A CELEBRACION DO ESTEIRANA - S.D. SOFAN ESTA NO AIRE

Nunca mellor dito, os ventos huracanados que se aproximan á costa galega teñen en vilo ós xogadores que competirán este fin de semana nos campos de fútbol da nosa terra. A SD, que se tiña que desplazar a Muros para xogar coa Esteirana, todavía non ten comunicación oficial da suspensión do partido, pero todo apunta a que a xornada non se disputará. Estamos todos esperando novas por parte da Federación Galega de Fútbol, que xa suspendeu os encontros de categorías base a xogar na tarde de mañá sábado.

Saldría perxudicada a SD polo temporal, un mais nas últimas datas, pois a Esteirana ten tres xogadores sancionados para esta semana, Adelino, Picholeiro e Maceiras, mentres que a SD só perdería a Aleman, expulsado no encontro contra o Zas e que de non xogarse a xornada, non podería ser alineado contra o Corme no próximo partido.

S.D. SOFAN 1 - SP.ZAS 2

Vibrante encontro no Carral entre o lider Sp. Zas e o 3º clasificado, a SD Sofan. O encontro foi moi equilibrado e puido caer para calquera dos dous equipos, pero a pegada dos zasenses foi determinante. Un gol de Braulio a falla de 4 minutos para o remate foi decisivo. Uns 200 espectadores presenciaron o encontro, nunha tarde marcada polo frio, auga e un vento que imposibilitou por momentos que o espectaculo fora maior.

S.D. SOFAN - Costa, Roberto Souto, Miniño, Pensado, Juanjo, Aleman, Mario Casal, Diego (Jacobo 76´), Adrian, Eloy (Suso Docampo 72´)e Bertin.

SP. ZAS - Norberto, Adrian, Pereiro, Julian, Jorge Espasandín, Mario, Juan Ramon (Ronni 86´), Rubio, Pichin, Braulio e Navarro (Ibiza 78´).

ARBITRO: Mella Fernandez, que amonestou a Mario, Adrian e Suso Docampo por parte local, e a Julian e ronni por parte visitante. Expulsou a Aleman no min 80´ por doble amonestación e a Jorge Espasandín no min 85´ con carton vermello directo.

GOLES:
0-1 18´ Braulio lanza unha portentisima falta que se lle cola a Costa pegada ó longueiro
1-1 39´ Mario Casal engancha un gran disparo dende o borde da area que pega no pao e entra
1-2 87´ Braulio remata un pase da morte de Pichin.

Saiu mandón o lider xogando co vento a favor no primeiro tempo, e acorralou a unha Sd temerosa do potencial do equipo de Felipe. Julian tentou o disparo directo nunha falta, e na segunda que tiveron Braulio puxo en ventaxa ós seus. A SD non tiña o control do balón en ningún momento, pero a raiz do gol a presion do Zas relaxouse e os de Baña comenzaron a carburar. A ocasión mais clara do partido tivoa Diego, tras un erro de entendemento entre Adrian e Norberto rematou a porta valeira dando o balón no pao. O rexeite desta xogada recibeo o propio Diego que cae derribado dentro da area de maneira clara, obviando o arbitro o clamoroso penalti. Un disparo de Eloy ben detido por Norberto precediu o gol do empate. Xogou ben a SD neste tramo de encontro, entrando por bandas, tocando o balon con criterio, pero coa igualada chegouse ó descanso.

Os 10 primeiros minutos do segundo tempo foron para o equipo local, que encerrou os de Zas na sua area, levando o peso do partido. Pero unha clarisima ocasión de Rubio, que enviou alto un remate cando se encontraba só ante Costa, foi o preludio do dominio do Zas no segundo tempo, que tivo mais sensación de perigo ante un equipo local que se defendeu ben pero foi incapaz de sair con perigo ó ataque. O partido era disputadisimo, con dous equipos ó maximo nivel, e viase que o que aproveitase a ocasión se levaría os tres puntos. A rigurosa expulsión de Aleman precediu a non menos rigurosa de Jorge. A falta conseguinte lanzouna Jacobo á barrera, e na seguinte falta que tivo o Zas veu o gol decisivo. Ibiza lanzou o golpe franco, entre Costa e o pao saiu o balón rexeitado, Pichin andivo mais listo que a defensa local e cedeu a Braulio que non perdonou. Na seguinte xogada unha internada de Adrian foi rematada por Suso e respostou Norberto en gran parada, non podendo machacar Mario o rexeite do gardameta. Ainda tivo Pensado a ocasión final nunha falta ó segundo pao á que non chegou por pouco.

Decepción na parroquia local que ve como o seu equipo, a pesar de conservar a 3º posición, se alonxa case definitivamente dos postos de privilexio, quedando a liga nun man a man entre o Xallas e o Sp. Zas.

S.D. SOFAN - SP. ZAS, Domingo ás 16:15 no Carral

Partidazo o que se poderá presenciar este domingo a partir das 16:15 horas no tapete do Carral. O lider Sp. Zas visita ó 3º clasificado, a SD, do que o separan 9 puntos. É a derradeira opción dos de Sofán de engancharse á loita polo título. De caer derrotados ante os zasenses as opcións serían prácticamente nulas. Esperase unha grande afluencia de publico no recinto sofanista.

Ambos equipos son dos mais goleadores da competición, con 54 tantos en 23 partidos, o que da unha media de 2,35 tantos por partido, unha cifra mais que respectable. So o Xallas os supera. Os xogadores mais destacados polos locais neste eido son Bertín e Berti, con 12 tantos cada un, e Eloy con 6. Por parte visitante, Braulio leva 13, Navarro 10 e Rubio 7. O meta Norberto é o menos goleado da categoría. O Zas so encaixou 15 tantos no que vai de competición, mentres que a porteria sofanista se viu perforada en 27 ocasións.

O equipo de Felipe Solís é un bloque sólido, basado nunha liña defensiva practicamente imbatible, ainda que a posible baixa do capitán David lles poida restar potencial e xerarquia. O veterano Julian exercerá de lider, acompañado posiblemente dos Pereiro, Mario, e Roli. O bastón de mando no centro do campo é para o ductil Jorge Espasandín, mediocentro de calidade que esta vez poida notar a baixa de Kiko, outra das dubidas do mister visitante, xogador vital no conxunto polo seu despliegue fisico e sapiencia tactica. A sua baixa pode ser cuberta polo xoven Juan Ramon. A liña de ataque é de luxo, coa posible presencia do Rubio, acompañando a Navarro e Braulio, a mellor da liga sen dúbida. O cuarto en discordia estaría entre Pichin e Ibiza, sen descartar ó ex do Baio Diego Suarez. Un gran equipo, sen dubida.

A convocatoria local , con todos os homes á disposicion de Baña é a seguinte:
Porteiros: Jose R. e Costa
Defensas: Roberto Souto, Juanjo, Gende, Diego, Manolo Varela e Miniño.
Centrocampistas: Pensado, Mario, Aleman e Adrian.
Atacantes: Bertin, Eloy, Jacobo e Suso Docampo.
Caense da cita Pizo, Gustavo, Berti, Oscar Pardo e Carlos Tojeiro.

SAN LORENZO 1 - S.D. SOFAN 2

Gran victoria no derbi carballés a conquerida onte pola SD. Diante duns 250 espectadores os dous conxuntos brindaron un emocionante encontro que se decantou pronto do lado visitante. O frio reinante non foi obstáculo para que as paixons futbolisticas afloraran no terreo de xogo e na grada.

S.D. SAN LORENZO - Diego Dourado, Quillo, Fabian, Rudi, Puñal, Dubra, Styven, Cachizo, Javi Pensado (Jorge Pichel 58´), Djalma (Carliños 40´) e Pablo.

S.D. SOFAN - Costa, Roberto Souto, Miniño, Pensado, Juanjo, Aleman, Mario, Eloy (Manolo Varela 87´), Bertin (Gende 89´), Adrian (Suso Docampo 77´) e Berti (Jacobo 64´).

ARBITRO: Trigo Martinez, que amonestou a Cachizo por parte local e a Aleman e Pensado por parte visitante.

GOLES:
0-1 14´Pensado define baixo paos tras un barullo na area pequena á saida dun corner.
0-2 24´Roberto Souto saca un centro dende banda dereita que se envenena e sorprende a Diego
1-2 37´Puñal á saida dun corner.

Saiu a SD decidida a impoñer o seu futbol dende o principio e conseguiuno na primeira media hora, na que foi total dominador do encontro, xogando un bo fútbol, chegando con perigo á area verdillesa e poñendose con dous tantos en ventaxa. A liña defensiva controlou ben as acometidas de Pablo, o home mais incisivo dos locais e Aleman e Mario repartian xogo para os catro homes de punta. Berti moveuse ben de espaldas ó marco permitindo as chegadas de Eloy, Bertin e Adrian dende segunda liña. Despertou o San Lorenzo con un tremendo trallazo de Styven dende 35 metros que dou na cruceta, e o gol de Puñal espoleou os animos da afición das Pedreiras. O arreon final dos locais foi ben contido pola retaguardia sofanista. Ainda tivo Bertin unha boa ocasión pero o seu disparo dende o borde da area saiu fora.

O segundo tempo non foi dun futbol tan fluido por parte visitante. Os locais acosaron o marco de Costa sen chegar a ter ocasións excesivamente claras agas un bo remate de Carliños e un disparo de Styven ó que respondeu ben o meta da SD. Os de Baña puideron certificar antes a victoria e non sufrir nos intres finais, pois primeiro Berti, despois Adrian con un disparo que bateu no longueiro e na liña de gol, e posteriormente Bertin nun disparo que saiu fora. Tivo Suso a sua a pouco de sair ó campo pero o marcador non se moveu. O acoso final do San Lorenzo non se traduciu en claro perigo para Costa, e a SD levouse o derbi, o que permite que o equipo se afiance na terceira plaza da taboa.

O POSTER DA S.D. XA ESTA NA CALLE

Xa está a disposición dos socios e simpatizantes do clube o poster do plantel 09/10 da S.D. A instantanea é do afamado fotografo Marcos Rodriguez, gañador de diversos premios na zona da Costa da Morte e colaborador de http://www.quepasanacosta.com/. Quen queira unha copia para decorar o seu salón, bar ou lugar de traballo como antaño facían os posters de Sabrina e Samantha Fox non ten mais que pedilo en calquera encontro disputado no campo do Carral.

S.D. SOFAN 1 - S.D. FISTERRA 1

Tarde gris a de hoxe para a SD, que era incapaz de imporse a un Fisterra precedido por unha aureola de ser un equipo que trata o balón con categoría, e por momentos deixou a impresión de gran conxunto no Carral. Tras un primeiro tempo xogado de poder a poder o gol anotado por Mario adormeciu ó cadro local que viu como nun erro defensivo Roa igualaba a contenda. Uns 130 espectadores no recinto viron as seguintes alineacións:

S.D. SOFAN - Costa, Diego, Miniño, Juanjo, Pensado, Aleman, Mario Casal, Eloy (Jacobo 64´), Berti (Roberto Souto 70´), Suso Docampo (Oscar Pardo 85´) e Bertin (Adrian 61´).

S.D. FISTERRA - Joselu, Manin, Piti, Bebeto (Xusto 66´), Borja Santos, Munitis, Roa, Julito, Nacho, Tata (Dudo 70´)e Cartamil.

ARBITRO: Ferreño Presedo, que amonestou a Diego e Mario por parte local, e a Borja Santos e Nacho polo Fisterra.

GOLES:
1-0 55´Disparo de Mario dende a frontal da area que lle bota a Joselu diante e se lle cola a rentes do pao dereito

1-1 80´Roubo de balón no borde da area local, o balón chega a Roa que cruza ante Costa.


Prometia bo futbol o encontro pero so se cumpriu nos primeiros 45 minutos. Dous equipos que trataron con criterio a pelota e buscaron o ataque sen complexos. A SD comenzou mandando, e pronto Mario tivo duas clarisimas ocasións, sobre todo a segunda na que tras un disparo de Suso o rexeite de Joselu enviouno Casal alto a escasos metros da porta. O Fisterra buscaba con insistencia a Nacho, un puñal por banda e a Manuel Cartamil, que se fajou como nel é habitual. Extranou a posicion de Borja Santos como central pero este realizou un gran encontro. Tivo Tata a mais clara dos fisterrans neste tramo , pero tras unha xogada de tiraliñas da dianteira o 10 visitante non foi capaz de definir o man a man con Costa, moi ben toda a tarde. Bertin respondeu pouco despois cun tremendo lanzamento de falta que foi repelido polo pao longueiro.

Tras o descanso pronto chegou o primeiro gol dos locales , que incomprensiblemente tras o tanto cederon todo o dominio do balón replegandose en exceso sobre a sua area e sendo incapaces de sacar unha boa contra, unha das virtudes dos sofanistas. Costa primeiro e Mario baixo paos salvaron a mais clara aproximación visitante neste periodo, tras unha preciosa xogada de estratexia. O partido foi mais trabado que no primeiro acto, e cando os locais buscaban poñerlle cancela ó encontro chegou o gol de Roa, que daba un bo disgusto á parroquia sofanista. O arreon final da SD foi infructuoso, ainda que primeiro Pensado cun tiro lonxano e logo Roberto nun remate de cabeza que saiu fora, deron esperanzas de conquerir unha victoria que non chegou.

S.C.D. MALPICA 1 - S.D. SOFAN 1

Disputado derbi o de onte na Pedra Queimada, con xogadas polemicas e bo fútbol por momentos que rematou nunha igualada que non deixa contento a ningúen. Uns 150 afeccionados presenciaron un encontro non que se marraron duas penas máximas. A SD acabou con 10 homes sobre o terreo de xogo pola expulsión do seu gardameta Jose R.

SCD MALPICA - Toni, Victor, Amado, Alfredo, Iago, Eloy, Neucha, Casais (Carlitos 75´), David Blanco, Rancaño, Charly (Cheo 46´)

S.D. SOFAN - Jose R., Oscar, Miniño, Pensado, Juanjo, Aleman, Jacobo (Berti 72´), Adrian, Suso Docampo (Costa 89´), Eloy (Diego 85´) e Bertin.

ARBITRO: Carreira Parrado, que amonestou a Iago, Eloy, Neucha, David Blanco e Cheo por parte local, e a Miniño e Adrian por parte visitante. Expulsou a Jose R. no 89´ por protestar.

GOLES:

1-0 30´Neucha de falta directa

1-1 42´Pensado remata unha falta botada por Miniño.

A SD saiu mandona, a impoñer o seu ritmo de xogo. A presencia de Pensado no eixo da zaga e Jacobo no centro do campo fixo que o balón tivera dono. O Malpica esperaba agazapado a súa oportunidade á contra. A posesión de balón dos visitantes non se traduciu nestes primeiros intres en ocasións de gol, pois a defensa do Malpica mostrouse moi firme e ben situada. Tras un bo disparo de Jacobo chegou a primeira clave do partido. Unhas mans de Pensado son sinaladas como penalti, pero Jose deten o centrado lanzamento de David Blanco. Acto seguido chegou o gol de Neucha que xa o intentara minutos antes. A Sd xogou un bo final de primeiro tempo, e primeiro Eloy nunha falta, e logo Suso nun disparo que atallou moi ben Toni, sembraron o panico na bancada. O gol do empate facia xustiza no marcador ó descanso.

A segunda parte seguiu coa mesma tonica. A saida de Cheo doulle mais mordente ó ataque local, e foi este xogador quen tivo a primeira ocasión. Pouco despois foi Neucha o que tras unha boa combinación do ataque malpican rematou fora. Berti respondeu cun tiro que saiu alto por pouco ante a saida de Toni. O mando nesta recta final foi da Sd, que tivo a ocasión de vencer nun penalti a Suso, que Toni detivo a Bertín en magnifica intervención. Pouco despois reclamase un penalti por claras mans dun xogador malpican dentro da area pero o colexiado fixose o sueco. Suso tivo a ultima ocasión visitante, pero un destacado Toni solventouna. Nun arreon final estivo a piques de levar o partido o Malpica, sobre todo tras a expulsión de Jose. Cheo lanzou a ultima falta fora.