cede o balon a Berti que anota. 2-3 m. 53 Penalti inexistente que transforma Victor 3-3 m. 67 Pizo acerta a rematar un balon dentro da area moi axustada ó paro. 3-4 m.88 xogada de mala sorte de Oscar que marca na sua propia meta 4-4 m. 91 internada de Juanjo pola dereita e o seu disparo remachao Berti no segundo pao.

Partido extraño o visto en Sofan, de moita loita e pelexa pero non escesiva calidade. As dimensions do campo propiciaron un futbol moi directo con ocasions de gol constantes, sobre todo por parte local. Arrancou mellor o Buño, defendendose con seguridade e sacando perigosos contragolpes. Mario e Victor crearon moitos problemas á defensa local, e de tanto que tanto que foi o cantaro á fonte rompeuse. Co marcador en contra o Sofan tivo unha rapida reaccion e o empate de Adrian chegou de inmediato, pouco despois de que Bertin marrara unha clarisima ocasion diante de Añon. Pero nun novo despiste defensivo chegou o 1-2 e a SD tivo que volver a remar contra corrente. O gol de Berti antes do descanso foi un balsamo para a retirada ós vestiarios dos locais.

Sairon no segundo tempo moi convencidos os xogadores do Sofan das suas posibilidades, mellorando algo o xogo realizado na primeira parte, pero o colexiado sacouse da manga un penalti inexistente a Victor que o propio dianteiro transformou con moita calma. Chegou a reaccion no banquiño local e pouco despois dos cambios empatou Pizo. Neste tramo de encontro a SD dominou claramente, realizando as suas mellores xogadas, con Eloy e Adrian entrando por banda e Berti e Suso moi incisivos en ataque. Tivo o maior dos Docampo un man a man con Añon que o veterano gardameta rexeitou moi ben, e pouco despois un claro penalti a Berti foi sacado fora da area polo colexiado. Cando mais acosaba a SD chegou o mazazo do gol en propia meta, pero ainda sacaron forzas os locais para igualar o partido. Nun final de locos ainda puido gañar o Buño nun remate de Victor á saida dun corner cando o partido estaba casi finalizado.

SCD MALPICA 2 SD SOFAN 1

Caeu derrotado a SD na Pedra Queimada contra un Malpica que parece ser o equipo gafe dos ultimos anos para os de Sofan. En tarde soleada e con frouxa entrada nas gradas alinearon os equipos a:

MALPICA: Toni, Avelino, Brais, Dieguito, Marco, Quique (Manuel m.55), Alfrediño (Alex m.90), Andres, Martuxa, Cheo e Charly (Charro m.55).

SD SOFAN: Costa, Victor, Pancho (Oscar m.65), Gende, Baneira, Pizo, Varela (Gustavo m.82), Juanjo, Berti (Cristian m.60), Bertin e Eloy(Suso m.60)

ARBITRO: Jose Manuel Grañas Martinez que amonestou a Marco, Quique e Martuxa por parte local e a Pancho, Baneiro, Gustavo e Gende este en 2 ocasions polo que foi expulsado no m.70, por parte da SD

GOLES: 0-1 M. 18 Corner botado por Pizo que Baneira remata de maneira impecable no segundo pao 1-1 m. 57 Alfredo engancha un trallazo dende fora da area tras xogada individual 2-1 m. 78 Martuxa aproveita un rexeite tras unha xogada embarullada.

Saiu a Sd ben plantado no terreo de xogo, esperando ó Malpica e entregandolle o mando do balon e lanzando perigosas contras. Nunha delas Bertin cedelle o balon a Berti que remata solo no punto de penal e Toni desvia en gran parada. Pouco despois chega o primeiro gol nunha estratexia perfectamente executada. En contra do que poderia parecer, a SD botase atras con este gol e o Malpica comenza a facer o seu habitual futbol de toque, con Cheo entrando unha e outra vez pola banda dereita. As ocasions sucedense diante da meta de Costa, pero por sorte chegase con ventaxa visitante ó descanso.

No arranque do segundo periodo puido sentenciar o partido o Sofan, e contras moi ben levadas que unha vez Eloy e outra Berti, ambas a porteria vacia, non foron quen de marcar. E cumpliuse o dito de que " o que perdona paga". Alfredo non perdonou e levou o empate ó marcador cun autentico golazo. De maneira increible a SD baixou os brazos co empate, e o Malpica creciuse ata tal punto de marcar pouco despois o segundo e definitivo gol. Esto e a expulsion de Gende decantou definitivamente o encontro, pois os intentos desesperados do Sofan por empatar non tiveron exito ningun.

CRONICA DEPORSPORT

Fixose eco no dia de hoxe o DEPORSPORT do bo inicio ligueiro da SD, ainda que percibimos un exceso de triunfalismo nas palabras do redactor Guillermo Parga. No seno do plantel sofanista estamos cos pes no chan e traballando coa humildade propia deste clube para alcanzar os maiores exitos posibles, sen poñerse ningunha meta a priori. De todas maneiras agradecemoslle a Guillermo que nos de cancha no seu medio pois as suas palabras sirven como recoñecemento ó traballo que se ven realizanzo neste clube, e aproveitamos para valorar na sua xusta medida a magnifica labor que este medio está facendo co futbol costeiro. Que siga así por moito tempo.

S.D. SOFAN 2 NANTON 1

Comenzou ben a tempada no Carral, cunha sufrida victoria ante un Nanton moi serio que puxo en moitos problemas ó equipo local. Unhas 100 personas viron un partido aburrido por momentos, que se animou no segundo tempo coa chegada dos goles e as ocasions.

ALINEACIONS:

SD SOFAN - Costa, Victor Docampo, Gende, Baneira, Pancho (Gustavo m. 75); Varela, Juanjo; Adrian, Bertin (Cristian m.54), Berti (Suso Docampo m. 54) e Eloy.

NANTON C.D. - Rizos, Miki, Victor Pereira, Felix, Sito, Isidro (Manolo m.56), Diego, Fabio (Victor Amado m.66), Luis, Serra (Marcos m.75) e Pichel (Carlos Vidal m.60)

ARBITRO: Ruben Baldomar Obellero, que amonestou a Varela e Adrian por parte local, e a Miki, Felix, Sito, Fabio e Manolo por parte visitante.

GOLES: 1-0 m. 60 Suso recibe dentro da area e resolve con maestria. 1-1 m. 73 Rechaza nun corner que empuxa Carlos Vidal libre de marca na area pequena. 2-1 m. 80 Baneira remata de cabeza nun corner anticipandose a Rizos.

Partido moi trabado no primeiro tempo, no que o Nanton se replegou moi ben e o equipo local non combinou coa rapidez suficiente para superar á defensa blanca. Comenzou dominando o Nanton, con un Luis moi participativo pero algo solo no ataque. Foi Eloy o que tivo a primeira ocasion lanzando unha falta ó largueiro. Victor e Adrian entendianse á perfeccion pola banda dereita e o perigo viña maioritariamente por ese costado. Á saida dun corner un remate de Varela provoca varios rechaces e é posible que lle fagan penalti a Berti. Os locais non tiñan as ideas claras e atacaban por rachas pero sen moita claridade. O forte calor tamen influiu para que se vira un futbol algo lento.

No segundo tempo animouse algo a cousa. Tivo Pichel un man a man con Costa que resolveu o meta salvando un gol cantado. Cando mais dominaba o Nanton chegou o gol de Suso e cambiou a decoracion do partido. Pronto empatou o Nanton e o futbol fixose algo mais bonito, con algunha xogada de calidade. Rematou Adrian con maestria, o balon rebotou no longueiro e na linea de gol antes de ser despexado pola defensa. Pouco despois Varela enganchou un dereitazo que o meta visitante sacou da mesma escadra. Pero nesa xogada chegou o 2-1. Costa sacou outra incrible man a pouco do final asegurando a victoria local, moi apretada e peleada que dará unha boa inxeccion de moral de cara ó derbi do domingo en Malpica.